هوى غربي

عتق الليل ملحه للهموم الصحاح واليتم في جروحي من هو اللي كفل؟ اتعب الصبح نفسه مرتكي للصباح خلو الليل يبدا للمفارق حفل كنت احب اعتقادي عند مطلع كفاح بس خضت القناعه يوم حلمي أفل يا حبيب النهاية يا مرب الضحاح ضامي الود يسقي لين ريقه جفل شابتك كل هقوه وانتظارك سماح وانت مؤمن مناجى عن عيوني غفل ليه تقتات حزني و تغزيني جراح؟ ايه..انا قبل اعرفك للمصايب نفل من يسكت حنينك كل ما قلت راح لو هنا باب موصد ذكريات وقفل من يسلف شعوري من شعوري نياح ودي ارتاد نفسي لين اعود طفل

يخر الصبح لظنون العتيم ويلبس الديجور وانا طول العمر تايه على تكايته مسرى و فم من الأمر ساهي كثر ما طاعه المأمور و قلب يحسس اطرافه بعد ما قد بلغ عذرا و رغبة نفس ما تهنى تشابة رغبة المسحور حرار نعيش ما عاشت سنين الرق في اسرى و حزنٍ لو جلا صدري من اللي يضهد المقهور هلابه لين ما صارت فجوج الارض به تقرا عصيه بين سندال الشعور وهزعة المنهور و عين تمد لي دمعه واقول الله لو تشرى؟!! يا باب وهيئتك بالي تصر الريح ب الحنجور ولا كنك طويل ذراع تسيّد كثر ما اقرى ترى راعيك ما يدري عن المضياف والمهجور تراحيبه ترد الجرح ل سحوجه قبل يبرى و لصدوف الدهر باقي هو المقصود والمذخور ترى راعيك من خبرك تقول انه بلا يسرى لو اعتابك من اعتابك ترد الحق و المعذور تصير اللي زهد حقه بعد ما جابته بشرى