افغانستان کو اصل سزا دینی ہے تو"واخان"کے صرف 15 کلومیٹر کو کنٹرول کر لو۔۔ افغانستان کا چین سے راستہ بھی کٹ جائے گا اور پاکستان کو روسی ریاستوں کے زریعے"ماسکو"تک زمینی راستہ بھی مل جائے گا۔ اب پھر ہمارے جوان افغانستان میں داخل ہوئے۔ پہلے بھی ان کی چیک پوسٹ پاکستان میں شامل کی۔ سمجھ نہیں آتی کہ یہ واخان والی بات ان کو سمجھ کیوں نہیں آ رہی۔ میں عرصہ دراز سے لکھ رہا ہوں کہ اللہ کا واسطہ ہے یہ کر گزرو۔جو کہتے ہیں کہ کبھی فوج نے ایک انچ اضافہ نہیں کیا ان کا منہ بھی ہمیشہ کے لیے بند ہو جائے گا ساڑھے 3 سو سکوائرکلومیٹر پاکستان میں شامل ہو جائے گا۔اور وہ پاکستان کا اہم ترین علاقہ ہو گا۔ چین کو بھی پاکستان سے گزر کر افغانستان میں جانا پڑے گا تو پاکستان کی جغرافیائی اہمیت"بے مثال"ہو جائے گی واخان نایاب قدرتی دھاتوں کا منبع بھی ہے اور ہمارے گلگت بلتستان "ہنزہ،گوجال،سست"میں رہنے والے اسماعیلی(وخی بولنے والے) لوگوں کا علاقہ بھی۔ اور زرداری نے جو ایک بات کہی تھی جس کا مذاق اڑایا گیا تھا کہ تاجکستان سے پاکستان اتنا پانی لایا جا سکتا ہے جتنا"انڈس واٹر ٹریٹی"کے زریعے ہم نے ہندوستان کو دے دیا،وہ پانی بھی واخان کے زریعے"دریائے سندھ"میں شامل کیا جا سکتا ہے۔ واخان۔۔کے لیے افغان طالبان اتنا لڑ بھی نہیں سکتے کیونکہ وہ انتہائی کم آباد اور ان کے لیے مشکل ترین پہاڑی سلسلہ بھی ہے اور ویسے بھی شمالی اتحاد کے زیراثر ہے۔ اس لیے نسبتا"غیر اہم"ہے۔ اور ہمارے لیے اتنا اہم کہ ہماری ترقی کو چار چاند لگ سکتے ہیں۔ ہمیں صرف پہاڑوں کی بلندیوں پر آتی چند سڑکوں پر کنٹرول حاصل کرنا ہے۔ ویسے بھی دنیا اپنے مسائل میں الجھی ہوئی ہے کسی نے اس پر اتنی توجہ بھی نہیں دینی۔ امریکا،ایران،اسرائیل،بھارت، روس سمیت دنیا کے کئی ممالک اپنے اپنے"قبضے"بڑھاتے جا رہے ہیں۔ ہمیں کسی نے کیا پوچھنا ہے ویسے بھی ہماری عالمی امن کے لیے دوسری جگہ بڑی ضرورت/اہمیت ہے۔ سب آنکھیں بند ہی رکھیں گے۔ اللہ کرے۔۔ یہ باتیں سمجھ میں بھی آئیں اور چھوٹی موٹی مصلحتوں کو بالائے طاق رکھ کر یہ کر گزریں۔ (اسد آر چوہدری)