.

اتجنّب سبايب شعري ومفرداتي والعرب تجبر الفنان يرجع لفنّه يوم قال الفكر بـ خيّرك في بناتي قلت قلبي مع اللي جعلها ما تحنّه من خطاها علي خلّت عتابي سكاتي والسكّات ابلغ انواع المعاتب مع إنه ضيع اكثر فرص عمري وبعض امنياتي فدوة اللي غلاي . . تبيـنه ما تكنّه (: اتثيقل وهي تقدر تسوي سواتي بس تبغي تهز الثقل كلّه بـ رنّه تدرِي إن رنّه الجوال من مغرياتي كنّي الطرقي اللي سمع للنجر دنّه وأقبلت عودها ريان والريح عاتي واللّقى عقب طول الوصل لابدّ عنّه خدّها فيه مرباع ومصيف ومشاتي ولون تفاح ولا مادري . . ويش كنّه ؟ ادري ان قلبي اخضر بس شكله نباتي يعشق النبت فاكهته . . وهيله وبنّه مستعد اخذ التفاح . . واخسر حياتي قبلي ادم خذ التفاحه وخسر جنّه (: اتفرّع على الموت ابغي الموت ياتي ومت موتت شجاع ضيّعه كبر ظنّه ): صوبتني برمش صار . . سبة وفاتي ! وصرت في عالم الاموات والموت سنّه وجيت جداني اللي جارهم ما يحاتي متعبين المهار . . متعبات الاعنّه قالوا اللي بصدرك ضرب سيف الزناتي ؟ قلت لا والله الا رمش . . أحد منّه