بلوچستان کی اصل پہچان ماہرنگ بلوچ نہیں بلکہ مناہل حمید جیسی بیٹیاں ہیں ۔ جو ناصرف اپنی قوم بلکہ ملک کا نام بھی روشن کررہی ہیں اور خواتین کو روزگار بھی فراہم کررہی ہیں ۔ مناہل حمید بلوچستان کے ایک چھوٹے سے قصبے میں پلی بڑھیں، جہاں روایتی طور پر خواتین کے لیے تکنیکی شعبے (جیسے الیکٹریشن) میں داخل ہونا تقریباً ناممکن سمجھا جاتا تھا۔ سماجی توقعات، محدود مواقع اور مردوں کے غلبے والے پیشوں کی وجہ سے زیادہ تر لڑکیاں اس راستے پر نہیں چلتیں، مگر مناہل نے اس سوچ کو اپنے لیے حد نہیں بننے دیا۔ انہوں نے Schneider Electric کے Youth Education & Entrepreneurship Program میں حصہ لیا (جسے Schneider Electric Foundation سپورٹ کرتا ہے)۔ اس پروگرام کے ذریعے انہیں انرجی مینجمنٹ میں تکنیکی مہارتوں کے ساتھ ساتھ کاروباری اور انٹرپرینیورشپ کی تربیت بھی ملی۔ یہ پروگرام نوجوانوں کو صرف تربیت نہیں دیتا بلکہ ان میں خود اعتمادی اور اپنے کیریئر خود بنانے کی صلاحیت پیدا کرتا ہے۔ تربیت مکمل کرنے کے بعد مناہل نے اپنا خواتین کی قیادت والا الیکٹریکل کمپنیشروع کیا اور بلوچستان کی پہلی خاتون الیکٹریشن بن گئیں۔ وہ اب خود کام کرتی ہیں، سائٹ پر الیکٹریکل ورک کرتی ہیں، اور اپنا کاروبار چلاتی ہیں۔ وائس آف بلوچستان کی خصوصی ویڈیو میں انہیں تعمیراتی سائٹ پر کام کرتے ہوئے اور انٹرویو دیتے ہوئے دکھایا گیا ہے، جہاں وہ نقاب میں بیٹھی خواتین کے لیے تکنیکی تعلیم کی اہمیت اور رکاوٹوں کو توڑنے کی بات کرتی ہیں۔ انہیں تعلیم، روزگار اور سماجی دباؤ کی رکاوٹوں کا سامنا کرنا پڑا، مگر صحیح سپورٹ اور اپنی محنت سے انہوں نے نہ صرف اپنی پہچان بنائی بلکہ بلوچستان کی دیگر خواتین کے لیے بھی ایک مثال قائم کر دی۔ ان کی کہانی یہ بتاتی ہے کہ اگر خواتین کو مہارت، اعتماد اور موقع ملے تو وہ روایتی حدوں کو توڑ کر خود روزگار پیدا کر سکتی ہیں اور دوسری لڑکیوں کے لیے راستہ کھول سکتی ہیں۔

اختر مینگل کی 'سیاسی ناراضگی' اور استعفے کا اصل سچ سامنے آ گیا، وزارتِ اعلیٰ کا خواب، غیر قانونی مائنز کی منسوخی اور 'آپریشن ہیروف' کی ناکامی کی سنسنی خیز اندرونی کہانی! بلوچستان کی سیاست کے گرداب میں بی این پی کے سربراہ سردار اختر مینگل کی مبینہ ناراضگی، اسلام آباد میں احتجاج اور اسمبلی سے استعفے کے ڈرامے کے پیچھے چھپی وہ اندرونی کہانی سامنے آ گئی ہے جس نے قوم پرست سیاست کے غبارے سے ہوا نکال دی ہے۔ انتہائی باثوق سیاسی اور سیکیورٹی ذرائع سے ملنے والے انکشافات کے مطابق، اختر مینگل کی یہ نام نہاد ناراضگی 'بلوچ حقوق' کے لیے نہیں بلکہ ذاتی مفادات، وزارتِ اعلیٰ کی کرسی چھیننے اور اربوں روپے کے غیر قانونی ٹھیکے منسوخ ہونے کا نتیجہ ہے۔ ذرائع بتاتے ہیں کہ اس پورے قضیے کا آغاز سابق وزیراعظم عمران خان کے خلاف تحریکِ عدم اعتماد کے دوران ہوا تھا۔ اس وقت اختر مینگل کی بی این پی کے 4 ووٹ انتہائی فیصلہ کن تھے اور پی ڈی ایم (PDM) کو ان کی سخت ضرورت تھی۔ اندرونی کہانی یہ ہے کہ اختر مینگل کو آصف علی زرداری اور شہباز شریف سے امید تھی کہ عمران خان کے جاتے ہی آئندہ سیٹ اپ میں انہیں وزیراعلیٰ بلوچستان بنا دیا جائے گا۔ یہی وجہ تھی کہ انہوں نے عدم اعتماد کی تحریک میں بڑھ چڑھ کر حصہ لیا اور اپنی اس ذاتی ڈیل کو 'بلوچستان کی بہتری' کا نام دے کر عوام کو گمراہ کیا۔ تاہم، بعد میں جب ان کی یہ توقعات پوری نہ ہوئیں اور کرسی کسی اور کو مل گئی، تو وہ آصف زرداری اور شہباز شریف سے شدید ناراض ہو کر الگ تھلگ ہو گئے۔ سردار اختر مینگل کی فرسٹریشن میں اس وقت اضافہ ہوا جب بلوچستان کی موجودہ صوبائی حکومت نے صوبے بھر میں کرپشن مافیا کے خلاف گھیرا تنگ کرتے ہوئے غیر قانونی مائنز کی لیز اور سرکاری زمینوں کے ٹھیکوں کی ہائی پاور جانچ پڑتال شروع کی۔ ذرائع کا دعویٰ ہے کہ اس تحقیقات کے دوران یہ چونکا دینے والا انکشاف ہوا کہ سردار اختر مینگل اور ان کے قریبی عزیز و اقارب کے ناموں پر درجن سے زائد غیر قانونی مائننگ لائسنس موجود تھے، جن کے ذریعے وہ سالوں سے بلوچستان کے وسائل لوٹ کر اربوں روپے بنا رہے تھے۔ موجودہ حکومت نے بغیر کسی دباؤ کے یہ تمام غیر قانونی ٹھیکے اور لیزز منسوخ کر دیں، جس نے اختر مینگل کی معاشی سلطنت کو ہلا کر رکھ دیا۔ اس پر مستزاد یہ کہ جب اختر مینگل بیرونِ ملک (دبئی) فرار ہونا چاہتے تھے، تو قانون نافذ کرنے والے اداروں نے انہیں ایئرپورٹ پر روک دیا، جسے انہوں نے اپنی سرداری انا کی توہین جانا۔ ذرائع کا دعویٰ ہے کہ اختر مینگل اور ان کے ہم نوا حلقوں کو یہ توقعات تھیں کہ اگر بی ایل اے اپنے ہیروف دو آپریشن میں کامیاب ہو جاتی ہے، تو موجودہ صوبائی حکومت کی رٹ پر سنگین سوالیہ نشان لگ جائے گا، جس کا فائدہ اٹھا کر قوم پرست اپوزیشن جماعتیں صوبے میں بلیک میلنگ اور اقتدار کے حصول کی سیاست چمکا سکیں گی۔ لیکن سیکیورٹی فورسز نے اپنی جانوں کا نذرانہ دے کر بی ایل اے کے دہشت گردوں کو چن چن کر مار بھگایا، اور یوں اختر مینگل کے ہاتھ سے حکومت گرانے کا یہ آخری سنہری موقع بھی جاتا رہا۔ سیاسی مبصرین اور باثوق ذرائع کا کہنا ہے کہ سردار اختر مینگل اس وقت شدید 'فرسٹریشن پلس ڈپریشن' کا شکار ہیں، کیونکہ ان کا سیاسی قد کاٹھ اور معاشی فنڈنگ دونوں ختم ہو چکے ہیں، اس لیے اب ان کے کسی بھی بیان یا استعفے کو عوام اور ریاست سنجیدگی سے نہیں لے رہی۔ ذرائع نے طنزیہ طور پر دعویٰ کیا ہے کہ اگر آج رات ہی اختر مینگل کو دوبارہ بلوچستان کی وزارتِ اعلیٰ کی کرسی پیش کر دی جائے، تو وہ کل صبح خود پریس کانفرنس کر کے اپنی ہی زبان سے عوام کو بتائیں گے کہ بلوچستان میں اب کوئی مسئلہ نہیں اور یہاں "دودھ اور شہد کی نہریں" بہہ رہی ہیں۔

بلوچستان کی سیاسی فضا میں اس وقت ایک زبردست بھونچال آ گیا ہے جب حق دو تحریک کے قائد مولانا ہدایت الرحمن نے ایک بیباک انکشاف کرتے ہوئے صوبے کے روایتی قوم پرستوں کے بیانیے کو جڑ سے اکھاڑ پھینکا ہے۔ نوابوں اور سرداروں کی فرعونیت پر مسلسل وار کرنے کے بعد، اب مولانا نے بلوچستان کی قوم پرست سیاست کے سب سے بڑے سیاسی کارڈ پر ایسا حملہ کیا ہے جس نے قوم پرست حلقوں کی نیندیں اڑا دی ہیں اور وہ عوامی سطح پر شدید دفاعی پوزیشن میں آ گئے ہیں۔ ذرائع کے مطابق، مولانا ہدایت الرحمن کا ایک تازہ ترین بیان بلوچستان بھر میں جنگل کی آگ کی طرح پھیل رہا ہے جس میں انہوں نے پنجاب کے عوام کے حوالے سے انتہائی مثبت اور سچ پر مبنی حقائق کا اعتراف کیا ہے۔ مولانا نے کھلے عام اعلان کیا ہے کہ: "پنجاب کے لوگ ہمارے ساتھ دل کھول کر تعاون کر رہے ہیں۔ انہی کے مالی تعاون کی بدولت اس وقت میں بلوچستان کے 1,300 یتیم اور بے سہارا بچوں کی مکمل کفالت کر رہا ہوں، جبکہ 1,000 سے زائد بچوں کے تمام تعلیمی اخراجات اٹھائے جا رہے ہیں۔ میں اس عظیم ہمدردی اور مدد پر پنجاب کے تمام اہل خیر کا تہہِ دل سے شکریہ ادا کرتا ہوں۔" قوم پرستوں کے چہرے بے نقاب، عوام میں مولانا کے چرچے سیاسی مبصرین کے مطابق، مولانا کے اس کھرے اور سچے اعتراف نے بلوچستان کے ان قوم پرست حلقوں کے لیے ایک بہت بڑا سوالیہ نشان کھڑا کر دیا ہے جو ہمیشہ اپنے سیاسی مقاصد اور دکان چمکانے کے لیے پنجاب کے خلاف نفرت انگیز مہم چلاتے نظر آتے تھے۔ عام عوام میں مولانا ہدایت الرحمن کے اس بیان کی غیر معمولی پذیرائی کی جا رہی ہے اور لوگ کہہ رہے ہیں کہ مولانا نے وہ سچ بول دیا ہے جسے بولنے کی ہمت آج تک کسی روایتی سیاستدان میں نہیں تھی۔ اس سنسنی خیز انکشاف کے بعد اب بلوچستان کی غیور عوام اپنے ہی نوابوں، سرداروں اور نام نہاد قوم پرست لیڈروں کا گریبان پکڑ کر سوال کر رہی ہے کہ: "جب پنجاب کے اہل خیر ہمارے ہزاروں بچوں کا مستقبل سنوار رہے ہیں، تو تمہاری دہائیوں پرانی نفرت انگیز قوم پرست سیاست سے ہمیں پسماندگی اور لاشوں کے علاوہ کیا ملا؟" عوامی حلقوں کا کہنا ہے کہ جو سردار خود اربوں پتی ہیں، انہوں نے کبھی کسی غریب بلوچ بچے کی کفالت نہیں کی، جبکہ دوسری طرف سے آنے والی مدد نے یہاں کے مظلوموں کو آسرا دیا۔ مولانا کے اس انقلابی اور حقیقت پسندانہ بیانیے نے بلوچستان کی سیاست کا رخ یکسر تبدیل کر دیا ہے، جس کے بعد قوم پرستوں کا پسماندگی اور نفرت پر مبنی چورن اب مزید بکتا ہوا دکھائی نہیں دے رہا۔

