محمد بن عديس

من الأيام أخذت الضيق كله يا نهار السبت حسافة / ليه ما خلّيت ضيق لبكرة أضيقه؟ جعل فيك الله من الريب و من الحزن و من الكبت ما لا ربي جعل في وجه غيرك من مخاليقه ياعنك إنّي ليا من وايقت شمسك علي ارتبت ما كنّي غير من يدرا الخناجر عن معاليقه يصبرني على وجعاك سجّاتي فـ بطن الخبت و غروٍ جعلني ما اعتاض في صافي عسل ريقه أبو عودٍ لو يتوب الهوى عن الهوى / ما تبت من مجاذب ثماريه المراديم و مواريقه ياكثر الرزق في وجهه وكثر الما و كثر النبت ويا كثر القلوب المرجهنّة في صناديقه صدفته في دروب العابرين و رحت له ما هبت واخذته من عشاشيق الزمان و من مطاليقه تعللنا بدايات الصبابة لين شاب و شبت على الحب العفيف اللي تشوف النفس توفيقه أنا لولاه ما غنّيت ما أغنّيه و لا جبت من طروق المحبة طرق يالولا طواريقه خذاني لين صار إن غاب عنّي / عن حياتي غبت عسى لا غاب / همّي تقدر الأيام تفريقه يكفيني من الضيقات ضيقي في نهار السبت حسافة ليت خلّا ضيق لا جا بكرة أضيقه

ياحبيبي سدّك اللي جاك ولّا ودّك اندف القديمة بالجديدة غالي و تامر أمر فلا تغلّا التغلي منك يذبحني زهيدة أنت شيٍ لا يطال ولا يخلّا وأنا جيتك ذيب صيد و رحت صيدة السوالف من فمك شهدٍ محلّا والليالي كلها بوجهك سعيدة والصباح اللي معك ما كنّه — إلّا الصباح اللي يجي عقب القصيدة

يا عبيد ما عندك قصيدة جديدة اسمع بها من ملهمات الفكر شي أنا لي أيام و ليالٍ عديدة في حالةٍ والله ما اعرف وش هي مغير اتئتئ في كلامي و أعيده و امشي شوي شوي و اوقف شوي و اسج سجة من يكيد المكيدة و أحب شمس القايلة و اكره الفي تقول كني فاقدٍ لي فقيدة ولا مروي كبدي من الحمر ري اللي يمسيني بليلة سعيدة أقول ويش تقول و أن عاد قلت أي ما عدت أعرف أقول جملة مفيدة أعوذ بك يا رب من حالي السي الكون ما اغرتني بحوره و بيده أبي السما يا رب ليت السما لي فيني صفات أهل الصفات الحميدة لكن فيهم حاجةٍ ماهي بفي و أنا فتى و حبال عقلي جويدة لكن بلاه ادليه اكبار و ملي يفيض و انثر ماه والله يزيده ازريت فيه ألقى على قيسه دلي عاد أنت مدري عنك تفهم نشيده ولا تلاحي له ملاحى هل الغي بس الوكاد أن يمة الدرب سيدة أن جبتها من هناك ولا من هني بكرة تشوف اسمي بوجه الجريدة ولا تشوف اسمي مع اللي مَ هو حي و الراحة اللي بعد نظم القصيدة ودي بها لكن ما ودها بي

السلام عليكم