محترم جداً

حبيبي بعد طول الزعل والقطيعه طلّ على قلبٍ يفوع .. و على روحٍ تنادي احبك ٫ وابيك اقرب علي من حدود الظلّ انا فكل شي احبّه اصير .. متمادي تشوف الزعل في خاطرك .. زاد ولّا قلّ وانا اشوف وجهك ملحي .. وضحكتك زادي عيونك تدوّر مشكله .. ما تدوّر حلّ مثل ما تدوّر عيني البارح .. رقادي تملّ القلوب .. وقلب من يعشقك ما ملّ بعد ما غرق بـ احساسه .. فـ بحرك الهادي على كل صدّه جات منك .. تراك بحلّ وعلى كل جرحٍ من جروح الهوا .. عادي اشوفك حقيقة عمر .. لو الليال تزلّ مثل منسبي واسمي وموتي وميلادي عسا من يضيع بنون عينك .. ماعاد يدلّ ومن يحسب انه دلّ في نونها .. غادي و عسا كل عام يمرّك احلا من اللي زلّ فدى ضحكتك حسّاد عمرك وحسادي

بعد نطقتي "يا ابراهيم وينك" حسّيت ذنبي يشبه لذنب بشار ما خفت ربي بالقسى رغم لينك يا رب غفرانك على كل ما صار (احمرّت عيونك) وحدّك حنينك تسقين نجد دموعها قبل الامطار كن الرموش السود من حول عينك افارقه متجمعينٍ على نار راجع معي عذرٍ يشابه جبينك بريقه يغطّي على كل الاعذار غربة يديني دون مسكة يدينك غربة مطوّع عايشٍ بين كفار