فالح نادر العتيبي

يقول ابوي رحمة الله عليه من ابيات طويله في ازمة الخليج الأولى من عرضها المدينه وبيت الله تنادينا دونها مانعرف الموت والذلّه علّم الخاين اللي طامعن فينا والله إنّا عما عينه وضدلّه يا …. ثمان سنين مذّينا مير حنّا عذابك ياعدو الله نحمد الله هل العوجا تقدّينا في ذراهم نعقد الراي ونحلّه رايهم يزعل الحاسد ويرضينا وسيفهم لو يجي فوق الجبل هلّه

وجهك حزين وخاطرك مايسلي فجعتني وأنا ما احب الفجيعه هدوّك وصمتك ماهو جايزلّي حزين وعيونك وراها خديعه هات العلوم وخل ضيقك يولي لا تتخذني للعداوه ذريعه ترا الزعل لا طال يمكن يخلي قلوبنا مثل الحيود المنيعه ابليس بفراق القرابه يهلّي الواجب إنّا كلنا مانطيعه افتح ضلوعك يابن عمي وقلي لا تترك همومك بصدرك وديعه مانيب عن وجه الرفيق متخلي علم بهمك واحدً مايذيعه نذراً علي لجيك فزّاع كلّي والاّ اعتذرك ان كانّي ما أستطيعه والله لتفزعلي لو انّك محلي لو رحت ماترضى علي الهزيعه نسبك من بين النجوم متعلي والرأس طيّب والمبادي رفيعه وان كان مزعلك الزمان المولي وتشوف دورات الليالي سريعه الضيق مرمس والنفاق متجلي والحزن حتّى فالمطر والطبيعه تراي من سود الليالي حصلّي مواقفً يمكن بعضها شنيعه اكنها لين اطلب الله واصلي وادعيه لين يشوف قلبي ربيعه ياربي أعتقني من الضيقه اللي لاجاتني ضاقت علي الوسيعه