هند ملاحسين التركيت 𝕏

سمعتو باللي صار؟ بيل غيتس نزّل تويت قال فيه عن ايلون ماسك انه ما سوى شي غير انه تسلا ماخذ العلم من العالم نيكولاس تيسلا وx شراه وكان تويتر و space x اخذ التكنولوجيا من ناسا تدرون شنو رد عليه ايلون ماسك؟ لاتخليني اشتري مايكروسوفت وأفنشك منها شكله نسى شكثر عندي فلوس 😂😅

السنة اللي طافت وهالسنة اسوأ سنتين مروا على المدارس ! صارلي ادرس عيالي من ٢٠١١ كل المراحل! من الابتدائي للجامعة ما مر علي اغرب من قرارات السنتين اللي طافوا ! ١- 🔹تغيير المنهج المنهج صعب ويفوق استيعاب الاطفال ! معلومات دسمة جداً. كبيرة عليهم! الابتدائي مرحلة التأسيس لازم معلومات بسيطة! مو بهالعمق! مصطلحات كبيرة عليهم ! طفل عمره ٧-٨ سنين شعرفه بالميتوكندريا؟🙄 ومن متى الاجتماعيات من اولى ابتدائي؟ كان قبل برابعة ابتدائي!! ٢- 🔹الاختبارات مافي تنسيق مسبق ولا في جداول متزنة لكل مرحلة ولا قادرين الامهات ينسقون بين تدريس ابناءهم ! خاصة اللي عندها اكثر مِن مرحلة. فجأة باجر اختبار ! يعني ما تدري شلون يمديها تدرّس علوم ولا اجتماعيات ولا رياضيات ! كلهم بيوم واحد!!😳 والوقت من ٣ العصر - ٧ المغرب فقط بعدها يتعشون وينامون ٨! ٣- 🔹قرارات فجائية! وعليها درجات وكل شي لازم ( باجر ) وكأن الأم مستنسخة وفي منها ٥ نسخ. لازم تكون بالبيت تدرّس وتروح السوق تشتري ! وتحل معاهم واجبات ! وتسوي معاهم مشاريع وتنوّمهم مبجّر! 😳 غير مسؤولياتها الباقية للبيت! ٤- 🔹واجتماع اولياء الامور شلون تحطون كل المراحل يوم واحد لمدة ساعه فقط !! من اولى لي خامس ؟ وكل مرحلة فيها ٥ فصول؟ وكل فصل اقل شي فيه ٢٥ طالب تخيلو الزحمة ! وفوق هذا متى يمدي كل ام تسأل عن عيالها اذا عندها اكثر من مرحلة واكثر من صف وحتى لو صف واحد! ما يمديها كل المواد بيكون عليها زحمة شلون تكلم المدرسات؟ وجم وقت عندها تكلم المدرسة؟ ١٠ ثواني؟😱 قبل كانو مقسمينهم على يومين ! وساعتين بكل يوم! ٥- 🔹قرار الاونلاين! ( للابتدائي) بديل للضرورة القصوى ( اتفهّم) ( واثبت فشله ) لا في مراقبة ولا في تفاعل! وهذا معناته ان الأم لازم تدرّس دبل ! لأن الطفل صعب يركز ويفهم من الاونلاين مو نفس بالفصل ! اتكلم عن الابتدائي. بالفصل يتفاعل ويشوف المدرّسة! الاونلاين يحرم الطفل من الاندماج الاجتماعي وتكوين الصداقات وتعلم مهارات التحاور وشلون يدافع عن نفسه وشلون يقول رايه وشلون يكون شخصيته! ويحرمه من الحركة والرياضة والركض واللعب والتعلم الجماعي! والالتزام بالحضور والانصراف! والمهارات الحياتية! وتعرضهم للشاشات طول اليوم مضر!! كافي الجيل مجابل اليوتوب والعاب الفيديو ! بعد الدراسه لازم ٧ ساعات شاشة؟ ولا تنسون ان الامهات مو كلهم يبون او يرضون يخلون عيالهم "مع الخدم"! يعني اذا عندها دوام شلون تجابل عيالها مع الاونلاين بالبيت؟🙄 بالحرب الكل كان بالبيت ( نتفهم ) ! الحين دوامات شلون؟ احنا مو ضد التغيير (اذا كان للأفضل) ومو ضد التطوير (اذا كان تدريجي) 🤷🏻‍♀️ لكن مع كل قرار لازم يكون في دراسة لأبعاده مع وضع الحلول!!

تدرون شكثر راح يطلّع ماسك من هالحركة ؟ راح يفعّل منصه xmoney وهي مثل بنك تشحنه فلوس ويصير عنده الوضع مثل محفظه فيها فلوسك الناس بكل ثانية يقدر يطلّع مبالغ ضخمة مثل البنوك ! حتى لو اهيا فلوسك دامها عنده يقدر يطلع عليها ملايين 😅 مثال البزنس مان الذكي اللي يحلب النملة ارفع له القبعة 👍🏻 شاپوو