ماحولیاتی شعور

پرندوں کی دنیا کے ھیرو "نیل کنٹھ" جس کا سائنسی نام "انڈین رولر" ہے، کو ٹیکسانومسٹس نے "رولر" نام ان کے مخصوص برتاؤ کی وجہ سے دیا۔ مذکورہ برتاؤ کے مطابق یہ پرندہ تولیدی موسم سے پہلی مادہ کی توجہ حاصل کرنے کے لیے فضائی کرتب کا مظاھرہ کرتے ہوئے دوران پرواز مختلف زاویوں سے قلابازیوں کھاتا ہے۔ چلیں یہ تو رہا ان کا ذاتی معاملہ لیکن انکے دیگر اہم کاموں میں کسان دوستی، ماحول دوستی، اپنے علاقے اور وہاں کے مکین چھوٹے و کمزور پرندوں کی حملہ آور سے حفاظت کرنا بھی شامل ہے۔ یہ دخل اندازی کرنے والے حملہ آور پرندے چاہے ان کا سائز بڑا کیوں نہ ہو، انکو انگیج کرتے ہیں اور جھگڑا مول لینے سے نہیں گھبراتے۔ کمزور پرندے جو باز یا کسی بھی پریڈیٹر کےحملہ سےخوفزدہ رہتے ہیں وہ نیل کنٹھ کی تحفظ دینے کی صلاحیت سےواقف ہیں اس لیے وہ انکے علاقے میں گھونسلہ بنانے کو ترجیع دیتے ہیں۔ اس کسان دوست پرندے کی خوراک میں ٹدی دل، چوہے، بچھو، چھوٹے سانپ اور کیڑے شامل ہیں۔ جنگلی حیات کی تمام اقسام کو ان کے کام سے جاننا ہوگا نہ کہ "حلال ہے یا نہیں" جیسے سوال کو ذھن میں جگہ دے کر۔ فطرت اعلیٰ و عظیم ہے اور اس کی تخلیق فطرت کے عظمت کے شاھکار، جن کو بچانا و تحفظ دینا انسان کی عظمت کا تقاضا ہے۔ #SindhWildlife🇵🇰 #IndianRoller

سندھ وائلڈ لائیف ڈپارٹمنٹ 1980 کی دھائی سے ہرسال صوبہ سندھ میں موجود مختلف آب گاہوں و آبی گذرگاہوں پر موسم سرما میں انڈس فلائی وے کے مسافر آبی پرندوں کی شماریات "اینئوئل واٹر فائول سروے" کےعنوان سے جاری کرتا ہے. صوبہ سندھ کی مشھور آب گاہوں بشمول کینجھر جھیل، منچھر جھیل، حمل جھیل، ھالیجی جھیل، رن آف کچھ، لنگھ جھیل اور نریڑی لیگون سمیت 30 کے قریب مقامات پر جو کہ سندھ کی مختلف سول ڈویژنز سکھر لاڑکانہ، حیدرآباد، میرپور خاص، شہید بینظیر آباد اور کراچی میں واقع ہیں، محکمہ وائلڈ لائف کی ٹیم نے دسمبر، جنوری اور فروری 2026 کے مہینے میں سروے کرکے ڈیٹا جمع کیا۔ حاصل شدہ اعداد و شمار کےمطابق صوبہ سندھ کی مختلف آب گاہوں و آبی گذرگاہوں پر آبی پرندوں کی تعداد 654287 ریکارڈ کی گئی۔ حاصل شدہ ڈیٹا کے مطابق گزشتہ سال مھمان پرندوں کے روایتی ٹھکانے جیسا کہ رن آف کچھ وائیلڈ لائیف سینکچوری کے علاقے پانی کی شدید کمی و خشک سالی کا شکار نظر آئے تھے، رواں سال قدرے بھتری کا رجحان نظر آیا اور رن آف کچھ، تھر پارکر کے مقام پر 135332 پرندے رکارڈ ہوئے۔ جبکہ اسی مقام کے قریب رن پور ڈیم ننگر پارکر کے مقام پر 47970 پرندے رکارڈ ہوئے۔ پچھلے سال کی طرح اس سال بھی سب سے زائد پرندے بدین کی نریڑی لیگون میں 171171 پرندے رکارڈ ہوئے۔ موجودہ سال کے سروے میں مھمان پرندوں کے اعداد و شمار جمع کرنے کے علاوہ آنے والی نسلوں کے لیے، پرندوں کے ڈجیٹل فوٹوگرافک رکارڈز ٹیم کے ہمراہ ہمارے وائیلڈ لائیف فوٹوگرافر یاسر نے جمع کیے۔ ان رکارڈز میں کومب بل ڈک، گرے لیگ گوز، کاٹن پگمی گوز، انڈین اسپاٹ بلڈ ڈک، انڈین اسپاٹ بلڈ ڈک کے علاوہ 35 کے لگ بھگ مختلف اقسام کے ایسے واٹر فائولز جو روایتی طور آتے رہتے ہیں رکارڈ ہوئے۔ سب سے زیادہ تعداد کامن ٹیل اور شاولر کے علاوہ،انڈین اسپاٹ بلڈ ڈک اور کومب بلڈ ڈک کی کچھ تعداد بھی دیکھی گئی۔ دوران سروے لیسر فلیمنگوز اور خطرے سے دوچار نسل گریٹ وائیٹ پیلکن کی خاصی تعداد دیکھنے میں آئی، جبکہ اوریئنٹل ڈارٹر، وائیٹ اسٹورکس بھی خاصی تعداد میں نظر آئے۔ پچھلے سال 2024-2025 کے حاصل شدہ اعداد و شمار کے مطابق صوبہ سندھ کی مختلف آب گاہوں و آبی گذرگاہوں پر آبی پرندوں کی تعداد 545258 ریکارڈ کی گئی۔ اس طرح سال 2023-2024 کے سروے نتائج کے مطابق چھ لاکھ انتالیس ھزار ایک سو بائیس پرندے ریکارڈ ہوئے تھے جبکہ اس وقت بھی سروے کا پھیلاؤ 40 فیصد علاقوں تک تھا۔ رواں سیزن یعنی 2025-2026 کا سروے مکمل ہوچکا جبکہ سروے کا پھیلاؤ 40 فیصد علاقوں تک رہا۔ سروے ٹیم میں سندھ وائیلڈ لائیف ڈپارٹمینٹ کے تجربہ کار رٹائرڈ آفیسر رشید احمد خان نے خصوصی شرکت کی۔ واضح رہے کہ پچھلے سال رشید احمد خان کے کیریئر کا آخری سروے رہا کیونکہ وہ چار دہائیوں تک محکمہ جنگلی حیات صوبہ سندھ میں خدمات انجام دینے کے بعد پچھلے سال مارچ کے مہینے میں ریٹائر ہوگئے تھے۔ #SindhWildlife🇵🇰 #WaterFowlCensus

