جہاں کراچی کے ساتھ امتیازی رویہ زندگی کے ہر شعبے میں روا رکھا جاتا ہے وہیں تعلیم کا شعبہ بھی کسی سے پیچھے نہیں اور پھر جب اس امتیازی سلوک کو نمایاں کیا جائے تو کراچی بطور علیحدہ صوبہ یا انتظامی یونٹ ایک جائز ڈیمانڈ بن کر سامنے آتا ہے۔ کراچی کے ساتھ تعلیم کے معاملے میں سوتیلی ماں جیسا سلوک؟ ڈیٹا خود بول رہا ہے! سندھ میں کل 53,177 اسکول ہیں، جن کی تقسیم درج ذیل ہے: سرکاری اسکول: 40,992 (77%) نجی اسکول: 12,185 (23%) لیکن جب ان اعداد و شمار کو کراچی اور اندرونِ سندھ کے تناظر میں دیکھا جائے تو ایک حیران کن فرق سامنے آتا ہے۔ کراچی: سندھ کا سب سے بڑا شہر اور معاشی انجن سرکاری اسکول: 1,869 (17%) نجی اسکول: 9,000 (83%) یعنی کراچی کے کل 10,869 اسکولوں میں سے 83 فیصد نجی، جبکہ صرف 17 فیصد سرکاری ہیں۔ مزید یہ کہ سندھ کے مجموعی سرکاری اسکولوں میں کراچی کے سرکاری اسکولوں کا حصہ صرف تقریباً 4.6 فیصد بنتا ہے۔ اس کے برعکس اندرونِ سندھ کی صورتِ حال دیکھیے: سرکاری اسکول: 39,123 (92.5%) نجی اسکول: 3,185 (7.5%) یہ اعداد و شمار دونوں خطوں میں سرکاری اور نجی اسکولوں کی تقسیم کے درمیان ایک نمایاں فرق کی نشاندہی کرتے ہیں۔ اب چند بنیادی سوالات: کراچی سندھ کا سب سے بڑا شہر، اہم معاشی مرکز اور ریونیو پیدا کرنے والا ایک بڑا شہر ہے۔ اس کے باوجود یہاں سرکاری اسکولوں کی تعداد اتنی کم کیوں ہے؟ جبکہ اندرونِ سندھ میں سرکاری اسکولوں کی تعداد نمایاں طور پر زیادہ ہے، کراچی میں والدین کی بڑی تعداد کو اپنے بچوں کی تعلیم کے لیے نجی اسکولوں پر انحصار کرنا پڑتا ہے، جہاں تعلیم کے اخراجات اکثر ان کے لیے ایک بڑا بوجھ بن جاتے ہیں۔ کیا یہ فرق محض اتفاق ہے، یا اس کے پیچھے تعلیمی منصوبہ بندی، وسائل کی تقسیم اور حکومتی ترجیحات سے متعلق مسائل ہیں؟ پیپلز پارٹی کئی دہائیوں سے سندھ میں اقتدار میں ہے۔ اگر واقعی ’’سندھ کی ترقی‘‘ اور ’’تعلیم سب کے لیے‘‘ حکومت کی ترجیحات ہیں، تو پھر کراچی اور اندرونِ سندھ کے درمیان سرکاری تعلیمی سہولیات کی اس غیر معمولی تقسیم کی وضاحت کون کرے گا؟ کیا کراچی کے بچے سندھ کے بچے نہیں؟ کیا کراچی کے بچوں کو معیاری اور قابلِ استطاعت سرکاری تعلیم حاصل کرنے کا وہی حق نہیں جو اندرونِ سندھ کے بچوں کو حاصل ہے؟ حکومتِ سندھ کو چاہیے کہ وہ ان سوالات کا جواب دے اور سرکاری تعلیمی سہولیات کی منصفانہ تقسیم کو یقینی بنائے۔ تعلیم ہر بچے کا بنیادی حق ہے۔ کراچی اور اندرونِ سندھ کے درمیان اس تفاوت کو نظرانداز نہیں کیا جا سکتا۔ کراچی کے شہری یہ جاننے کا حق رکھتے ہیں کہ ان کے بچوں کے لیے سرکاری تعلیمی سہولیات کی فراہمی میں یہ فرق کیوں موجود ہے۔ @OfficialDGISPR @PakPMO @MIshaqDar50 @MohsinnaqviC42 @Dr_KMSOfficial @sardarshah1 @SindhCMHouse @sindhinfodepart @Taimur_Ali_Syed @s_faisalhussain @nadia_a_mirza @wajih_sani @AbidiFactors @ajnasir @amtulq2 @alikhurshidi @MQMPKOfficial @JIPOfficial @JIKarachiEast @NaeemGondal01 @NaeemRehmanEngr @GovtofPakistan نوٹ: اس پوسٹ کی تیاری کے لیے جناب @OwaisSarwar57 نے اعداد و شمار مرتب کرکے فراہم کیے۔ ان اعداد و شمار کی بنیاد پر کراچی اور اندرونِ سندھ کے درمیان سرکاری اور نجی اسکولوں کی تقسیم کا یہ فرق نمایاں ہوا، جس نے اہم سوالات کو جنم دیا۔ ان کے تعاون کا شکریہ۔