فيصل السور

- سراقة الروح -

بعيدًا عن فروقات البلاغه والحكي المطروق لعينك كم بحر لامس هدبك وشاعر إستلهم أشوف فروق بعيونك لو إنك ماتشوف فروق مثل ما يفرق شعور السعادة عن شعور الهم مع إن الوقت يسرق ساعة العاشق مع المعشوق يطول الوقت لا من شفت عينك رمشها سلهم

بهالحياة .. التجارب تستحق النهوض وش حيلة اللي ما يلقى حجةٍ تلهمه المشي .. فالليلة اللي يكتنفها الغموض اقسى من الواقع اللي ما قدرت افهمه

عطيت من زهرة شبابي ، بساتين وأسرفت في كل شي ، وأنتي مُقلّه مدري المشاعر تبدي وتنتهي وين لكن وصلت لحد ما ينوصلّه هذا الشعور يزيد من حين ل حين مانيب قادر أحصره في محلّه لا ساقت أنسام الهبوب الرياحين نسيت تكرارك ورا كل زلّه

من عرفتك زدتني حلم ومحطات وتمنّي حظ منهو فاز في جنة رضاك ومن ضمنها لو تفوت أيام من عمري ملل يكفّي اني التفاصيل الممله فيك ما مليت منها

يحاوطك المطر من كل يمه ، وتْهواك النود وانا روحي عليك من الوله ولهى مثل ماهي

آغامر واحس بلذة العمر من تِسرق يا صعب الطريق وخطوته كان بالغته تعبت أنتظره ايام والباب ما يطرَق تعدى حنينه قفله وطاحت صبغته

لا تخاف السنين المقبله خاف منّك انت مبعد عن احساسك وروحك بعيده مرحلة عشتها من عمرك ، وخاب ظنّك المهم تاخذ من الشي ما تستفيده تحسب إنك طويت الماضي ، وناسي إنّك مستمر بشعور الواقع اللي تعيده حاول تعيش متجاوز على شان سنّك انت لازم تفكّر بالحياة الجديده

قبل لا أسرح وأسأل الأيام عنّك ..وين كنتي لحظةٍ مالي جواب بها ولا عندي عوضها هذا انا متغيّر ولانيب انا .. ولا انتي انتي الفراق يخلي الأرواح ما تعرف بعضها

الصمت طوّل وقلّت منه الأنفاس وشيصير بالواحد اذا الصمت طوّل أشياء متأكده ٫ وأشياء وسواس مرات أعدّي .. ومرّات أتهوّل حالم ، ولكن بعد ما حاشني ياس وأبطى فالأعماق وأسرف فالتغوّل إحساسي إني وحيد ، وحولي الناس ظنيت فتره بسيطه ويتحوّل لكن بعد كل يوم .. يزيد الإحساس الحين كل شي صار أصعب من أوّل

يوم قفل بايع الورد بيبان المحل وحط من بيني ومن بينه الباب الحديد وش يعذّرني ليا أبطيت في قاعٍ محل يمكن أرخص باقة الورد , وأعطيك الوريد

كل طاري يمر الذاكرة ينشاف لحظته ، تسرق ايام العمر كلّه الحياة بوجودك ماهي بتنعاف انت شيٍ أمل الناس ما أملّه لو حكمت وعدلت بقمة الإنصاف يكبر الحب فيك وتصغر الزلّه فكرة اني اسافر فالزمان خلاف ماهي مغيّره شيٍ كتبه الله

ما تعوّدت أجازي خاطرك بالقسى لو أحاول وأحاول بالغلا كل وقت ما انت شيٍ مع أحداث الزمن ينّسى انت حاله كتبها الله علي من خلقت

رحمة الله على شهداء المملكة العربية السعودية اللهم ارحمهم وأنعم عليهم بقبورهم نعيمًا لا يفنى، وآنسهم في وحشتهم وأكرمهم واغفر لهم واحفظ هذه البلاد الطيبة من كلّ شرٍ وسوء 🇸🇦

سالمة يا السعودية من الغل مبغضك مالله بسعيه أعانه في حما الله تعالى عزّ وجل أرضك محصّنه عن الإهانه ما شكيتي من الإجحاف والذل شامخة فالمكان ، وفالمكانة نرتبط فيك حبلٍ ماهو يِفل بالدم ، وبالمصير ، وبالديانة علّمتنا الكويت بكل محفل نحفظ المملكة حفظ الأمانة 🇰🇼🇸🇦

لو يزعلك شي ارخصت لك عمري ، ويمكن زود على شان العيون يحق اموت .. اموت متباهي انا ش اللي مريحني لا جيت الا العيون السود ولامع ثغرك ، وكلمه من شفاك ومن شفاهي ومجدولٍ تصبّب ، فاح ريحان ومكاسر عود عن البرد اختلي به وآغفى ويطول متواهي مقر النور مركازة تراقي عنقك الممهود بعد ما يلتهي منها النبيه .. تنبّه اللاهي

عن المستورد بن شداد قال قال رسول الله صلى الله عليه وسلّم «مَا الدُّنْيَا فِي الآخِرَةِ إِلاَّ مِثْلُ مَا يَجْعَلُ أَحَدُكُمْ أُصْبُعَهُ فِي اليَمِّ، فَلْيَنْظُرْ بِمَ يَرْجِعُ؟» - اللهم لا تجعل الدنيا أكبر همّنا

﴿إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ﴾