وارفـه~

غدر المجوسي مثل غدر اليهودية عند الخيانة تشابه في عقايدها جاهم سمي النبي بأرض السعودية في حلف مكه نوى ينهي مكايدها فجر اليمن قوةٍ ماهي حدودية مادام شبل الاسد داعم عمايدها فكت يمينه بلاد مْن العبودية عقبال صنعاء على يده نعايدها وارفه~

تخْسى تطاول على أرض الدين والملّه يا من جعلت أبرهه قدوتْك وإمامك دارٍ حماها الإله وظلّها ظِلّه في سورة الفيل شفت النصر قدامك طيرٍ أبابيل تعصف جيشهم كلّه وصْقور سلمان تحسم لحظة إعدامك وارفه ~ #الحوثي_يستهدف_مكة

ما قدرت إني أكابر والحقيقة/ افتقدتك واعترافي لك هزيمة بسّ ما باليدّ حيلة لعنبوه الكبرياء إنْ كان بعده ما وجدتك تفتك بروحي الحسايف لين ترديني قتيله والله إني ما اخْلفِك مهما حصل وآنا وعدتك وعادتي ما أخلف وعودي لو ظروفي مستحيلة لو يصير الوقت ضدّي والله إني ما جحدتك مير صدّك هدّ حيلي والحمول أضحت ثقيلة جيت أسامح وأنت سامح،قلبك أبيض مِن عهدتك خلنا نِرْجِع عهَدنا والبدايات الجميلة أستحقّك يا منايه لا تطوّلها نشدتك كان باقي لي بقلبك حبّ.. يستاهل تجي له وارفه~

يا موطن العز مجدك بالسما عالي ربي يديمك فخر ويديم سلمانك في يومك السادس وتسعين ياغالي تبقى عظيم وتحرّ كبود عدوانك #اليوم_الوطني_السعودي_٩٦

نفسي عزيزة ما تلفّ وتلفّت لو كشّر بْوجه التباشير هالوقت وإنْ باح دمعي حزن والعين جفّت ما أذلّ لو ذقت العنا ضعْف ما ذقت وارفه~

فيك كبر… ……..وعنجهية….

قلبي يعاف اللي يحبونه الناس ما ابغى يحبك غيري انسان ثاني وارفه~

يا مزاجي فيك كبر وعنجهيّة لو صفاتك كاملة والكامل الله الصراع الداخلي والفوضويّة عاشها قلبٍ يشاهد فيك خلّه ليت لك يا فكر سلطة عسكريّة ترجع القلب الهواوي للجبلّه كان ما سلّم مفاتيحه هديّة ولا ترك للعشق فرصة يستحلّه وكان عنده للكرامة أولويّة ولا قبل في منهج الحب المذلّه ليت قلبي في زمان الجاهليّة يوأدونه قبل يكبر في محلّه وارفه~

اكتم هواك وحصّن القلب دونه لو تخفي الاسرار ماعشت ملتاع وخل الخيال يعيش محسن ظنونه عن لوعة الخذلان واحساس الاوجاع لو تعترف تصبح ضحية سجونه بين السجين وبين سجّانه صْراع احشم جناب الود لايجرحونه وعدّ الكرامة فوق في كل الأوضاع وارفه~

نخفي مشاعرنا العظيمة ونشتاق ومع شوقنا المخفي تعاظم عللنا نضحك وكنّ صْدورنا خضر الاوراق وحنا جفاف الوقت حطّم أملنا وارفه ~

خلّ المشاريه للي خطوته ثقلى لا تقنع الغيم دام القاع عطشانة نطوي الجفا والضلوع بْجرحها ثكلى لو كثرة الدمع تحرق ناعم أوجانه ما نطلب العاطفة من نفسه البخلى نْموت عطشى ولا نستجدي احسانه لو كان يشبه لْـ قيس بْـ ناظرة ليلى الروس ما تنحني لْـ رضاه خجلانه نْفوسنا من كرامة فعلها تعلى تْعوف شيٍ يجي به ذلّ ومْهانه وارفه~

ودي أشوفك واللقا لحظة صفا وابنشدك عن حبّك اللي تذخره؟ وين الغلا.. وين الوعد.. وين الوفا؟ وقلبٍ يحبّك ليه تبغى تخسره؟ ان زارني طيفك على كتفي غفا أخاف لا تغفل عيوني وأسهره! تقفي وتتركني لعاصوف الجفا وأنا على وصلك معلّق بشْعره إن كان قلبك من ودادي قد شفا فـ أنا أعشقك والعشق فوق السيطرة وارفه~

ياخيوط الفجر زفي بالتباشير الشروق واجلي هْموم الصدور اللي زوت بأحزانها اطردي ظلمات ليلٍ قد تشفّى بالعروق واشعلي جمر الاماني واكرمي ضيفانها وارسمي بسمة أمل في وجه كم عانى..يروق واجبري كسرة قلوبٍ قد شكت خذلانها بانتظار الفال يلمع فالسماء لمع البروق ترتوي منه النفوس وتسترد ألوانها الحمدلله حتى يبلغ الحمد منتهاه…حمدا يليق بجلال وجهه وعظيم سلطانه…. اللهم تمم علي واجعلها فاتحة خير علي ياكريم