ہماری قوم کی ایک عجیب سیاسی کمزوری ہے: ہم نتائج سے زیادہ ہیرو بنانے میں دلچسپی رکھتے ہیں۔ اس لیے ذرا ریکارڈ کو جذبات سے ہٹ کر دیکھیں۔ عمران خان نے تیس سال سے زیادہ عرصہ سیاست میں گزارا ہے اور جس پیمانے کی سیاسی، ذاتی اور مالی قربانی انہوں نے دی ہے، اسے کسی مارچ، کسی جیل، کسی انٹرویو یا کسی تقریر سے چند سال میں replicate نہیں کیا جا سکتا۔ انہوں نے اپنی فیملی سے دوری برداشت کی، اپنا وقت دیا، اپنی صحت کا نقصان برداشت کیا، اپنی آنکھ تک کی تکلیف برداشت کی، اپنی ذاتی زندگی قربان کی اور اپنی دولت اور savings کا ایک بڑا حصہ اسی جدوجہد پر خرچ کیا۔ یہ سب اس دور میں شروع ہوا جب سوشل میڈیا نام کی کوئی طاقت موجود نہیں تھی۔ پھر سوشل میڈیا آیا تو انہوں نے اس نئے سیاسی ماحول کو بھی اپنی جدوجہد کا حصہ بنایا۔ یہ resilience کسی PR campaign سے پیدا نہیں ہوتی۔ اس لیے جو لوگ عمران خان کی سیاسی جماعت میں آج موجود ہیں، ان کے لیے یہ سمجھنا بے حد ضروری ہے کہ اگر کوئی شخص اگلے تیس یا چالیس سال بھی سیاست میں گزار دے، تب بھی وہ خود بخود اس تاریخی تجربے، قربانی اور سیاسی سفر کا متبادل نہیں بن سکتا جو عمران خان نے کئی دہائیوں میں طے کیا ہے۔ یہ کسی کی تضحیک نہیں، حقیقت پسندی ہے! سوشل میڈیا کیمپین، PR، مسلسل میڈیا موجودگی اور مصنوعی طور پر کسی کو "نیا ہیرو" بنانے کی کوشش اپنی جگہ، لیکن ان چیزوں سے سیاسی قد، عوامی اعتماد اور دہائیوں کی resilience پیدا نہیں ہوتی۔ اس لیے آنکھیں کھلی رکھیں۔ کسی کو صرف اس لیے عمران خان کا متبادل سمجھنے کی غلطی نہ کریں کہ اسے مسلسل اس انداز میں پیش کیا جا رہا ہے۔ ہیرو بنائے نہیں جاتے، وقت انہیں بناتا ہے۔ وقت سے پہلے کسی کو متبادل یا ہیرو یا حق سمجھ لینا صرف غلطی نہیں، اپنے ہی شعور کے ساتھ ناانصافی ہے۔