Nimefanya mazungumzo na Wataalam kutoka Dohwa Engineering Co. Ltd wanaojiandaa kwenda nchini Tanzania kwa ajili ya kufanya upembuzi yakinifu wa ujenzi wa Bandari ya Uvuvi, Zanzibar. Upembuzi yakinifu huo unafadhiliwa na Korea Cooperative Supporting Centre for Overseas Port Development (KCSC). DOHWA ni kampuni kiongozi nchini Korea kwa kazi za usanifu na kihandisi. Nawashukuru Wizara ya @WUBU_Zanzibar kwa ushirikiano waliotupatia uliowezesha kupatikana fedha kwa ajili ya upembuzi yakinifu.

@AliKimara ni kielezo cha nguvu ya matumaini, subira na imani katika maisha. Maisha yako ni sauti na alama ya mapambano ya wahanga wa #RareDiseases. Kupitia harakati zako, leo watoto wenye #RareDiseases wanasajiliwa na kuruhusiwa kusomea elimu yao wakiwa nyumbani. Heri ya siku ya kuzaliwa shujaa!

Naibu Makamu Mkuu wa Chuo Kikuu cha @UdsmOfficial, Prof. Bernadeta Killian na ujumbe wake, wamekutana na watumishi wa Chuo Kikuu cha Dar es Salaam walioko masomoni nchini Korea katika Ubalozi wa @TanzaniaInKorea jana. Ubalozi ulifarijika kuwaunganisha na kuwa sehemu ya mkutano huo. Prof. Killian alipokea maoni yao kuhusu mchakato wa Maboresho ya Chuo Kikuu cha Dar es Salaam yanayoendelea, na pia uzoefu wao wa kusoma katika mfumo wa elimu ya juu wa Korea. Watanzania walioko katika vyuo vikuu nchini Korea ni hazina kubwa ya taarifa na anuani muhimu zinazotusaidia Ubalozi kutambua fursa zilizopo, ikizingatiwa kuwa kuna mwingiliano mkubwa wenye afya kati ya Vyuo Vikuu, Sekta Binafsi na Serikali nchini Korea.

Namshukuru Ali Kimara, mtoto anayeishi na #UgonjwaAdimu kwa kunifundisha somo la matumaini. Sababu ya Ali nilijiunga na harakati za kupigania maslahi ya wanaoishi na magonjwa adimu kupitia taasisi ya @AliKimara. Leo tunapoadhimisha #RareDiseaseDay2024 tunajivunia pamoja na Ali Kimara na wenzake juu ya mafanikio makubwa yaliyopatikana, ikiwemo: 1. Serikali kuanza kutoa huduma ya elimu majumbani (home schooling) kwa watoto wanaoishi na magonjwa adimu ambalo Ali Kimara amekuwa mtoto wa kwanza kitaifa kuandikishwa; 2. Serikali kuwatambua Watoto wenye Magonjwa Adimu katika Sera Mpya ya Elimu kwa Watoto Wenye Mahitaji Maalum; na 3. Kuanzishwa kwa Mfuko wa Utafiti wa Magonjwa Adimu kwa ushirikiano kati ya @AliKimara na @muhimbiliuniver. Shukran za kipekee ziwaendee Mhe. Rais @SuluhuSamia, Timu ya @YoungAfricansSC na #GSM kwa kuwa wachangiaji wa kwanza ambao fedha zao zimewezesha kuanzishwa kwa Mfuko huo. Shukrani za kipekee ziwaendee @DewjiFoundation @moodewji @CRDBBankPlc @scitanzania, Aga Khan Hospital Dar es Salaam na Serena Hotel Dar es Salaam kwa kutuunga mkono katika maadhimisho ya #RareDiseaseDay mwaka 2020 na 2021 yaliyozaa matunda haya tunayojivunia. Kilicho mbele yetu sana ni kushawishi kuongezekwa kwa tafiti za Magonjwa Adimu nchini ili zisaidie kubaini wahitaji, mahitaji na uwekezaji unaohitajika.