I strongly denounce the mockery of Josh Aquino, a person with disability, in a recent podcast episode. I urge the National Council on Disability Affairs to coordinate with the appropriate government agencies to probe this incident, determine whether any provisions of the Magna Carta for Persons with Disability (RA 7277, as amended by RA 9442) were violated, and pursue appropriate action to hold to account parties responsible for the incident. Hindi natin dapat palagpasin ang anumang uri ng pangungutya, pang-aapi, at pang-aabuso sa ating mga kababayan, may kapansanan man o wala. Karapatan ng lahat na mabuhay nang may dignidad at malaya sa diskriminasyon.

Sa ating mga line worker, aprubado na po ng Senado ang mga panukalang magbibigay sa inyo ng proteksiyon at pagkilala! Regular man o contractual, sakop kayo, at dagdag ito sa inyong SSS. Kapag walang insurance, ang employer ninyo ang mananagot. Tuwing may sakuna, kayo ang unang sumasabak kaya panahon nang suklian ang inyong sakripisyo.

Sa tulong ng Bagong Balikbayang Manggagawa Act, hindi magsisimula sa wala ang mga bayaning OFW sa pag-uwi nila ng Pilipinas. Kapag tuluyang naisabatas, kikilalanin na ang kanilang mga karanasang nakuha sa abroad, sa tulong ng TESDA at CHED. Magkakaroon din ng daan para sa civil service eligibility at puwedeng magturo sa mga pampublikong paaralan o unibersidad.

Aprubado na ng Senado ang social media ban para sa mga batang wala pang 18 taong gulang! Sa mga nakalipas na buwan, nasaksihan ng buong bansa ang sunod-sunod na karahasan sa ating mga paaralan at isa sa mga tinitingnang dahilan ay ang exposure nila sa mapanganib at masamang online content. Sa ilalim ng SMART KIDS Act, mas mababantayan at mapoprotektahan natin ang mga kabataang Pilipino.

2027 BUDGET NG DPWH, MAY RED FLAGS Sinuri natin ang 11,395 na proyekto ng DPWH para sa 2027 na nagkakahalaga ng P455.17 bilyon. Mahigit 62% o 7,107 sa mga ito ang may red flag. Matapos ang lahat ng pinagdaanan ng bansa dahil sa flood-control controversy, hindi natin hahayaang maipasa ang budget nang walang masusing pagsusuri.

Hindi katanggap-tanggap na nakalulusot sa AMLC ang malalaking transaksyon nang walang masusing pagsusuri. Sa 2027, kailangang higpitan ng ahensya ang pagbabantay at ayusin ang sistema upang matugunan ang matagal nang problemang ito.

Sa dami ng kasong kailangang dinggin, mas mahalaga ngayon na tiyaking sapat ang 2027 budget ng Sandiganbayan para mapabilis ang paglilitis at mapanagot ang mga sangkot sa korapsyon.

Bawat panalo natin sa edukasyon ay bunga ng malasakit ng ating mga kasamahan. Salamat, Cong. Roman Romulo, at sa mga bumubuo ng EDCOM 2. Marami pa tayong makakamit para sa ating mga mag-aaral at guro.

Dalawang panalo para sa kaligtasan ng ating kabataan! ✅ Pasado na sa 2nd reading ang Child Online Safety and Protection Act — ang magbabawal sa mga batang 16 pababa na gumamit ng social media. ✅ Pirma na lang ng Pangulo ang kulang para maging batas ang Batang Ligtas Act! Pinarangalan din natin ang JICA bilang pasasalamat sa malaking tulong nila sa pag-unlad ng Pilipinas. Tuloy-tuloy ang pagtalakay sa reporma ng party-list system pati na ang mga panukalang tutulong sa pambayad ng upa at sa abot-kayang pabahay.

Lunes: sesyon at impeachment trial ✅ Maraming panukala ang pasado na sa huling pagbasa, gaya ng Revised Cooperative Code at ang mga magtatatag o magpapaayos ng mga ospital sa iba’t ibang lalawigan. Tinalakay din ang kasunduan ng Pilipinas sa France, suporta sa bamboo industry, at mga hakbang na aalalay sa ating mga OFW. Sa impeachment trial, humarap ang mga opisyal mula sa PhilGEPS at PNP-FEO upang maglahad ng mga impormasyon kaugnay ng Article II.

Para sa bawat magsasaka, mangingisda, tsuper, at manggagawang kasapi ng kooperatiba, pasado na sa Senado ang Senate Bill No. 1431 o ang Revised Cooperative Code of the Philippines! Ito ang unang malawakang pagbabago sa batas ng kooperatiba mula noong 2009, tungo sa mas maigting na proteksiyon at suporta sa bawat miyembro.

Over 80 years strong! ‘Yan ang Manila Overseas Press Club (MOPC)! Sa dami ng nangyayari sa ating bansa, mahalagang maihatid sa ating mga kababayan ang balitang tunay na makabuluhan at napapanahon. Maraming salamat sa pagkakataong pag-usapan ang mga hamon na kinakaharap natin at ang mga solusyong isinusulong sa Senado.

’Pag nangarap, nagkakatotoo! Wish granted sa ating Winners. 👍🏼 Nakakatuwang basahin ang comments n’yo, halos 100K views na! 😂

Mahigpit nating tinututukan ang 2027 budget ng bawat ahensya. Sa DPWH, libo-libong proyekto ang kailangang suriin at itama bago tuluyang aprubahan ang pondo. Tinalakay din ang panukalang pondo ng CHED. Hindi natin puwedeng pabayaan ang tulong para sa ating mga mag-aaral at mahahalagang programa sa kolehiyo. Sa Commission on Appointments, kinumpirma natin ang bagong Ambassador ng Pilipinas sa Brunei, kasama ang 35 senior officers ng Armed Forces of the Philippines.