Mahpara Magsi

ہماری بلوچ روایات میں عورت کا مقام ہمیشہ سے اس قدر بلند اور احترام کا رہا کہ اگر دشمن کی عورت بھی ہم سے امان مانگ کر آ جائے تو اس کی عزت کی حفاظت بھی ہم بلوچ کی اپنی غیرت اور انا کا معاملہ بن جاتی ہے۔ مگر افسوس کہ پچھلے تین چار سالوں میں ہمارے بلوچستان جیسی غیرت مند سرزمین پر آج ہماری بلوچ عورت جو کبھی حیا، پردے اور عزت کا نام تھی آج ہماری بے حسی کیوجہ سے حالات کی کٹھ پتلی بن کر غیر مردوں کی صحبت میں پہاڑوں پر پہنچائی جا رہا ہے۔ ایک وہ وقت تھا جب ہم بلوچوں کی غیرت یہ تک برداشت نہ کرتی تھی کہ ہماری پناہ میں آئی غیر عورت بھی خود کو محفوظ سمجھتی تھی اور آج ہماری اپنی گھر کی عورت غیر مردوں کے درمیان پہاڑوں پر پہنچ چکی اور ہم قومیت کے نام پر اپنی عورت اور نسل دونوں کو برباد کر رہے ہیں۔ سچ تو یہ ہے کہ ہم نے اپنی گھر کی عورت کو اسکی خوشی یا مرضی سے اس نام نہاد وطنیت و قومیت کی بھینٹ نہیں چڑھایا بلکہ ان لوگوں کے سپرد کیا جنہوں نے انہیں کہیں قومیت تو کہیں بلیک میلنگ اور کہیں گمراہ کن پروپیگنڈے کے ذریعے انہیں بہکایا اور ہم نے بطور بلوچ اس سب کے بدلے اپنی عورت کی قیمت وصول کی۔ بطور بلوچ ہمارا سر تو شرم سے جھک جاتا ہے کہ وہ غیرت مند بلوچ آج کہاں مر گیا جو کبھی دشمن کی عورت کی بھی ڈھال بن جاتا تھا اور آج اپنے ہی گھر کی عورتوں کی قومیت کے نام پر قیمت وصول کر کے غیر مردوں کے رحم و کرم پر چھوڑ دیتا ہے۔ پتہ نہیں وہ دن بھی اب کبھی آئے گا جب ہم بلوچ مرد اپنے گریبان میں جھانک کر اس ذلت کو محسوس کریں کہ ہماری عورت جو ہماری نسلوں کو پروان چڑھاتی ہے، جس کی امیدوں میں قلم اور خوشحال مستقبل ہونا چاہئے وہ آج بارود کا ڈھیر بن رہی ہے۔