"ایمانداری ایسی ہو کہ غیر مسلم بھی گواہی دینے پر مجبور ہو جائے جنوبی افریقا کے سابق عظیم کپتان گرائم اسمتھ کا اپنے حالیہ ایک انٹرویو میں ہاشم آملہ کی دینداری کا تذکرہ کرتے ہوئے کہنا تھا کہ: "ہم انگلینڈ میں ٹیسٹ سیریز کھیلنے گئے ہوئے تھے اور وہاں رمضان کا مہینہ تھا، جہاں درجہ حرارت کافی زیادہ تھا۔ مجھے شروع میں علم نہیں تھا کہ ہاشم آملہ بغیر کچھ کھائے پیے میچ کھیل رہے ہیں۔" انہوں نے مزید بتایا کہ: "کھیل کے دوران جب ہماری فیلڈنگ تھی اور پانی کا وقفہ ہوا، تو ہاشم آملہ سب سے دور جا کر بیٹھ گئے۔ میں نے ان کے پاس جا کر کہا کہ تم پانی پی لو، لیکن وہ میری اس بات پر حیران ہوئے اور کہنے لگے کہ 'روزہ رکھنا ہمارے لیے بہت بڑی سعادت کی بات ہے، ایسا کیسے ہو سکتا ہے کہ میں رمضان میں دن کے وقت کچھ کھاؤں یا پیوں؟'" گرائم اسمتھ کا کہنا تھا کہ: "وہ شدید گرمی میں پورا دن فیلڈنگ کرتے رہے اور اس دوران وہ صرف نماز پڑھنے کے لیے دو بار ڈریسنگ روم گئے۔ شام کو ان کے چہرے پر تھکاوٹ کے کوئی اثرات نہیں تھے اور بالکل نہیں لگ رہا تھا کہ وہ بھوک یا پیاس سے پریشان ہیں۔ اس دن شام کو جب انہوں نے وقت کے مطابق روزہ افطار کیا، تو میں بھی ان کے ساتھ بیٹھ گیا اور ہم نے اکٹھے ڈنر کیا۔ اگلے روز پھر ان کا روزہ تھا اور یوں انہوں نے پانچ دن مسلسل روزے کے ساتھ ٹیسٹ کرکٹ کھیلی۔ میں نے زندگی میں ایسا انسان نہیں دیکھا، وہ ایک الگ ہی شخصیت ہیں۔ مجھے ان سے آج بھی محبت ہے اور میں ان کا بے حد احترام کرتا ہوں اگر مجھے ہاشم آملا کوئی بات کہے تو میں آنکھیں بند کرکے اس پہ یقین کرلوں گا #cricket #pakistancricket