Badminton 22

🔴🔴بلوچستان سے متعلق معاملات کو محض محرومی یا پسماندگی کا مسئلہ قرار دینا حقیقت سے چشم پوشی کے مترادف ہے۔ اصل چیلنج وہ مسلح دہشت گرد عناصر ہیں جو بیرونی ایجنڈوں کے تحت خوف، خونریزی اور تشدد کے ذریعے اپنی سوچ مسلط کرنا چاہتے ہیں۔ یہ گروہ نہ سیاسی نمائندے ہیں اور نہ ہی بلوچ عوام کے حقیقی ترجمان، بلکہ بندوق اور بارود کے ذریعے ریاست اور معاشرے کو یرغمال بنانے کی کوشش کرنے والے دہشت گرد ہیں۔ دہشت گردوں کا کسی قومیت مذہب ملت ، بلوچ روایات، غیرت، مہمان نوازی اور قومی اقدار کا ان کے طرزِ عمل سے کوئی تعلق نہیں، کیونکہ معصوم نوجوانوں، بچوں اور خواتین کو دہشت گردی کے لیے استعمال کرنا کسی بھی مہذب روایت اور ثقافت کے خلاف ہے۔ یہ بارہا کہا گیا کہ ہتھیار چھوڑ کر قومی دھارے میں واپس آنے والوں کے لیے امن اور عام معافی کے دروازے کھلے ہیں، مگر دوبارہ تشدد اور دہشت گردی کا راستہ اختیار کرنے والوں کے لیے کوئی رعایت نہیں ہوگی۔ دہشت گردی کے خلاف جنگ آخری دہشت گرد کے خاتمے تک جاری رکھنے کا عزم اس بات کی علامت ہے کہ ماضی کی نرم یا مفاہمتی پالیسیوں کے بجائے اب زیرو ٹالرنس کی حکمتِ عملی اپنائی جا رہی ہے۔ سرحد پار سے دہشت گرد گروہوں کو ملنے والی پناہ اور معاونت کے تناظر میں بھی ریاستی ردعمل پہلے سے زیادہ منظم، فعال اور سخت ہو چکا ہے۔ اس تمام صورتحال میں سب سے اہم پہلو قومی یکجہتی اور دہشت گردوں کے خلاف ہر محاذ پہ اتفاق و یگانگت ہے ۔ بلوچستان چند مسلح عناصر کا نہیں بلکہ کروڑوں محبِ وطن شہریوں کا صوبہ ہے، جہاں بلوچ، پختون، پنجابی، سندھی، براہوی، ہزارہ اور دیگر تمام قومیتیں ایک مشترکہ قومی شناخت کے ساتھ جڑی ہوئی ہیں۔ دہشت گردی کسی ایک علاقے یا قوم کے خلاف نہیں بلکہ پورے ملک کے امن، استحکام اور مستقبل پر حملہ ہے۔ جب قوم متحد ہو کر دہشت گردی کے خلاف کھڑی ہوتی ہے تو کوئی دشمن اپنے مذموم مقاصد میں کامیاب نہیں ہو سکتا۔ #Balochistan #BLA #TTP #Terrorism #FAH