فالح بن مهل

يا مضيّعين المجد للمجد عنوان ما تعرفه روسٍ .. تحبّ المدابح المجد يبغى فارس وسيف وحصان ماهوب عن ريع المنيفات كابح شروا .. شبيه معزّي وذخر سلمان كوكب مفاخر فالمجرات سابح شف السعودية .. رغد وأمن وامان يوم الدول ساحات حرب ومذابح اليا زعل .. حطّ العدا في خبر كان وخلّا من دمي الاعادي مسابح واللي يعادونه يعادون الإحسان من ضيعة الدبره وقِصر الشوابح عزالله ان اللي يعاديه خسران واللي من العالم يواليه .. رابح #السعوديه_العظمى

ترى الانسان في كل الظروف بحاجة الانسان لو انه ما لقى من يكترث له .. مات من كبته

يا رفيقي .. والعمر بين زين و بين شين انتهوا .. منه المخاليق من حيث ابتدو كل ما دلّوا .. لقوهم بعدها ضايعين و كل ماحسّوا بقرب المسافات .. ابعدو والله اني يوم اشوفك حزين .. اني حزين اعرفك .. والا اعرف اللي على حزنك حدو ليه صرت تفضّل الشك وتخاف اليقين وانت من بيت المعرفة ومن بيت السدو لـ متى .. وانت اتحيّز عن الناس اجمعين منغلّق .. في دائره لا صديق ولا عدو ؟ لا تضيّعك الروابع ، وتغويك السنين وانت ربعك روس قوم وعواريف وبدو استدّل بكلمة الحق والرأي الرزين بعض الأرياء بوصلة، للنشاما لا غدو كان ما عندك ذخاير والا حرزٍ متين من يفكك من بنات الليالي لا عدو

عليك من الرضا يا دارنا اللي بالدعا محيوف تزاورك النسايم كل مطلّع صبح وتهبّك وليلك يبتسم للأرض ما يجتاح ليلك خوف شف الايام وش سوّت بمن يكرهك و يسبك يفتّق جرحك اللي ينكر الإحسان والمعروف ويطلع من ترايب قاعك مدوّر على طبّك طهور من الاذى ومن الخيانه والتعب مخلوف تهادى في يدين الشعب وأنعم في حما ربك لو أنّا نغترب منك .. نجيك بلهفة الملهوف ما تلقى في ثراك الطاهر اللي مثلنا حبّك

عليك من الرضا يا دارنا اللي بالدعا محيوف تزاورك النسايم كل مطلّع صبح وتهبّك وليلك يبتسم للأرض ما يجتاح ليلك خوف شف الايام وش سوّت بمن يكرهك و يسبك يفتّق جرحك اللي ينكر الإحسان والمعروف ويطلع من ترايب قاعك مدوّر على طبّك طهور من الاذى ومن الخيانه والتعب مخلوف تهادى في يدين الشعب وأنعم في حما ربك لو أنّا نغترب منك .. نجيك بلهفة الملهوف ما تلقى في ثراك الطاهر اللي مثلنا حبّك

ان روحنّ بنات الأفكار وان جنّ شيٍ .. ماهوب يقال لك ما نقوله اسما من التشكيك وأبعد من الظنّ وأصعب من اللي ماتجي بالسهوله وألطف من النسمة ومن ضحكة السن وأعذب من الصيّب على اول هطوله على الجمال الفذ شاكر وممتنّ تستاهلين .. اللي يتعّب ذلوله مشاعري يوميًا لـ قربك تعن يا مقربك مني .. لو انك جفوله مافيه ليلٍ .. مرني فيه ما حنّ نفس الشفاوي ما تعوّد ملوله مرّي جراهيدٍ لها البرق ما حنّ ويقوّم وردٍ كان يشكي .. ذبوله يا سيّدة بال القصيد وهل الفنّ يدين .. ما تدرك يديك مغلوله لو يدري الحنّا ، من انتي ؟ ومن منّ عيّا .. لا يطلع من يديك بسهوله

والله اني يوم اعدّي في حجى مشرافي ساعةٍ كن الشفق لونه نحر رعبوبه أتمادى للنسايم لين اقول الخافي تطلع الكلمه يسيره ماهي بمغصوبه كل جرحٍ فالزوايا .. ما لقى له رافي كل رغبه في ضميري عايشه مسلوبه ما تداركت الطموح ولا بلغت اهدافي حاجةٍ ماهيب تقسم .. ماهي بمكتوبه تاركٍ جلّ أمنياتي كلبوها " خلافي " سامحٍ منها سماح التايب من ذنوبه

حبيبي بعد طول الزعل والقطيعه طلّ على قلبٍ يفوع .. و على روحٍ تنادي احبك ٫ وابيك اقرب علي من حدود الظلّ انا فكل شي احبّه اصير .. متمادي تشوف الزعل في خاطرك .. زاد ولّا قلّ وانا اشوف وجهك ملحي .. وضحكتك زادي عيونك تدوّر مشكله .. ما تدوّر حلّ مثل ما تدوّر عيني البارح .. رقادي تملّ القلوب .. وقلب من يعشقك ما ملّ بعد ما غرق بـ احساسه .. فـ بحرك الهادي على كل صدّه جات منك .. تراك بحلّ وعلى كل جرحٍ من جروح الهوا .. عادي اشوفك حقيقة عمر .. لو الليال تزلّ مثل منسبي واسمي وموتي وميلادي عسا من يضيع بنون عينك .. ماعاد يدلّ ومن يحسب انه دلّ في نونها .. غادي و عسا كل عام يمرّك احلا من اللي زلّ فدى ضحكتك حسّاد عمرك وحسادي

