Hany Hashem 🌐

فارس لقهوة فايق : كلام كابتن وائل جمعة واضح إنه للعيبته وموجّه للفريق.. مفيش حد هيقول لفريق تاني العب كده أو متلعبش! إنما الكلام واضح: إحنا الفرق مبقتش تخاف مننا زي الأول! وده بالوقائع خلال الموسم، ومش من الجولة التامنة قدام مودرن.. لا لا، ده من الجولة الأولى! إنت إنبي اتقدم عليك وجاب ركلة جزاء في الدقيقة 23، وبدل ما تاكل النجيلة بعدها، لا، ده سجل فيك بعدها بدقيقة الهدف التاني! ومشهد تاني مضايقني جدًا وواقف عنده جدًا.. مدرب في الجهاز الفني للمقاولين الموسم اللي فات قال ضدك تصريح بشوف إن فيه إها نة ليك كفريق ولعيبة.. إزاي لما المقاولين ده يجيلك تاني تتعادل معاه؟!! ثم ماتش الزمالك أنقذك شوبير، والقناة فريق لعيبته اتنجمت قدامنا، ومودرن ركلة جزاء أنقذها شوبير! فلما تحط ده جنب بعضه، تفهم ليه مودرن في الجولة التامنة كان عنده جرأة على حسابك! وهنا دور الجهاز الفني قبل اللعيبة إن ده يتغير بحاجة واحدة بس.. إن يبقى لك تفوق كاسح على المنافس في الملعب! ولحد دلوقتي ده محصلش في ولا ماتش في الدوري!