پاکستان کی عدلیہ آزاد ہے ۔ عدالتیں قانون اور انصاف کے تقاضوں کے مطابق فیصلے کرتی ہیں ۔ لیکن اس خاص گروہ کے حق میں فیصلے آئیں تو وہ انصاف کی فتح ہوتی ہے ۔ لیکن یہی عدالتیں جب قانون اور انصاف کے مطابق ان کے خلاف فیصلے دیں تو پھر عدالتوں کے خلاف مہم شروع کردی جاتی ہے ۔ ان کا مسئلہ آزاد عدلیہ نہیں ہے ان کا مسئلہ یہ ہے کہ ہر فیصلہ ان کے حق میں آنا چاہیے ۔ سزا یافتہ مجرم بھی اسی بیماری کا شکار ہے ۔ وہ بھی یہ سمجھتا ہے کہ جو وہ سوچتا ہے وہ ٹھیک ہے باقی سب غلط ہے ۔ مار خور ایک بار پھر کہتا ہے کہ سزا یافتہ مجرم کے مقدمات کا فیصلہ صرف پاکستان کی اعلیٰ عدالتیں کرسکتی ہیں ۔ یہ ان کا اختیار ہے ۔

عدلیہ قیدی کے حقِ علاج کا تحفظ کرسکتی ہے مگر اسپتال کا انتخاب، سکیورٹی، حراست اور انتظامی بندوبست طبی رائے، جیل قوانین اور عملی حالات سے جڑے معاملات ہیں۔ ہر ادارے کا آئینی دائرہ برقرار رہنا چاہیے۔ عدالتی حکم کا احترام لازم ہے، لیکن احترام کا مطلب یہ نہیں کہ حکومت قانونی سوال بھی نہ اٹھائے۔ جہاں حکم کے انتظامی یا قانونی اثرات پر ابہام ہو، وہاں نظرثانی یا وضاحت مانگنا بھی آئینی راستہ ہے۔

پاکستان میں عام قیدی کی اگر جان خطرے میں ہو تو کیا عدالتیں اسے اس کی مرضی کے اسپتال میں غیر معینہ مدت تک علاج کی سہولت دیں گی ۔ قانون کو سب کیلئے برابر ہونا چاہیے ۔ یہاں سوال یہ ہرگز نہیں ہے کہ بانی کو علاج کی سہولت کیوں دی جا رہی ہے صحت اور علاج معالجہ اس کا بنیادی اور قانونی حق ہے جو اسے لازمی ملنا چاہیے۔ لیکن اصل اور بڑا سوال یہ ہے کہ کیا یہی وی آئی پی سہولت، اسی بیماری کی حالت میں، جیل میں بند کسی عام پاکستانی قیدی کو بھی نصیب ہو گی؟ اگر جواب 'ناں' میں ہے، تو پھر قانون اور برابری کے اصولوں پر سوال اٹھے گا۔ جب ایک عام قیدی کو اپنی مرضی کے کسی مہنگے یا نجی اسپتال میں علاج کرانے کا حق نہیں ملتا، تو کسی بڑے شخص کے لیے الگ قانون اور معیار کیوں اپنایا جائے؟ قانون کی اصل آزمائش اور خوبصورتی یہی ہے کہ وہ یکساں حالات میں، سب کے ساتھ ایک جیسا اور برابری کا سلوک کرے۔

ڈی جی آئی ایس پی آر نے پہلے ہی بتادیا تھا کہ اس کو زہنی بیماری ہے ۔ اب ڈاکٹرز کی رپورٹ نے بھی تصدیق کردی ہے

بانی پی ٹی آئی کی شفاء انٹرنیشنل اسپتال منتقلی ایک شدید سیکیورٹی رسک ہے، جس پر سپریم کورٹ کے واضح احکامات کے باوجود محض سیاست کی جارہی ہے۔ گزشتہ روز پی ٹی آئی سے وابستہ ورکرز کی جانب سے شفاء انٹرنیشنل اسپتال کی مختلف زاویوں سے ویڈیوز بنائی گئیں اور یہ تک تشہیر کی گئی کہ اسپتال کے کتنے دروازے ہیں اور بانی کو کس راستے سے لایا جائے گا۔ موجودہ حالات میں جب پاکستان کو دہشت گردی کے شدید خطرات کا سامنا ہے،یہ غیر ذمہ دارانہ عمل سیکیورٹی پلان کو سرِعام لیک کرنے کے مترادف ہے۔ کالعدم ٹی ٹی پی کے خارجی اور دیگر بھارتی حمایت یافتہ دشمن عناصر اس حساس صورتحال کا فائدہ اٹھا سکتے ہیں۔ علاج معالجہ بانی پی ٹی آئی کا بنیادی حق ہے، لیکن ان کی زندگی کی سیکیورٹی ریاست کی اولین ذمہ داری ہے جس پر کسی صورت سمجھوتہ نہیں کیا جاسکتا۔ ہم اعلیٰ عدالتوں کے فیصلوں کا تہہ دل سے احترام کرتے ہیں، لیکن عدالتوں کو بھی چاہیے کہ وہ ایسے احکامات دیتے وقت زمینی اور سیکیورٹی حقائق کو لازماً مدنظر رکھیں۔ شفاء اسپتال ایک مصروف عوامی مقام ہے جہاں روزانہ ہزاروں عام مریض آتے ہیں، وہاں ہجوم جمع ہونے سے بانی پی ٹی آئی کی سیکیورٹی شدید خطرے میں پڑ جائے گی اور عام عوام کے لیے بھی مشکلات پیدا ہوں گی۔ لہٰذا، عقل اور سیکیورٹی کا تقاضا یہی ہے کہ بانی پی ٹی آئی کے علاج کے لیے یا تو ماہر ڈاکٹروں پر مشتمل بورڈ کو جیل کے اندر ہی تمام ضروری طبی سہولیات فراہم کی جائیں، یا پھر انہیں کسی ایسے محفوظ سرکاری اسپتال منتقل کیا جائے جہاں سیکیورٹی کے فول پروف انتظامات ممکن ہوں۔ سیاسی پوائنٹ اسکورنگ کے لیے بانی پی ٹی آئی کی زندگی کو داؤ پر لگانا کسی طور مناسب نہیں۔