عبرود

دارً جفت ربعن عمايمهم الطاس من عقب ذولا مابها لي اقعادي والله لو اعطابها مال عباس فراشي الديباج والشكر زادي ≠ الشيخ راكان ابن حثلين رحمة الله عليه

« يا رضى صبح السماحه يا ذوالوجه البشوش من يصبّح وجهك العذب ، وش عاده يبي ؟ » / صباح الخير

« عيونك لا تدربا دمعها في وجهك المملوح ترا كنك دربي في خفوقي . . من حصا الحره » ≠ علي الدعيّه

تختبرني ميلة الشمس عصريه ليتها تشرق علي قبل موعدها دنقّت دنّاق بنتٍ ( سحاويه ) يوم جابو سيرة اللي طلب يدها ضيفة الخاطر اللي مالت الفيه ما يسرك حاله اللي يجاهدها فاقدٍ من عمري أجمل لياليّه كل ذكرى ما بقى إلا قصايدها كنها بعض الديار الخلاويه جرد والله من عربها مجردها كن ما هيب أمهجوره ومنسيّه تحتفظ باللي بقى من شواهدها انزلوها ريف و عدوها حيه واهجروها يوم شحت مواردها أعسف نفسي على الصبر ومعيّه والعصابه عادة من عوايدها حي وجه كل ما غاب راعيه تصغر الدنيا بعيني وأزهدها لأجلك تقام المراسم الأميريه يا ولي أمر الحنايا وسيدها فدوتك قلب تلاحقت تاليه ذاق لوعات الليالي وكابدها كل حاجه غاليه ذات أهميه خايف يهمّ فيها ويفقدها عاذرك لو تلحق الكيّه الكيّه مثل ما يلحق على النار موقدها ≠ جابر النشيرا

الشمس ماعاد تذكر حبّنا .. زين من بعد ماكان يبدى فيك يـومي كان الصباح أفضل الأوقات والحين : خرّبت طبعك ، وأنـا خرّبت نومي ≠ مزيّد الوسمي

اقول الكلام الصدق يالفارع الميلاف غيابك يعلّ القلب .. ووصالك علاجه خذي كل حاجه لكن الصد والانكاف هذي والله اللي بيننا ما لها حاجه معك ما شكيت الضيق والهم والاجحاف انا اول غريق يصد ( لا شاف مخراجه ) ! سجين الهوى لامن رفع موعد استئناف " يبي زود حكمه ما يبي لحظة افراجه " ≠ محمد بن عديس

« ما بقى من ذكرياتك سوى يوم الربوع النهار أقرا رسايلك / والليل أسهره »

يابو علي كن ف الصدر قرقعة جيب يحتاج ل الورشه .. لـ تشييك كامل من غرفة الفندق بدوّج مع السيب من الجلوس أقدام رجلي / تنامل وإن دجت كني فوق روس المراقيب أو فـ البحر من فوق ظهر المحامل منقيّة الذكرى ورا مفرق .. البيب مسمولة ما عاد تحتاج .. سامل ! إصمل ترا صاحبكم محمد الذيب على العهد للحين / ما زال صامل وخسارة القاف إللذي ماهو يصيب على الورق : والمحبره : والآنامل فيروسكم يا مسحّلين .. المشاهيب نشيط و الدكتور ماهوب .. خامل عالجكم .. ب وصفه فريدة تراكيب ماهيب توجد في كبار .. المعامل يا مفارقين الهامه من العراقيب وجودها مع بعض .. لـ التكامل ياقصر يـ اللي ضيقوك الأجانيب ماني ورا ظلك مدثر .. و زامل جعلك بخير و يسلمون المعازيب إفحص علي وتشوف مانيب ثامل بنادم : ش يقدر يودّي أو يجيب ؟ لا يحسب انه يعيش ف الارض هامل ما يدري إن رزقه وتوفيقه " وشيب راسه " لو الزنديق قام .. يتخامل مكتوب في لوحَ ب أمر عالم الغيب تريّحو .. ياهل " وجودي و يامل " قدام أبوه يدز ل أمه .. مناديب ! وتوافق وتاخذه وتصير حامل وتجيبه و يبلش طوال الأشانيب بلشة أبو عداي ف حسين كامل إللي لو تليّن عليه .. المشاعيب تأمينه الصحي ولو كان شامل ما عاد ينفع فيه طب الأطابيب من عامل النفسي لـ عدة عوامل إيلين يقفي صيحةً في قفى ذيب بامل / وربي ما كتب له ما يامل رعبوبتي ! .. لافخرن الرعابيب حفيدة إللي يقبلون : بـ زوامل لا تنثرين الدمع دمع المره عيب في عين حرً .. منكسر ويتحامل ! تبسمّي ما تشرق الشمس وتغيب كره مراويح السحاب ! .. إتهامل وأنا رجل سستم حياتي على طيب مع طويل العمر .. وأدناة عامل ! مع مراعاة المقامات .. ترتيب مانيب جاهل في فنون التعامل اللّه يجملنا لا جات .. المواجيب واللّٰه يجملنا .. مع كل ( جامل ) وصل الكمال إللي ما حوله عذاريب للّه .. ( والمخلوق ) ماهوب كامل ≠ محمد ابن الذيب