في ليلةٍ كنّ المسا عيّا على نور الصباح

يبعث اللـه في نفس القنوع الصبور شي .. ما مرّ تبّاعة " ملذاتها "

اللي من الضيق وهموم العمر ما شكا حتى لو ان الليالي ضيق وقت ومحك ان طرّوا الموت وحفرّ المقابر بكا وان طرّوا المغفره .. مشّ الدموع وضحك

يا دار الملوك وديرة مجرّي الهيّاب خذيتي من التاريخ ما يشبع عنادك مليتي مسافاتك من المجد والإعجاب تماديتي .. وخليتي الغيم يرتادك يا سبحان من حطّ بمداراتك الترحاب وخلاك حرّه رغم عن انفّ حسادك نسانيسك تعلّمني ان الهوى غلاب واطوّق قصيدي بين عنقك وميادك من الود .. حتى المغترب عاش باستغراب يمرّه شعور .. انه من ابناك وأحفادك الايجاز فيك يعافّ في حضرة الإسهاب تحت بشت من غمّض عيونك عن سهادك وريث اول اللي قاتلوا " فكرة الاحزاب " وخطب ودّك .. وعادك ليا الحين بمهادك #اليوم_الوطني_السعودي_95

مرّني ذات مرّه كنّه مسيّر يسحب خطاه مدري يسحب امالي اطرقٍ من عيون الناس متذيّر فيه يا كثر ملح الله وهو حالي بس وجهه ماهوب الاول النيّر ولاّ ما كان ظلّي واقف قبالي مدرك الغيبه اللي حبلها قصيّر مثل مانيب مدرك بارد ظلالي كان قلبه كبير .. وعوّد صغيّر وكان غالي وعوّد ماهو بغالي قال وش فيك متضايق ومتحيّر قلت الايام ما خلتني بحالي قال متغيّر وقلت ايّه متغيّر وراح في فاله وعوّدت في فالي

هذا انت ياليل النكدّ والتباريح انا اعرفك .. لا تحسبني مشبه ما فيه جرح الا خلافه مجاريح اللي .. يشوفون المحبه محبّه اما انت يا ماخذ ضلوعي مراجيح يا سيّد جروحي وسيد الاحبّه اترك كلام ملوعبين المسابيح واخذ كلام اللي مداراك طبّه امسك دموع عيونك شوي لا تطيح لين انصرف والكل يرجع مربّه ترى الوداع اللي يجي دون تلويح يترك امل في رجعت اللي تحبّه

يا سيّد جروح الخفوق المرمسات فدا محيّا وجهك .. الوجه البثر تركتني في ذمّة يدين الشتات وشلون تتركني وتترك لك اثر على كثر ما في حياتي مُغريات انت الوحيد اللي بعيني وش كثر انت السوالف والقصص والأحجيات وانت الشعر وانت الأغاني والنثر

اعتزلت من المسافه ومن طرد السراب ومن رتابات المشاعر ومن تكريرها ومن طواريق المحبه ومن طيش الشباب والدروب .. اوّل مشاويرها .. واخيرها يالله اجعلني من اهل الدعاء المستجاب لجل ما اشقى فالليالي وفي تفسيرها الادمي ليه يترجى من الناس الصواب والله الملهم للأنفس حسن تدبيرها

لا تلمس الجرح ب يدين الهوى خلّه جروحنا نفسها فالوضع محتاره

يا مربى الصبا واغلا العمر واعذب الاسباب ما ملّت خطاوييّ على كثر ما ارتادك اوقّف على اطلالك مثل وقفة المرتاب لا فكّرة في قربك و فكّرة فـ ابعادك ما سولفت فيك الا على الغيم والمرقاب اخاف الزمن لا يخطفك عقب ما جادك نسانيسك .. تعلّمني ان ( الهوى غلاّب ) واطوّق قصيدي ، بين عنقك وميادك على حين غرّه جابك الله من اوسع باب مثل ما يقاد السيل بأمره .. علي قادك تراميت من ظلم البعيدين والاقراب وانا اول من يغمّض عيونك عن سهادك معك يُستلب النطق ويفضّل الاسهاب وانا المستمع، على توافقك وأضدادك

عاد روحي .. من الأيام ما ملّت يزعل الوقت واحوالي هيّ احوالي اخَ .. من نفس لا ضاعت ولا دلت ياوجودي عليّ .. ويا بري حالي بين جرح السنين وحاجةٍ ولّت ماقدرت اتدارك وضعي الحالي والمشاريه .. ما بقّت ولا خلّت لا كسبنا رضى غالي زعل غالي

من ترك لأرض وين نقص له جرّه؟ خطوة القلب مخذوله ومكسوره باغته يومه الواعد ( على غرّه ) ليتها حاجةٍ فاليدّ مقدوره كان يضحك حجاجه كل ما مرّه والحزن بيّنٍ في عين " دكتوره " النفْس شحّ ما يقدر على جرّه التمس وجعته واحسّ بشعوره ذكريات العمر من حلوه لـ مرّه عشتها كلّها بالصوت والصوره