हर्न दिएको करिब दुई मिनेटपछि मात्र ढोका खुल्यो। कुनै मन्त्रीले आफ्नो निवासको गेट आफैँ खोलेको दृश्य मैले यसअघि देखेको थिइनँ। अर्थमन्त्रीको घरमा न त गार्ड थिए, न झन्डा। योग्यता र सरलता एउटै व्यक्तिमा भेटिनु दुर्लभ गुण हो। रामेश्वरजीलाई देख्दा यस्तो महसुस हुन्छ—राजकीय शक्तिले आफूलाई तामझामसहित प्रस्तुत नगरेर पनि, सरलतामै ओहदाको दायित्व निर्वाह गर्न सकिँदो रहेछ। अनि, त्यो सरलताभित्र एउटा अनौठो प्राधिकार अनुभूत हुन्छ—न गाडीमा झन्डा राख्ने रहर, न घर–आँगनमा सुरक्षाकर्मी । लुकाउनुपर्ने खासै केही नहुँदा, सुरक्षाकर्मीको टुकडी नहुँदा पनि चल्ने रहेछ। आज शनिबार। केही बेर बसेर हामी आ–आफ्नो बाटो लाग्यौँ। म घरतिर। अर्थमन्त्री खनाल—बिना झन्डा, बिना गार्ड—गाडी आफैँ हाँक्दै प्रधानमन्त्री निवासतिर… #Joy of Simplicity #जीवनका रंगहरु