MIONGONI MWA ALAMA ZA KIYAMA Mtume wa Allah ﷺ amesema: “Miongoni mwa alama za Kiyama ni kuondolewa kwa elimu, kuenea kwa ujinga, kunywewa pombe, kuenea kwa uzinzi, kupungua kwa wanaume na kuongezeka kwa wanawake, mpaka itakapofikia kuwa mwanamume mmoja ndiye atakayesimamia wanawake hamsini.” Mafunzo kutoka katika Hadithi..⏬ Hadithi hii inatufundisha kwamba miongoni mwa alama za Kiyama ni kuenea kwa mambo ambayo ni kinyume na maadili ya Kiislamu, kama vile ujinga wa dini, unywaji wa pombe na uzinzi. Pia Mtume ﷺ ametaja kupungua kwa wanaume na kuongezeka kwa wanawake, mpaka idadi yao itakuwa kubwa sana ikilinganishwa na wanaume. Jambo la muhimu: “Kuondolewa kwa elimu” hakumaanishi vitabu vya elimu kutoweka tu, bali pia kuondoka kwa elimu kupitia kufariki kwa wanazuoni, kisha ujinga ukaenea na watu wasiojua wakaanza kuzungumza na kutoa hukumu bila elimu.

HADITHI YA MTUME ﷺ ✅ Imepokelewa kutoka kwa Mama wa Waumini, ‘Aishah رضي الله عنها, kwamba Mtume ﷺ amesema: رَكْعَتَا الفَجْرِ خَيْرٌ مِنَ الدُّنْيَا وَمَا فِيهَا “Rakaa mbili za Swala ya Alfajiri ni bora kuliko dunia na vyote vilivyomo ndani yake.” 📚 Sahih Muslim, 752 🎓 Kauli ya Al-‘Allamah Ibn ‘Uthaymin رحمه الله Amesema.. “Dunia tangu ilipoumbwa mpaka kisimame Kiyama, pamoja na mapambo yake yote; dhahabu na fedha, starehe, majumba, vyombo vya usafiri na mengineyo rakaa hizi mbili ni bora kuliko dunia na vyote vilivyomo ndani yake.” 📚 Sharh Zad al-Mustaqni‘, 4/70 Rakaa mbili zinazokusudiwa hapa ni Sunnah ya Alfajiri, yaani rakaa mbili zinazotangulia Swala ya faradhi ya Alfajiri. Ni Sunnah yenye fadhila kubwa sana kiasi kwamba Mtume ﷺ ameilinganisha na kitu kilicho bora kuliko dunia nzima na yaliyomo ndani yake. 🌸 Usikose rakaa hizi mbili, hata kama ni kwa sababu ya uzito wa usingizi. Allah atuwezeshe kuzihifadhi Sunnah hizi na kuzitekeleza kwa ikhlasi. Aamiin.