Hamza abbasi

’’بدل رہا ہے خیبر پختونخوا‘‘ کا نعرہ لگانے والے بارہ سال تک اس صوبے پر حکمرانی کرتے رہے۔ اس طویل عرصے میں بنیادی عوامی سہولتوں کا حال یہ ہے کہ ضلع صوابی کے ایک سرکاری اسکول کی طالبات آج بھی تعلیم حاصل کرنے کے لیے ایک خطرناک اور غیر محفوظ راستے سے گزرنے پر مجبور ہیں۔ یہ وہ بچیاں ہیں جو روزانہ جان ہتھیلی پر رکھ کر اسکول جاتی ہیں۔ نہ پُل تعمیر ہوا، نہ متبادل محفوظ راستہ بنایا گیا، نہ اس بنیادی ضرورت کو ترجیح دی گئی۔ تعلیم کا حق تو دیا گیا، مگر اس حق تک پہنچنے کا محفوظ ذریعہ فراہم نہ کیا جا سکا۔ بارہ سال اقتدار، بارہ سال نعروں اور دعووں کے باوجود ایک چھوٹا سا پُل تک تعمیر نہ ہو سکا۔ یہ صورتحال محض کسی ایک اسکول یا ایک ضلع کی کہانی نہیں، بلکہ ترجیحات کی عکاسی ہے۔ جب لڑکیوں کی تعلیم جیسے اہم معاملے میں بھی بنیادی انفراسٹرکچر فراہم نہ کیا جا سکے، تو دعوائے تبدیلی خود بخود بے معنی ہو جاتا ہے۔ یہ تبدیلی نہیں۔ یہ بارہ سالہ ناکام حکمرانی کا کھلا اور منہ بولتا ثبوت ہے۔