يا وجودي وجد من نفسه جزوعه باقيٍ فيها علومٍ ما نستها لا بغى عن سجِّته ينسى دموعه مرِّته ذيك العلوم وحوَّلتها واشعلت نارٍ حطبها من ضلوعه تاكل اللي فوقها واللي تحتها كل ما أذكر من خذت قلبي قطوعه واقتفاها النوم وعيوني قفتها جوخةٍ من متن أبو زيد مخلوعه لو درت عنها السلاطين سْرقتها ضامرٍ سرجوفها كنِّه بجوعه ما تفرِّق بينه وبين رْقبتها كنّها ظبيٍ قبل ظلّه يروعه باقيٍ فيه إلتفاتة ما التفتها اسم ابوها : (اللي يحطِّه تحت كوعه) واسمها : (اللي تدرسه في مدرستها) ما تعلَّا بالخيال ولا فروعه غيرها ولا تبوأ منزلتها كن عمري من اسبوعه لا اسبوعه تنظمه نظم الخرز في سلسلتها تجمعه لا شعشع سهيل بطلوعه وتنثره لا حتت الأرض ورقتها همّها أشرب دلته وآكل قدوعه من ضوتني «ليلة السبت» وسرتها روَّحت وفوادي الفرقا تلوعه ما حسدت إلا البسيطة في سعتها القناعة كنز للنفس القنوعه ما بقى إلا روحي وروحي خذتها ليتها مرواح من يرجى رجوعه كان ما غمَّضت عيني من جهتها والضياع اللي طبوعي من طبوعه بْركات الله عليَّه وابركتها ضاع عمري من اسبوعه لا اسبوعه ما بقى إلا ليلة السبت وسرتها ≠ مدغم أبو شيبه

ما يقِعد خوى راسي بعد ما رحلتي ، بن ولا عاد صبّ الوابل العذب يحييني تطول الدروب ، وباقي أنتي بصدري كن عزاير غيابك ، ما هي بـ واضحه فيني ≠ حمود بن فارس

« خلّ المفارق يكون بـ ليلةٍ قمرا عشان تبقى ملامح وجهك بعيني » ≠ طلال النشيرا

تباشير نفحات النسايم على المخنوق كريمة مساعي مثل تفريجة الكربه يسامر سرايرها ونسناسها برفوق مجاذب طيوف الغايب اللي يبشّر به تباطيت شوف اللي عليه العيون تتوق وعليه الحنين أصدق من الدمع في الغربه رهيف المشاعر منه حتى الجروح بذوق تقول يتطعَم في كلامه وفي شربه أحس بشعوره كنّه من الحشا مخلوق طواريه دايم ماخذتني على دربه ربا الحسن فيه وعاش باللي عليه يلوق مثل ما ربت بلسانه الكلمه الذربه عتيق الترف من كثر ما اللّه عطاه فروق من يصادفه واجه مماته على طربه على ضحكته ما يظلم السارق المسروق وعلى دمعته ما لأحد عذر يتعذر به ليا لمٌ مجدوله عن العاتق المنتوق محد صدقه حتى ظلاله على التربه أنا بين ويلات الغرام أغفى وأفوق ياويلي من فراقه وويلي على قربه اذا اللي بقلبي شوق وشلون أقول الشوق وكيف يتوافق ما نقوله ونشعر به؟! قدرت الغياب إلا عن الحب والطاروق أنا شاعرٍ من يفهم الشعر يفخر به ≠ ناصر مناحي

يا ايوب راح الليل تشكي علي الحال وانا اشكي عليك الحال والحال متداني لو انك من البنغال وابوك في البنغال انا وانت فابو ظبي والرابط انساني ماكن لي من الاصحاب غير انت والجوال وانا يحتمي لي كل « يامي و قحطاني » قدرت من روؤس المزاريع رؤوس اجبال وانا الطيب في مدح الاحاسيس تحداني واغرّب مع شيوخ العوامر هل الافعال واشرّق مع شيوخ المناصير متفاني ولو اصيح فـآل مره تجي والسنين هزال واعنّز على " العجمان " واموت متغاني لكني : معا كل القبايل مجمل فال من مطير لشمر الى ساحل اعماني ≠ محمد ابن الذيب

ما كل طيرٍ له جناح .. يقال له طير الفلاح  بعض الطيور اطير ، واتوقع على مخلب صقر به واحد يمينه اسلاح .. وواحد لسانه ، سلاح  وان قلت ويش الفرق ؟ قلت الذل حلّاب البقر  ≠ خالد بن طفلان

« توجعني الذكريات اللي من الماضي خصوصاً اللي تجي عصريّة الجمعه »

« فروعٍ فيك تفصيل الشعر يقصر عن الموجود اذا غنيت في شمسك / و اذا غنيت في ليلك » ≠ ناصر بن يحيى

ياربيع القلب " يسعد لي صباحك " نور وجهك / زاد وجه الصبح نوره ( الشروق ) اللي تعلم من نجاحك شاف فيك الأصل والا الشمس صوره / صباح الخير