عبدالعزيز الشمري

يا عِدّ أنا بسألك ما شفت قرناس؟ حـرٍّ عـلى الـرجم الطويل متعلّي : لوشدّ عنك بعيد لا بدّ الإنكاس أرضك عذيّة من وطاها اسفهَلّي هذي صفاته والبشر فيهم اجناس وطبـع الوفا في سيرته جايزلي يمشي على وضح النقارافع الراس شجاع عن نـهـج العرب مايــزلّي : فـقيـر.. لكنّـه غـنيٍّ عـن الناس كـريم دايـم في ضيــوفـه يهلّي : ينطح معاسير الزمن ماشكى الباس مـن صـغـر سنّه للمراجل يـدلّي : ما هو بـمن ينعى زمانه ليا احتاس لــه وقـفـةٍ عـن كل هـمٍّ تسلّي : يرحل ليا جالـه من البدو عساس بْـعِـفْرٍ عليها الـمطرقين مْتَجَلّي : يتبع هواها مع بعيدين الأرماس وكانــه رجَـع يــاعِـدّ علّم قـلّي : #نوره_العطاوي كان حساب في تويتر اسمه عفيف عد الجدود والظاهر اني طفشته😂 بكثرة الأسئلة ولاعاد له شوفه🤦‍♀️

اعزف لحون الشجن بـوتـار شرياني من ضـيقةٍ بالصدر تـعلن تـمردها ياريم مـحدًيحس بهمس وجـداني يوم الاوادم تـفـنـن في تـبـاعـدها. انـا الـذي ظـرفي القـاسي تـحـداني لا قلت هانت وزان الجو عـقــدهـا انـا غـريبـة شـعـور ووقتي اضـنـاني ياكثر ماصـد هـجمـات ً يـسددهــا اقـولها صدق مـن قـلبـي وبلساني مايعطي اللي عطى حاجات فاقدها والي تـحـديـت لاجـلـه كل خـــلاني شّيد صروح الجـفـا واعـلن تسيدها انــا الــذي قـلـتهـا واعـيـدها ثــاني وارفع بها الصوت من ضيقي وارددها شـتـان مابيـن ضـد ،،وضـد ،،شتـاني بين الجفا،،والـوفا ،،والناس تـكـدها الـهجر يـاريم منهـم زلــزل اركــاني ولـع لضاه بضلوع الصـدر واوقدها تعــبت ياريم اداري وضــعٍ اشـقـاني تعبت أخبي جروح القلب واجحدها ياريم لاصـار من يشـكي هـو الجاني والخصم هو قاضي الدعوى وشاهدها المـدعي ذرب والمـظلوم غـلطــاني والـروح تـزرع أمّل واليأس يحصدها وادور مـن الـغـلا عـــذرٍ لــخــذلاني واكبح جماح العتب والنفس اجاهدها وهـواجـس البـال تــامرني وتـنهـاني وفي خــافي الـنفس حاجـاةٍ تـراودهـا ولاودي اعـدهـم من ضـمن عـدواني والـفـكره اللي تـغث الــبـال اقـيـدها عـل وعسى ضيـقة الخاطـر تـعـداني وقسوة ظـروفي عسى مـولاي يبعدها لـكن من اليوم كان الخـالـق أحياني اللعبه اللي مضت بخـلف قواعدها دون الـرجـاء بالبــشر قفلت بـيــباني ولا أرجي نـفـوذ الـعـباد ولا فوايدها #نوره_العطاوي

إذا أردت أن تعرف معدن شخص، فانظر كيف يحفظ العشرة عندما تتغير الظروف،