محمد ظافر

' من حرّة الشوق يجفاني لذيذ المنام و الليل ؟.. ما يقبل الا جايب طيوفها تغرّهم ( بسمة ) إللي يحسبونه تمام و قلبه رهين الحزن من جوفه لـ جوفها مرت علي .. بس ما مرت مرور الكرام ! راحت وهي شايله قلبي على : كفوفها غيداً !.. قبل لا أعرفها ماعرفت الغرام حبيت لون البحر من لون " نفنوفها " جبينها .. نوره يبدد " خيوط الظلام " نور القمر ؟.. كنه متراكي على كتوفها من أول تخاف من عندي ما تلقى إهتام و ياخوفي الحين أنا ماهوب : يا خوفها الفوضوي طول عمره ما مشى بـ إنتظام الا إنتظامه ؟.. لاصار يلبي ( شفوفها ) أعرف أحبك فعل و أعرف أحبك كلام إلى ؟ متى أحبك أسمعها ولا أشوفها ما روعتني سيوف العالم بـ شكل عام قبل ؟.. لا تشهر علي الفارع سيوفها بيبان صدري عليها مثل : باب السلام في البقعه إللي ملكها يخدم ضيوفها هي توم قلب الحزين الميّت من الهيام وش توم تعني لها ؟.. لو أقلب حروفها إن كان جتني .. تعداها العتب و الملام وان كان راحت .. بقول مقدر ظروفها ينتابني ( الكبريا ) و إلا .. علي الحرام إني لو أعوف ؟.. نفسي مقدر أعوفها لو شفتها الحين و إلا شفتها بعد عام ؟ تكبر .. و عندي ما يكبر غير معروفها

عسى اللي يشوف ان كلمت الحق ما تنقال فدى اللي لو انها تجلب الموت ينطقها يسدك عن ضعوف الروابع ولد رجال لا صكت عليك ضروف وقتك يفرقها تبين الوجيه البيض لا شانت الاحوال مثل ما تبين الشمس من صوب مشرقها لا حط الزمن راس السنافي على التمثال يحط ( الردي ) في قمة ما تصدقها .

احرص على عمرك الباقي قبل لا يضيع لو يشترى كل شي !! العمر ما يشترى صدرك على قسوة الايام خله وسيع ما كل واحد بيكسره انكسارك ،، ترى حاول بفعلك تصدّر قدر ما تستطيع لا تقبل تكون دايم في المواقف ورى اصنع لنفسك مكانه في عيون الجميع ان جيت كلٍ درى وان رحت كلٍ درى .