WAQAS UR REHMAN

عمران خان کے ذاتی ڈاکٹر عاصم یوسف کا عمران خان کا علاج کرنے والے ڈاکٹروں کے ساتھ کانفرنس کال کے بعد بیان: “کل رات تقریباً پونے دس بجے میری اسلام آباد میں موجود دو ڈاکٹرز سے ٹیلی فون پر بات ہوئی، جو اس وقت عمران خان صاحب کی آنکھ کا علاج کر رہے ہیں۔ یہ گفتگو تقریباً 40 منٹ تک جاری رہی۔ میں نے اپنے کولیگ ڈاکٹر خرم مرزا، جو لاہور میں ریجنل اسپیشلسٹ ہیں، ان سے بھی درخواست کی کہ وہ اس کال میں شامل ہوں۔ ان کی مہربانی ہے کہ وہ فوراً شامل ہو گئے اور انہوں نے بھی تفصیلی بات چیت میں حصہ لیا۔ اسلام آباد کے ڈاکٹرز نے تفصیل سے بتایا کہ وہ کب سے خان صاحب کو دیکھ رہے ہیں، کون کون سے ٹیسٹ کیے گئے، کیا تشخیص ہوئی، اب تک کیا علاج ہوا اور آئندہ علاج کا کیا پلان ہے۔ انہوں نے یہ بھی بتایا کہ فالو اپ کس طرح کیا جائے گا۔ ڈاکٹرز کے مطابق انہوں نے آخری بار کل دوپہر خان صاحب کو دیکھا، اور تمام رپورٹس و تازہ اسیسمنٹ کے مطابق خان صاحب کی طبیعت پہلے سے بہتر ہے، آنکھ میں بہتری آئی ہے اور بینائی بھی امپروو ہوئی ہے۔ میری خواہش ہے کہ میں پورے یقین سے اس کی تصدیق کر سکوں، مگر افسوس کہ میں نہ تصدیق کر سکتا ہوں اور نہ تردید۔ اس کی وجہ یہ ہے کہ میں نے خود خان صاحب کو نہ دیکھا ہے اور نہ ہی ان سے بات ہوئی ہے۔ مزید یہ کہ خان صاحب کی فیملی کی جانب سے نامزد ڈاکٹرز کو بھی ابھی تک انہیں دیکھنے کی اجازت نہیں دی گئی۔ اسی لیے میں ایک بار پھر اتھارٹیز سے درخواست کرتا ہوں کہ مجھے یا ڈاکٹر فیصل سلطان کو، اور خان صاحب کی فیملی کی جانب سے نامزد ڈاکٹرز کو اسلام آباد میں معائنے اور علاج کے عمل میں شامل ہونے کی اجازت دی جائے۔ میری خصوصی درخواست ہے کہ آئندہ تمام ٹیسٹ، اسیسمنٹ اور علاج Shifa International Hospital میں کیا جائے، کیونکہ ہمارا یقین ہے کہ یہ عالمی معیار اور مناسب اسٹیندرز کا حامل اسپتال ہے، جہاں عمران خان صاحب کو ان شاء اللہ بہترین علاج میسر آ سکے گا”