ح_قی_می

ایران امریکہ جنگ نے “ آپریشن رجیم چینج “ کے اندر موجود تضادات کو ابھارا ہے اور اس جنگ کا اگلا راؤنڈ ان تضادات کو خطرناک حد تک ابھُار دے گا۔ لہذا ضروری ہے کہ “ رجیم چینج آپریشن “ پہ دوبارہ سے طائرانہ نظر ڈالی جائے کہ کہاں سے شروع ہوا تھا ؟ کن توقعات پہ اور کیا نتائج برآمد ہوئے اور اب یہ آپریشن کس مرحلے پہ ہے ؟ یہ آپریشن جنرل عاصم منیر نہیں بلکہ جنرل باجوہ نے شروع کیا تھا، آئیڈیا یہ تھا کہ عمران تو ابراہام اکارڈ اور غزہ پہ پرامن قبضہ کے لئے فوج بھیجنے پہ راضی نہیں تو مذکورہ آپریشن کی مدد سے اقتدار ن لیگ اور پی پی کو دیا جائے جو اس کے حمایتی تھے۔ مصر کو ملنے والے ڈالر دیکھ کر جرنیلوں کی بھی رال ٹپک رہی تھی اور جو جرنیل اس کو سرانجام دیتا وہ لمبے عرصے تک حکومت کر سکتا تھا۔ یہی وجہ تھی کہ نجم سیٹھی بھی کہہ رہا تھا کہ بس آپ ہان کردیں پندرہ بیس ارب ڈالر تو راہ جاتے ہی مل جائیں گے اور سب کھائیں گے۔ ڈی جی آئی ایس پی آر نے آپریشن کی کامیابی پہ یہ نشاندھی کی کہ ڈالر نیچے گیا اور سٹاک مارکیٹ اوپر گئی ڈالر کیوں نہ ملے ؟ ڈالر امریکہ نے دینے تھے اتنا امریکیوں کو بھی علم ہے تھا کہ اتنے بڑے فیصلہ پہ کوئی بھی فوج تبھی عملدرآمد کر سکتی ہے جب عوام کی بڑی تعداد اس کے ساتھ ہو، امریکہ کو یقین دلایا گیا تھا کہ عمران غیر مقبول ہوچکا جبکہ عوام ہمیشہ پاک فوج کے ہی ساتھ رہتی ہے۔ لیکن آپریشن پہ عوامی ردعمل دیکھ کر امریکی مشکوک ہوگیے بلکہ سخت مشکوک اور انہوں نے پہلے پیسے دینے کا رسک نہ لیا۔ یہ سوال امریکہ پہنچنے پہ بلاول سے امریکی میڈیا نے بار بار کیا کہ آپ کہتے ہیں عمران مقبول نہین جبکہ وہاں عوام اسکے کہے بغیر سڑکوں پہ اس کے حق میں نکل آئے آپریشن کے اندر موجود تضاد کیا ہے ؟ ایک ابتدائی تضاد شروع سے ہی تھا یہ پراجیکٹ امریکی برین چائلڈ نہیں تھا بلکہ جنرل باجوہ اور عرب ممالک کا تھا خصوصاً متحدہ عرب امارات اور اسے امریکہ میں فروخت کرنے والے برطانیہ اور اسرائیل تھے جنکے مقامی اتحادی عرب امارات اور انڈیا ہیں نہ کہ پاکستان اور سعودیہ۔ اور یہی وہ تضاد ہے جو پچھلے سال کی ایران اسرائیل جنگ اور موجودہ ایران امریکہ جنگ کے بعد تیزی سے اُبھر کر سامنے آرہا ہے۔ مارکو روبیو نے اپنے اس دورہ انڈیا میڻ امارات ، انڈیا اور اسرائیل کے اتحاد کی باقاعدہ سرپرستی کا اعلان کردیا ہے اور امارات انڈیا سے دفاعی معاہدہ کر چکا ہے۔ لیکن “ آپریشن رجیم چینج “ کے کنڈکٹ یعنی عملدرآمد کے دوران ایک شدید اندرونی تضاد بھی پیدا ہوگیا جس کا ذمہ دار جنرل عاصم منیر ہے نہ کہ جنرل باجوہ۔ جنرل عاصم منیر کو اس آپریشن کی کمان نواز شریف نے اس وقت دی جب امریکی پاکستان کی اس میں شمولیت کے بارے میں دلچسپی ختم کرتے جا رہے تھے کیونکہ ابراہام اکارڈ کی کامیابی اور غزہ میں فوج بھیجنے کے لئے پاکستانی فوج نہ تو انکی مجبوری تھی اور نہ انکے لئے لازمی ، پاکستان ابراہام اکارڈ کو نہ بھی تسلیم کرے تو انکی صحت پہ کیا فرق ؟ فوج نہ بھی بھیجے تو بھی بے شمار دوسری فوجوں کی چوائس انکے پاس تھی۔ عوامی رویہ دیکھ کر وہ پہلے ہی مایوس تھے پھر وہ اتنا مہنگا سودا کیوں خریدیں ؟ جبکہ نواز سمیت پڈم اتحاد کی یہ مجبوری بن چکی تھی اور امارات انڈیا اور اسرائیل اپنے مفاد کی وجہ سے اس کے حامی تھے۔ یوں جنرل عاصم منیر نے آپریشن کی قیادت سنبھالی اور اسے یقین دلا دیا گیا کہ جو مرضی قتل و غارت کرو عالمی برادری کو صیہونی لابی سنبھال لے گی کوئی نہیں ہوگا پوچھنے والا اور ہوا بھی یہی۔ جنرل عاصم منیر نے جس بربریت کا مظاہرہ کیا اس کے نتیجے میں پاکستانی مڈل اور لوئر کلاس فوج کی نفرت میں مبتلا ہو چکی ہے جس پہ فوج یہ کہہ کر پردہ ڈالنے میں مصروف ہے کہ صرف پی ٹی آئی اس کی مخالف ہے۔ یہ اندرونی تضاد فوج کے جنگ لڑنے کی صلاحیت کو سلب کر چکا ہے اور جی ایچ کیو کی بطور اسٹیبلشمنٹ فیصلہ سازی کو۔ بلوچستان اس کی ایک مثال ہے وہاں تو پی ٹی آئی ہے ہی نہیں پھر فوج کس سے جنگ میں ہار رہی ہے ؟ بلوچ عوام کس جانب کھڑے ہیں ؟ وہ تو پی ٹی آئی کے ووٹر ہیں ہی نہیں ؟ جاری ہے 👇