ساره الدريس

مع ان وزير التربية السيد جلال الطبطبائي أوصى بالتسهيل على الطلبة .. تخيل ان اختبار الاسلامية للصفوف الابتدائية الأولى " بالكتاب كامل " !! .. ناهيك عن باقي المواد و الكميات المهولة مو بس الاسلامية!! هذا شنو؟ ليش التعسير هذا؟ التواجيه الفنية ، إدارات التقويم و القياس و إدارات المناهج .. في بينكم و بين الطلبة ثار ولا شالسالفة؟ من يقول ان هذه الطريقة أداة سليمة للقياس؟ يعني الوزير يوصي بالتسهيل و انتوا تبالغون بمحتوى الاختبار و محتوى المنهج و الكمية!!! شنو يصير لو كان الاختبار في ٣ دروس فقط منو يقول ان لازم اييب جدول صام المنهج صم؟ مرفق صور لجداول ٤ مدارس مختلفة @MOEKUWAIT

تتكلم وحده في موضوع " اي وحده بدون تحديد " موضوع سياسي ، تربوي ، تجربة شخصية " كذلك اي شي بدون تحديد " .. يطلع شخص يقول : خلك بالحمرا! و باقي النشاز : خلك بالمطبخ ، خلك بالمكياج ، ربي عيالك!! هذه لست مغالطة منطقية ، بل مغالطة غبية .. من حق اي شخص الحديث في أي موضوع .. اذا اخطأ ، رد على الجزئية الخطأ .. اما توسعة الكلام لأمور تافهة من هذا النوع فهذا ينم عن ضعف الحجة مع حقد طفح بهذه الجملة .. محاولة حصر المرأة في أدوار محددة ليست ردًّا على رأيها ، بل محاولة لمصادرة حقها في إبداء الرأي من الأساس .. و شخصنة صريحة .. تخيل الطامة حين يكون هذا الرد من امرأة لامرأة اخرى!!

بعض الأمهات منهارين من وضع التدريس .. تشتكي طول الوقت .. بس ما تبي تسوي شي .. او تشوف ان رايها ما له قيمة .. الاب كذلك نفس الوضع .. ترى " تواصل " في سهل جهة رسمية وضعتها الحكومة لسماع رايكم تجاه اي جهة اخرى لمعالجة الخلل .. ترى لو طبقت اللي بالتغريدة انت مو مرتكب جـ ريمة وصلوا صوتكم .. لا تصيرون سلبيين .. لا تقولون ماكو فايدة .. و هذا مو تحريض .. لا احنا نبي نوصل وجهة نظرنا عبر القنوات الرسمية .. و كلنا تعاون مع الوزارة .. اتبعوا الخطوات بالتغريدة .. ما تاخذ دقيقتين 👇🏻

انشر تؤجر سهل - تواصل - وزارة التربية نوع الطلب : شكوى عنوان الطلب : شكوى بشأن منظومة المناهج و التقييم الدراسي .. مختصرالطلب : إلى وزير التربية السيد : جلال الطبطبائي المحترم الموضوع: شكوى بشأن تضخّم المناهج الدراسية وعدم تناسبها مع أعمار الطلبة والمدة الزمنية للفصل الدراسي، وما يترتب على ذلك من آثار تعليمية وتربوية وأسرية .. مرفق تفاصيل الشكوى المرفق : الصورة

المناهج الدراسية الجديدة كبيرة و ثقيلة و صعبة و اكبر من أعمار الطلبة .. و كميتها أكبر من المدة الزمنية للكورس ، و المعلمين يركضون فيه ركض مو ملحقين .. و هذا لا شك على حساب استيعاب الطالب و فهمه للمادة العلمية .. بهالحالة الأم مجبرة تلعب دور المعلمة في البيت ، او تلجأ للمعلمين الخصوصيين .. ولا الطالب و هذا حقيقة لا يتأسس ولا يحفظ شي بالمدرسة .. كمية الاختبار + كمية المناهج : شي كارثي ، تعجيزي! كل الأمهات في حالة انهيار .. اغلب الاسابيع اخبارات لا تتوقف .. و هذا خلق حالة من التوتر بين الأم المضغوطة من هذا الوضع ، و الأبناء الذين كرهوا الدراسة بسبب هذا الاستنزاف المتواصل .. و حصر العلاقة بالمنهج و التدريس و الوضع المشحون! شنو الفايدة من كل هالكمية من المناهج و الاختبارات و الطالب و اهله يعيشون في صراع و انهيار و مـ وت الرغبة في التعلم! .. و اللي اصلا لن ترسخ المادة في ذهنه نظراً لكثافتها مع ضيق الوقت؟! حط منهج بسيط مقنن يحفظة الطالب و يستمتع بدراسته و يبقى معاه حصيلة جيدة مفهومة بدل الحشو اللي كرّهه بشي اسمه دراسه .. الطلبة و أهلهم صاروا يتمنون حـ رب ولا يروح المدرسة .. و هذا خطأ لكنه مو من فراغ .. مو من فراغ .. يا جماعة لازم وقفة مع هذا الموضوع .. انشروه قولوا شي .. تعبنا .. المسؤولين في وزارة التربية المحترمة ، التواجيه الفنية عيدوا النظر .. بالنهاية مصلحة الطالب و سلامة الروابط العائلية أهم من الحشو و هستيريا الاختبارات و هذي الطريقة اللي عداها الزمن .. ارحموا الأسرة، فالمدرسة للتعليم ، مو لنقل عبئ التعليم بالكامل إلى البيت .. @MOEKUWAIT

