21 ارب روپے والی بات پہ آتے ہیں۔ کچھ لوگوں نے کہا کہ سہیل آفریدی نے 21 ارب فوج کو آپریشن کے لیے نہیں دیے، بے گھر متاثرین کو سنبھالنے کے لیے دیے۔ خیبر پختونخوا کی اسمبلی فوج کو ہتھیاروں کے لیے تو پیسے نہیں دے گی نا۔ بات یہی ہوگی کہ آپریشن سے بے گھر ہونے والے لوگوں کو سنبھالنے کے لیے پیسے چاہیں۔ مجھے بتائیں کہ اس خرچ کی ذمہ داری کس پہ ڈالنی تھی؟ آپ نے فوج پہ، وفاق پہ پریشر ڈالنا تھا کہ لوگوں کو بے گھر آپ کر رہے ہیں، ان کو سیٹل کرنے کے پیسے بھی آپ دیں۔ یہ بحث کہاں ہوئی؟ وہ کوشش کامیاب ہوتی یا ناکام، یہ الگ بات ہے۔ میں پوچھ رہا ہوں کہ یہ دباؤ ڈالنے کی کوشش ہی کہاں تھی سہیل آفریدی کی طرف سے؟ نہ یہ بحث نظر آئی، نہ ڈرون حملوں پہ FIRs درج کروانے کا کام نظر آیا۔   سیاستدان یہ tactics کیوں استعمال کرتا ہے؟ اگلے پہ پریشر ڈالنے کے لیے۔ آپ اگلے سے maximum چیز مانگتے ہیں تو وہ minimum کچھ واپس دیتا ہے۔ یہ سہیل آفریدی کرتا ہوا مجھے نظر نہیں آیا۔ یہ کم از کم نااہلی دکھاتا ہے۔ اور اسی سے آگے یہ سوال پیدا ہوتا ہے کہ نیت صاف تھی یا نہیں۔ یہ بات ہے۔ میں نہیں چاہتا کہ کوئی اور لیڈر پی ٹی آئی کا کبھی عوام کو بیوقوف سمجھ کے ڈبل گیم کھیلے۔ یہ ہمارے مورال کے لیے سادی سی ہار سے زیادہ نقصان دہ ہے۔ اس لیے یہ باتیں اس وقت کرنا ضروری ہیں۔