karim tarakai

"پہلی بات تو یہ ہے کہ ایمانداری اور پوری دیانت داری سے ہمیں یہ حکومت بتائے کہ ان کی عمران خان کے متعلق کیا رائے ہے؟ جو ہم سن رہے ہیں، وہ تو خطرناک بات ہے کہ عمران خان کو فارغ کر دو۔ اگر یہ ہے، تو ہم اخیر حد تک اس سوچ کی مخالفت کریں گے، پھر جو کچھ ہوتا ہے ہوتا رہے۔ ​دوسری بات، یہ کوشش کی جائے کہ عمران خان کو مائنس کیا جائے، تو اس کی بھی ہم سخت الفاظ میں مخالفت کرتے ہیں۔ ہر الیکشن میں چاہے اس کا چاچا آئے، چاہے اس کی ممانی آئے، چاہے اس کی بیوی آئے، یا چاہے اس کا بھتیجا آئے، ہم اس کو سپورٹ نہیں کریں گے۔ مائنس عمران خان نہیں ہوگا۔ عمران خان کروڑوں انسانوں کا لیڈر ہے۔ ​قائد حزب اختلاف محمود خان اچکزئی"

اسلام کی تاریخ میں پڑھتا بھی ہوں اور دیکھتا بھی ہوں۔ رسولِ مقبول صلی اللہ علیہ وسلم نے بہت سخت گرمی میں تبوک کی طرف جانے کا فیصلہ کیا۔ سخت گرمی تھی اور حالت انتہائی کٹھن تھی، لیکن چونکہ اعلانِ جنگ ہو چکا تھا، اس لیے ہر اچھے مسلمان پر یہ فرض تھا کہ وہ اس میں شامل ہو۔ کچھ لوگ لیت و لعل سے کام لیتے رہے۔ ان میں تین افراد شامل تھے: کعب بن مالک، ہلال بن امیہ اور مرارہ بن ربیع۔ ​کعب بن مالک اس وقت اسلام لائے تھے جب رسول اللہ صلی اللہ علیہ وسلم دس سال کی محنت کے بعد صرف چار افراد کو اپنا بنا چکے تھے: حضرت ابوبکر، حضرت خدیجہ، حضرت علی اور حضرت زید بن حارثہ۔ اس کے بعد دو مرتبہ مدینہ کے لوگ آئے۔ پہلی مرتبہ چار آدمیوں نے اسلام قبول کیا، اور دوسری مرتبہ ستر افراد نے۔ ان ستر افراد میں کعب بن مالک بھی شامل تھے، جو انصار میں سے تھے۔ اسلام کی تمام جنگوں میں وہ رسول اللہ صلی اللہ علیہ وسلم کے شانہ بشانہ لڑتے رہے۔ باقی دو صحابہ غزوہ بدر کے مجاہدین تھے۔ لیکن تبوک کے موقع پر وہ نہ جانے کیوں پیچھے رہ گئے۔ ​جب رسول اللہ صلی اللہ علیہ وسلم واپس تشریف لائے، تو بہت سے لوگوں نے عذر پیش کیے، اور یہ تینوں بھی حاضر ہوئے۔ انہیں سب سے آخر میں معافی ملی۔ ان کا مکمل بائیکاٹ کیا گیا۔ وہ خود بیان کرتے ہیں کہ ہمارے لیے زمین تنگ ہو گئی تھی۔ ہماری بیویوں اور بھائیوں کو حکم دیا گیا تھا کہ ہم سے کوئی رشتہ نہ رکھیں۔ وہ بتاتے ہیں کہ ہم مسجدِ نبوی میں آتے اور بیٹھتے تھے، لیکن نہ کوئی ہمارے سلام کا جواب دیتا تھا اور نہ کوئی ہم سے بات کرتا تھا۔ یہ سختی اس لیے تھی کہ جب اعلانِ جنگ ہو چکا تھا اور آپ اس جماعت کی قیادت کا حصہ تھے، تو اس وقت آپ کہاں تھے اور کس بل میں چھپے ہوئے تھے؟" ​قائد حزب اختلاف محمود خان اچکزئی