شفت مقطع لأحد مشاهير الإعلانات ينتقد فيها منصة X و يسمي مستخدميها " خبول " ! .. و صنفهم الى اقسام " حسب فهمه الشخصي " و عممها على البشرية .. المهم .. كل إنسان في الحياة لاعب جيد في مكان معين .. هناك شخصيات في X سعوا في حاجات كثير من المعسرين ، قادوا حملات سداد رسوم دراسية للآلاف ، سعوا في فك كربات " بلا مقابل " .. هناك شخصيات في X كانوا صوت الناس و خير مدافع عن مظلومياتهم و سعوا في تغيير الكثير من القرارات لصالح هؤلاء الناس " بلا مقابل " .. هناك شخصيات في X دافعوا عن كثير من القضايا الإنسانية ، بل حتى التضامن الشعبي العربي و العالمي مع قضية ما يُظْهِره التفاعل السريع و العريض في X .. هناك شخصيات في X كانوا خير واجهه و خير مدافع عن البلد أثناء الحرب و غيرها " بلا مقابل " .. منصة X انعكاس لواقع المجتمع بكل اختلافاته .. هو الرأي الذي يقال في الجمعات ، الدواوين .. اسرع منصة يقول فيها المغرد رأيه ، مشاعره "بدون مونتاج ، ولا تصنع أمام الكاميرا " منصة X حلت محل المقال الذي كان في الجرائد و المجلات .. منصة X اسرع و أهم منصة تستمع لها الحكومات و تتفاعل معها في كل مكان .. و هذه حقيقة .. و الأهم فيها أشخاص لا يلهثون خلف الجزرة يمدحون من يدفع أكثر ، فاشينستا بس من نوع اخر .. ختاماً كل مكان فيه الزين و الشين .. لكن الفرق كبير بين شخص يستثمر شهرته ليخدم الناس .. و شخص يستثمر الناس ليزيد شهرته وأرباحه .. و شكراً ..

أثناء دخول وزير التربية لإحدى الحصص اليوم " تيمز " طلب منه احد الطلبة قناصين الفرص بأن يكون يوم الخميس تيمز .. فرد الوزير " سالفة يوم الخميس بنفكر فيها حاضر " اي والله فعلاً فكروا فيها .. لعدة أمور : ١- تفعيل تيمز دائما كون التعليم عن بعد أداة مستقبلية مهمة .. ٢- تحل مشكلة الغياب .. ٣-تعيد تشكيل علاقة الطالب بالتعليم الذاتي .. و هذا مهم جداً .. لذلك .. #تيمز_الخميس_مطلب_شعبي @MOEKUWAIT

ملاحظة : الابتدائي خاصة المراحل الأولى المفروض تسجيل .. انا كأم دخت مره اركض يمين يمين مره يسار مو قادره اتابع مع واحد فيهم .. و ابلات الابتدائي داخوا الصراحة من صيحة فوق الـ ٣٠ طالب بالصف يبون يجاوبون!! .. غير ان بعض المدارس دامجه صفين! الابله يبيلها تصبخ راسها بعد الحصة .. @MOEKUWAIT

بخصوص اللي يقول للمعلمين " عن الدلع " ، و اللي تقول اذونا كلها ساعة ، و اللي تقول ماكو سالفة غيرهم .. فيكم خير كلموا الوزارة لأن هي مصدر القرارات .. بس ما تقدرون لأنكم دنابك 🥁 .. انا بتكلم كـ ولية أمر .. الطالب و امه طوول الاسبووع منهرين .. حرفيا م ن ه ر ي ن .. اختبارات متواصلة ،، و اذا عندهم اكثر من مرحلة اوووه كارثة .. ما يقدرون يركزون على الاختبار بكمياتها الكبيرة .. ولا على الدروس الجديدة اللي المعلم دايس فيها ٢٠٠ يبي يلحق عالكمية .. و المناهج صعبة .. و الكمية وااايد كبيرة .. بطل عينك شوف الكتاب جم صفحة بالفصل الواحد .. مو قادرين نمشي .. حسدتوا العالم على يوم راحتها .. ارحموا العالم من تعليقاتكم البايخة حسبي الله عليكم المهم .. الو وزارة .. الكمية مو طبيعية ترى فكروا فيها @MOEKUWAIT