✪ Bashar Khasawneh

لأول مرة الأردن يقصف سوريا بدعوى الإرهاب هل إسرائيل هي اللي خططت للجريمة بهدف وصل درعا بالسويداء؟ ركز معايا عشان الكلام مهم.. حصل امبارح إن القوات الأردنية ضبطت الإرهابيين اللي عملوا جريمة الكرك، واللي راح فيها 9 مواطنين أردنيين وعشرات الإصابات من الطائفة المسيحية.. وعرفت قوات الأمن شبكة دعمهم وفقا للتصريحات الرسمية الأردنية إنهم تبع عصابات الجولاني في #سوريا اللي ياما حذرنا من سيطرتهم على دمشق وتأثيرهم السلبي في أمن ووحدة دول الجوار.. والنتيجة قام الجيش الأردني بقصف مناطق في ريف درعا، أدى إلى مقتل وإصابة العشرات بينهم مدنيون وفقا للتصريحات الرسمية السورية، ومقتل شبكة إرهابيين داعمه لهجوم الكرك وفقا للتصريحات الرسمية الاردنية ملخص الموضوع.. إن الأردن شافت الجنوب السوري بيتحول لمنطقة تهديد أمني، فقررت تضرب بيدها من غير انتظار موافقة دمشق، وده مؤشر خطير على إن سيطرة الحكومة السورية على الحدود الجنوبية ضعيفة جدا. البيان الأردني الرسمي بيقول تم التنسيق مع سوريا، لكن البيان السوري الرسمي قال إنه اعتداء أردني ومفيش تنسيق ولا حاجة.. طب الحقيقة فين؟ مفيش تنسيق حصل ،الأردن شاف الخطر على حدودها فتصرفت منفردة، وتبريرها بالتنسيق مجرد دبلوماسية لتخفيف الصدمة وتجنب أزمة دبلوماسية مفتوحة، ولما دمشق عرفت غضبت لأنها شافت في الأمر تجاوزا لسيادتها فكان ردها صارما "مفيش تنسيق إطلاقا" ببساطة: الأردن حطت الأمن القومي فوق الاعتبارات الدبلوماسية، وسوريا ردت بالعناد لحفظ ماء الوجه، أما الجولاني فمش هيقدر يوافق لأن حكومته هتخسر شعبيتها ومصداقيتها لو اعترف إن دولة بتضرب داخل أراضيه وهو موافق..فمفيش مصلحة. أما بالنسبة للهجوم الأردني فتعالوا نحلل باختصار: أولا: عصابات الجولاني موجودة في إدلب بشكل رئيسي، وحتى الأن بعد مرور عامين بتحكم بقية المناطق بالعرف القبلي زي نظام الأسد زمان، ولأن السلطة سلفية الفكر وتتبنى وجهات نظر دينية متطرفة، تحول الجنوب السوري لبيئة خصبة لجماعات إرهابية صغيرة ومتفرعة مش مرتبطة بقيادة مركزية، نظرا لضعف سلطة دمشق وعدم قدرتها على السيطرة الكلية. ثانيا: يوجد فراغ أمني في أغلب محافظات سوريا بنشوفه يوميا بعمليات قتل واغتيال على الهوية الدينية وتصفية حسابات شخصية، لدرجة إن الانفلات الأمني دا كتبت عنه كبريات الصحف والجولاني عامل من بنها ومش قادر يحل مشكلته..أو يقدر لكنه مش عاوز، وشايف نفسه مستفيد.. مع العلم إن الفراغ الأمني يحصل الجماعات المتطرفة بتتكاثر زي الفطريات لأن دي بيئتها الأصلية، ومشهور أن الإرهاب ينمو في ظل الفوضى والفراغ الأمني، وهنا تكمن المشكلة، إن العناصر المتطرفة تنتقل بين إدلب والجنوب بسهولة، والأيديولوجية السلفية بتاعها تنتشر في ظل الفوضى والفقر والتهميش اللي يعاني منه أغلبية الشعب السوري حاليا. فالجولاني هنا مش مجرد زعيم عصابة، بل نموذج تاريخي طبيعي من الحكام الضعفاء لما يغيب القانون والدولة لسنوات. ثالثا: إسرائيل حاليا تعمل على خلق منطقة نفوذ تمتد من الجولان باتجاه درعا حتى السويداء بحجة حماية الأقليات ومنع التهديدات عن حدودها الشمالية، فمن مصلحتها خلق بؤرة توتر وإرهاب في درعا عشان تتدخل منها تحسن صورتها قدام المجتمع الدولي، ومنها توصل السويداء بالجولان جغرافيا.. رابعا: إسرائيل مستفيدة جدا من الفوضى في الجنوب السوري، بمعنى إن كل ما الوضع هناك متوتر ومش مستقر، تقل التهديدات على حدودها..والعناصر السلفية سهل اختراقها لأنها جماعات عاطفية للغاية وتقدم ميولها الدينيه على مصلحتها ، وسهل تتحكم في أي جماعه من دول لمجرد انك تقنعهم أو تظهر لهم اقتناعك بأفكارهم. يعني مما سبق احتمالية توظيف إسرائيل لهؤلاء الإرهابيين في الهجوم على كنيسة الكرك بالأردن كبير، منها يضربوا سوريا بالأردن مع بعض، ومنها يخلقوا دافع ومحفز أخلاقي للتدخل في جنوب سوريا عسكريا ووصل الجولان المحتل بالسويداء جغرافيا، ودا يلزمه قبل كل شيء نشر الفوضى والتوتر في درعا والقنيطرة. يعني من هنا ورايح هنشوف عمليات زي دي كثير ، ويمكن تدخل الأردن بهذه الشدة والحسم لمنع هذا المخطط أو دفع داعميه للتفكير في العواقب.. وتذكر دائما إن الفوضى لا تبقى فوضى للأبد، فهي إما تنتج دولة، أو تنتج عدوا أكثر شراسة، والهدف من نشر الفوضى في درعا وتمكين الإرهابيين منها هو تكوين إمارة إسلامية مدعومة سياسيا من قوه إقليمية، والموضوع ده مش بس تهديد للأردن، ده كمان تهديد لمصر والعراق، اللي لازم يساعدوا الاردن في القضاء على هذه البؤرة أو تحجيمها وتقليل الضرر الناتج عنها. رأي حضراتكم هل هنشوف تصعيد بين سوريا والأردن ولا هيلموا الموضوع؟ وهل الجولاني كان عارف بهذا العصابات في درعا؟ ولماذا لم يقاومها أو يمنع نشاطها؟ Image Made With Ai