Ahmed

تحریک انصاف، جماعت اسلامی اور یوٹیوبرز ۔ حکومت جماعت اسلامی سے مذاکرات کرے اور وزیراعظم خود امیر جماعت سے رابطہ کرے تو صدیق جان ہوں یا ان جیسے دیگر یوٹیوبرز، وہ اسے ملی بھگت قرار دیتے ہیں، اسٹیبلشمنٹ کا اشارہ بتاتے ہیں، حکومت کو جواز بخشنا کہتے ہیں، طرح طرح کے الزامات لگا کر اس کا مذاق اڑاتے ہیں ۔ لیکن اگر پارٹی چیئرمین بیرسٹر گوہر سمیت پوری پارٹی اسٹیبشلمنٹ سے رابطے میں ہو، اور یہ الزام خود ان کے اپنے لوگ لگا رہے ہوں، پارٹی رہنما حکومت سے مذاکرات کی بھیک مانگیں، طاقتور حلقوں کی منت سماجت کریں، محسن نقوی سے بار بار ملیں، علی امین بطور وزیراعلی کہے کہ نقوی رہا کروانے کےلیے اخلاص سے کوشش کر رہا ہے۔ وہی محسن نقوی جس کے بارے میں سب جانتے ہیں کہ وہ حکومت کن کا نمائندہ ہے۔ تو یہ سب یوٹیوبرز اس گوبر کو حلوہ بنا کر ہی پیش نہیں کرتے بلکہ ایک قدم آگے بڑھ کر وہ بیانیہ بنانے کی کوشش کرتے ہیں جو صدیق جان کی اس ویڈیو کے پوسٹر میں نظر آ رہا ہے۔ یہ پوسٹرز تحریک انصاف کے تمام یوٹیوبرز کا عکس ہے۔ اسے وہ ترپ کا پتہ کہہ کر حکومت کا گھٹنوں پر آنا بتاتے ہیں، پی ٹی آئی کے سامنے ہاتھ پھیلانا کہتے ہیں، خان کے جیل میں بیٹھے بڑی گیم کی کہانی سناتے ہیں۔ اس کا جواز پیش کرتے ہوئے اسے حکمت باور کرواتے ہیں۔ ۔ یعنی ان کے نزدیک حکومت خود جماعت اسلامی سے رابطہ کرے اور مسئلہ حل کرنے کی یقین دہانی کروائے تو یہ غلط ہوتا ہے لیکن پی ٹی آئی خود حکومت سے رابطہ کر لے اور اس کا چیئرمین بار بار رابطوں کا مطالبہ اور اس کی تصدیق کرے اور راستہ نکالنے کی اپیلیں کریں تو یہ درست ہوتا ہے۔ ۔ جو لوگ ان کے وی لاگز سنتے ہیں، انھیں غور کرنا چاہیے کہ چرب زبانی سے انھیں کیا نقلی مال بیچا جا رہا ہے، ایک خیالی دنیا ہے جس میں جھوٹ کو سچ اور سچ کو جھوٹ بنا کر پیش کیا جاتا ہے۔ یہ پہلی دفعہ نہیں ہو رہا، ویوز کے چکر میں یہ ہمیشہ ایسی ہی کہانی گھڑتے ہیں۔ اس معاملے کا ایک پہلو یہ ہے کہ اس سے بنی بنائی بات بگڑ جاتی ہے، اور کوئی راستہ نکل رہا ہو تو وہ بند ہو جاتا ہے۔ یہ گروپ کبھی ویوز کے چکر میں اور کبھی مالکان کے اشارے پر ماحول خراب کرتا ہے۔ اسی لیے لوگ یہ بات کہتے ہیں کہ یہ یوٹیوبرز ڈبل ڈیوٹی دے رہے ہیں ۔ صدیق جان اور حبیب اکرم سمیت تحریک انصاف کے تمام یوٹیوبرز سے یہ سوال تو بنتا ہے کہ فارم 47 پر بیٹھی اس ناجائز حکومت سے مذاکرات کرنا اور اس کے لیے باقاعدہ کمیٹی بنانا کیسے جائز ہے؟ ایک ناجائز حکومت سے بات چیت کرنا، بریک تھرو کا کہنا اور یوٹیوبرز کے اپنے الفاظ میں ریلیف کی بھیک مانگنا کیسے درست ہے؟ جو چیز جماعت اسلامی کے لیے حرام تھی، وہ تحریک انصاف کے لیے کیسے حلال ہے؟ یہ بھی بتائیں کہ کیا اب حکومت سے مل کر انقلاب لایا جائے گا؟ کیا یہ سب فکس میچ ہے اور ملی بھگت سے ہو رہا ہے؟

آخرکار مل گئی وہ ویڈیو! عوام کا کیسا درد و احساس پایا ہے کیا شاندار اشرافیہ مسلط ہے ہم پر۔! ۔ اب یہ بی بی 1100 ارب کے جہاز میں لندن گھومتی ہے، اور یہاں چچا نے تیل و ڈیزل کو 400 فی لیٹر تک پہنچا دیا ہے