پریس ریلیز چیئرمین ہیومن رائٹس کونسل آف پاکستان جمشید حسین صاحب کا ضلع بونیر کا ہنگامی دkpk آج چیئرمین ہیومن رائٹس کونسل آف پاکستان محترم جمشید حسین صاحب نے ضلع بونیر کے علاقہ سالارزئی کا تفصیلی اور ہنگامی دورہ کیا۔ سالارزئی قوم جو 12 گاؤں پر مشتمل ہے، اس وقت ایک بہت بڑے انسانی المیے سے دوچار ہے۔ یہ وہ علاقہ ہے *جہاں زمین انتہائی کم ہے اور آبادی بہت زیادہ ہے۔* لوگوں کے پاس پہلے ہی گزر بسر کے لیے زمین ناکافی ہے، اور اسی تھوڑی سی زمین پر ان کا گزارا ہوتا ہے۔ ایسے گنجان آباد علاقے میں حکومت اپنی من مانی کرتے ہوئے ان کی آبائی زمینوں پر زبردستی *ماربل سٹی* بنانا چاہ رہی ہے۔ اس منصوبے سے *تقریباً 300 گھرانے براہ راست متاثر ہوں گے*، جن کی آواز نہ حکومتِ وقت سن رہی ہے اور نہ کوئی ادارہ۔ منصوبہ یہ ہے کہ ان غریب عوام سے انتہائی کم قیمت پر زمین چھین کر آگے 10 گنا زیادہ قیمت پر فروخت کی جائے گی۔ *یہ ترقی نہیں بلکہ غریب کشی ہے!* جہاں زمین پہلے ہی کم اور آبادی زیادہ ہو، وہاں لوگوں سے ان کی آخری زمین بھی چھین لینا ان کو فاقہ کشی پر مجبور کرنے کے مترادف ہے۔ یہ منصوبہ ترقی کے نام پر سالارزئی قوم سے ان کے بنیادی انسانی حقوق چھین رہا ہے۔ *یہ زمین ان کی ماں ہے!* یہ ان کے آباؤ اجداد کی نشانی اور ان کے بچوں کا واحد سہارا ہے۔ کوئی بھی غیر قانونی اور غیر آئینی طور پر اس میں مداخلت نہیں کر سکتا۔ *ہیومن رائٹس کونسل آف پاکستان حکومتِ وقت سے پرزور مطالبہ کرتی ہے کہ:* 1. جہاں زمین کم اور آبادی زیادہ ہو وہاں ماربل سٹی جیسے منصوبوں کو کسی بنجر اور غیر آباد علاقے میں منتقل کیا جائے۔ 2. 300 متاثرہ خاندانوں کو بے گھر کرنے کا یہ ظالمانہ منصوبہ فی الفور واپس لیا جائے۔ 3. آئینِ پاکستان کے آرٹیکل 23 و 24 کے تحت شہریوں کے حقِ ملکیت کا تحفظ کیا جائے۔ 4. کسی بھی کاروائی سے پہلے مقامی جرگہ اور متاثرین کو اعتماد میں لیا جائے۔ ہیومن رائٹس کونسل آف پاکستان واضح کرتی ہے کہ ہم ان 300 گھرانوں کے ساتھ کھڑے ہیں اور ان کے حق کے لیے ہر قانونی اور آئینی دروازہ کھٹکھٹائیں گے۔ جاری کردہ: شعبہ اطلاعات - ہیومن رائٹس کونسل آف پاکستان #kpk #Buner @GovtofKPK @CSKPOfficial @jamshed_hrc @GovtofPakistan @SohailAfridiISF