زیر نظر ویڈیو میں کھمبے جیسی دم والا یعنے "پلر ٹیلڈ اسکارپین" جو کہ ہمارا مقامی ہے ساکت حالت میں دیکھا جا سکتا ہے، واضح رہے کہ بچھو چیونٹیوں کے منہ لگنا پسند نہیں کرتے بلکہ ان کو اگنور کرتے ہیں۔ دنیا میں بچھوؤں کے سب سے زیادہ اسپشیز میکسیکو میں پائی جاتی ہیں جسکی وجہ وہاں کے موسمی حالات ہیں۔ دھرتی کے خط استوائی علاقوں میں چونکہ بارش زیادہ ہوتی ہے اسلیے وہاں بچھوؤں کی کم اقسام پائی جاتی ہیں لیکن دنیا کا سائز میں سب سے بڑا "شھنشاہ بچھو" یا ایمپرر اسکارپین انہی علاقوں سے تعلق رکھتا ہے۔ سائنس و ریسرچ کی تاریخ میں ایک بھی ریفرنس ایسا نہیں کہ سائز کے لحاظ سے دنیا کا سب سے بڑا بچھو یعنے 'ایمپرر اسکارپین' ایک سو گرام وزن کا ملا ہو۔ زیادہ سے زیادہ 15 سے 20 گرام اور وہ بھی "کالا" نام کا بچھو نہیں مزید کہ پاکستان میں تو سرے سے موجود ہی نہیں ہوتا، لیکن تحقیق کرسکتے ہیں کہ لوگ کالے بچھو کے نام پر فراڈ کا شکار ہوئے جن میں اعلیٰ تعلیم یافتہ لوگ بھی تھے۔ جہاں علم و سائنس کی امامت ہو وہاں جنگلی حیات کی مختلف انواع اقسام کو انکی خصوصیات، اکالوجیکل اور ماحولیاتی خدمات کے حوالے سے پہچانا جاتا ہے۔ تو جان لیں اور اپنے ارد گرد لوگوں کو بھی سائنسی آگاہی دیں کہ ٹیکسانومی کے علم کے مطابق 'پاکستانی بچھوؤں میں ایک بھی اسپشیز کالے بچھو کے طور پر کلاسیفائیڈ نہیں' اور اگر کسی چھوٹے سے بچھو کا رنگ کالا ہے تو وہ موسمی ایڈاپٹیشن ہے مزید کہ "کالے بچھو" والا ڈھونگ دھرتی کے کسی خطے پر نہیں ماسوائے ہمارے۔ مطالعہ اور پڑھائی سے اپنے ارد گرد جہالت کو شکست دیں اور علم کی حکمت قائم کریں 🙏 #SindhWildlife🇵🇰 #Scorpion #PillarTailed