ایک تحریک انصاف کا کارکن ہے جو عمران خان سے محبت کرتا ہے اور ان کے لیے سب کچھ کرنے کے لیے تیار ہے۔ دوسری طرف ان کی ایک مصلحت پسند قیادت ہے، جو اس خوف کے ساتھ عمران خان کے ساتھ ہے کہ خدانخواستہ کل وہ یہ نہ کہہ دیں کہ محمود ایم این اے نہیں ہوگا، یا فلاں سینیٹر نہیں ہوگا۔ ان دو قوتوں نے تحریک انصاف میں مسائل پیدا کیے ہیں۔ لاکھوں لوگ عمران خان سے ان کے نظریات کی وجہ سے محبت کرتے ہیں۔ انہوں نے کیا کہا تھا؟ انہوں نے کہا تھا کہ میں یہاں موجود ظلم کے نظام کے خلاف آیا ہوں، میں نے کرپشن نہیں چھوڑنی، میں نے فلاں کام نہیں کرنا۔ میں کسی کا نام نہیں لیتا، لیکن جب قیادت مصلحت پسند لوگوں کے ہاتھ میں ہو، تو وہ تذبذب کی حالت میں رہتے ہیں۔ جب اعلانِ جنگ ہو جائے، جب آپ کی پارٹی اور آپ کے لشکر پر حملہ ہو، تو پھر ان لوگوں کو جو رہبری کے منصب پر ہوتے ہیں، انہیں سوچنا نہیں پڑتا بلکہ انہیں میدان میں کودنا پڑتا ہے۔ ​قائد حزب اختلاف محمود خان اچکزئی

"کوئی مجھ سے بات کرتا تھا، یہ اس لیے کہ بھائی اعلانِ جنگ ہو چکا ہے۔ آپ اس پارٹی کی لیڈرشپ ہیں، کہاں ہیں آپ؟ کس بل میں چھپے ہوئے ہیں آپ؟ ​دیکھیں، سہیل آفریدی غریب کیا کہہ رہا تھا؟ یہ بڑے ظالم لوگ ہیں، ہماری بات سمجھنے کی کوشش نہیں کر رہے۔ میں کوئٹہ میں تھا۔ ایک مطالبہ تھا۔ سہیل آفریدی یہ کہہ رہا تھا کہ اچھا اعلان کیا ہے یا برا، ہم اعلان کر چکے ہیں۔ اب آپ کہتے ہیں کہ اس کو سسپینڈ کر دو یا ختم کر دو، تو ہمیں اپنے لیڈر سے ملنے دیا جائے۔ ​دنیا کا قانون ہے، دو متحارب لشکر ہیں، دو متحارب پارٹیاں ہیں۔ ایک میں اتحادی شامل ہیں، ان کے لیڈر، ان کے دیگر لوگ اور ان کو اوپر سے سپورٹ کرنے والے سب صبح و شام سرگرم رہتے ہیں۔ دوسری طرف ایک پارٹی کا لیڈر جیل میں ہے، اس سے پوچھے بغیر کون یہ فیصلے کر سکتا ہے؟ ​قائد حزب اختلاف محمود خان اچکزئی

آپ کی یہ حکومت قاتل حکومت ہے جس نے سینکڑوں لوگ مارے ہیں۔ تحریک لبیک کے احتجاج میں چھوٹے بچے شامل تھے، لیکن آپ نے سیدھا ان کے سروں میں گولیاں ماریں۔ خیبر پختونخوا میں جو کچھ ہو رہا ہے، خدارا اس ملک پر رحم کریں۔ ​عمران خان پر دنیا کے کس قانون کے تحت پابندی لگائی گئی ہے اور ملاقات سے روکا گیا ہے؟ دنیا کا ایسا کون سا قانون ہے جو آپ کو اس بات کی اجازت دیتا ہے؟ ​قائد حزب اختلاف محمود خان اچکزئی

دنیا کا سب سے بڑا خطرناک دہشتگرد، دنیا کہتی ہے کہ آپ کے پاس ہے۔ ہم کہتے ہیں کہ نہیں توبہ، ہم تو مسلمان لوگ ہیں، ہم دہشتگردی کے مخالف ہیں۔ پھر کیا ہوا دو ہیلی کاپٹر۔۔ دو ہیلی کاپٹر آئے۔ وزیرِ قانون صاحب! آپ سے عرض کر رہا ہوں۔ دو ہیلی کاپٹر آئے۔ ہماری ان باتوں کی وجہ سے کہ ہم کہتے کچھ ہیں اور کرتے کچھ ہیں۔ دو ہیلی کاپٹر آئے، انہوں نے ہماری خود مختاری کی، سوورینٹی کی دھجیاں اڑائیں۔ ایک خراب ہوا، ہم سب چوبیس کروڑ پاکستانی، افواجِ پاکستان سمیت گھر میں بیٹھے رہے۔ پھر بھی ہم نے توبہ نہ کی، پھر بھی ہم نے توبہ نہ کی۔ ​قائد حزب اختلاف محمود خان اچکزئی