اللہ تعالیٰ نے قرآن میں واضح فرمایا ہے کہ "اللہ کسی قوم کی حالت اس وقت تک نہیں بدلتا جب تک وہ خود اپنی حالت بدلنے کی کوشش نہ کرے۔" قیامِ پاکستان کے وقت لاکھوں مسلمانوں، خصوصاً خواتین نے بے مثال قربانیاں اس امید پر دیں کہ اس سرزمین پر عدل، مساوات اور اسلامی فلاحی نظام قائم ہوگا، مگر افسوس کہ آج بھی عوام ظلم، مہنگائی اور ناانصافی کی چکی میں پس رہے ہیں۔ آئے روز نئے ٹیکس، بجلی، گیس اور پٹرول کی قیمتوں میں مسلسل اضافہ، غریب اور متوسط طبقے کی زندگی اجیرن بنا چکا ہے۔ آج ایک مزدور کی آمدن سے کئی گنا زیادہ بجلی کا بل آ رہا ہے، مائیں اپنے بچوں کی تعلیم اور علاج سے محروم ہونے پر مجبور ہیں اور گھریلو بجٹ سنبھالنے کے لیے اپنی بنیادی ضروریات قربان کر رہی ہیں مہنگائی نے گھریلو سکون چھین لیا ہے، معاشرتی بے چینی، خاندانی تنازعات اور طلاق کی شرح میں اضافہ اسی ظالمانہ معاشی نظام کا نتیجہ ہے۔ جماعت اسلامی عوام کے حقوق کی جنگ ہر سطح پر جاری رکھے گی اور امیر جماعت اسلامی حافظ نعیم الرحمن کی قیادت میں یہ تحریک اس وقت تک جاری رہے گی جب تک ظلم اور استحصال کا نظام ختم نہیں ہو جاتا۔ #7thAugustRoadBlock