پاکستان اور ایران کے درمیان پھیلی 909 کلومیٹر طویل سرحد پر اچانک لگائی جانے والی عارضی انتظامی بندش کے پیچھے چھپی اندرونی کہانی سامنے آ گئی ہے، جس نے کچھ حلقوں میں کھچاؤ پیدا کر دیا ہے۔ انتہائی معتبر انٹیلیجنس اور سیکیورٹی ذرائع سے ملنے والی اطلاعات کے مطابق، یہ عارضی بندش کسی عام سفارتی وجہ سے نہیں بلکہ سرحد پار سے آنے والے موت کے اس سامان کو روکنے کے لیے کی گئی ہے جس نے حالیہ دنوں میں بلوچستان کو خون آلود کیا۔ ذرائع نے انکشاف کیا ہے کہ بلوچستان میں ہونے والی حالیہ ہولناک دہشت گردی کی کارروائیوں کی جب جیو فینسنگ اور فارنزک تحقیقات کی گئیں، تو یہ ہلا دینے والی حقیقت سامنے آئی کہ ان حملوں میں 1,500 سے 2,000 کلوگرام (2 ٹن) تک کا انتہائی تباہ کن دھماکا خیز مواد استعمال کیا گیا تھا۔ حساس اداروں کی تحقیقات میں یہ سنسنی خیز انکشاف ہوا کہ کالعدم تنظیم بی ایل اے نے یہ ہزاروں کلو گرام بارود کسی خفیہ راستے سے نہیں، بلکہ پاک-ایران سرحد پر قانونی طور پر چلنے والی مال بردار تجارتی گاڑیوں اور ٹرکوں کے ذریعے ہی پاکستان منتقل کیا تھا۔ اندرونی کہانی کے مطابق، دہشت گردوں کے سہولت کاروں نے تجارتی سامان اور پیاز، ٹماٹر یا ایل پی جی (LPG) لے جانے والے بڑے ٹرکوں کے خفیہ خانوں میں یہ مہلک بارود چھپا کر کسٹمز اور سیکیورٹی حکام کی آنکھوں میں دھول جھونکی۔ یہ معلومات سامنے آتے ہی اعلیٰ سطح پر ہنگامی فیصلہ کیا گیا کہ جب تک سرحد پر مال بردار گاڑیوں کی 100 فیصد فول پروف اسکیننگ، سامان کی جدید ترین آلات سے جانچ پڑتال اور سخت ترین سیکیورٹی ایس او پیز (SOPs) کا نفاذ عمل میں نہیں لایا جاتا، تب تک سرحد پر تجارتی سرگرمیاں معطل رہیں گی۔ سیکیورٹی ذرائع کا کہنا ہے کہ اس عارضی انتظامی بندش کا واحد مقصد نئے اور انتہائی سخت اسکریننگ قوانین کا نفاذ ہے تاکہ تجارتی گاڑیوں کے روپ میں آنے والے 'موت کے سوداگروں' کا راستہ ہمیشہ کے لیے بند کیا جا سکے۔ حکام نے واضح کیا ہے کہ سرحد پر اسکینرز کی تعداد بڑھائی جا رہی ہے اور اب ہر مال بردار گاڑی کو سخت ترین تلاشی کے عمل سے گزرنا ہوگا، جس کے بعد بی ایل اے اور اس کے بیرونی آقاؤں کا یہ سب سے بڑا لاجسٹک نیٹ ورک ہمیشہ کے لیے تباہ ہو جائے گا۔