युवा नेतृत्वको सरकारले हाम्रो राज्यको क्यान्सरको रूपमा मौलाएको उच्च तहका विचौलियाहरूको जालो च्यात्न गरेको प्रयास सराहनीय छ। राजनीति, प्रशासन,न्यायालय,सुरक्षा अंग, बाह्य शक्तिकेन्द्र लगायतको सेटिंगमा हुने खरबौंको अपचलनले देशको अर्थतन्त्रलाई मात्र हैन हाम्रो समाजको नैतिक धरातललाई नै ध्वस्त पारेको छ। त्यो माथिदेखि तलसम्म संस्थागत बन्दै गएको भ्रष्टाचारको जालो जरैदेखि नउखेली सुशासन सम्भवै छैन! सुशासन विना समृद्धिको नारा 'सम्धीको गफ' मात्र हुनेछ। त्यसैले यो माथिबाट शुरू गरिएको अभियान तार्किक निष्कर्षसम्म पुर्याउन सूचना, कानून,अनुसन्धान,अभियोजन,मुद्दा फर्स्यौट लगायत सबै प्रक्रियागत क्षेत्रमा समेत पर्याप्त ध्यान पुगोस्! कुनै प्रकारको दबाब सामुन्ने यो सरकार नझुकोस्!