Ahmed Almobark

بلاقي "بعض" الشباب في التعليقات بتقولي: احنا في ٢٠٢٦ وانتوا بتعملوا تطبيقات لغض البصر والسمع والناس بتستخدم الذكاء الاصطناعي في بناء المستقبل والحياة على كوكب المريخ في الحقيقة انا بشفق على الناس ديه جدا لعدة اسباب: أولهم ان الحمد لله احنا تميزنا جدا (بفضل الله وحده) في بناء ما اسموه "بناء المستقبل" واشتغلنا في شركات بتعمل حلول استثنائية سواء في الدواء او الخدمات العامة او في الطاقة او المواصلات او او او وكنا بفضل الله متفوقين فيها كلها ولعل ما يقرب من ١٠٠ توصية من حول العالم تشهد بده ومش بس كده بل عملنا ابحاث علمية واشتغلنا في جامعات في تطبيق براءات اختراع ولله الحمد وما تفوق المسلمين في عصرهم الذهبي الا لتمسكهم بالدين مش بالدنيا. ثانيهم، هو سؤال ديما شاغل بالي وهو: احنا بنعمل اللي بنعمله ليه؟ سواء الأمور الدنيوية او الدينية او كل خطوة بناخدها في حياتنا؟ في الحقيقة الحاجة ديه ايان كانت لو مش وراها نية فملهاش لازمة وثمرة ضائعة وكثرة وقوف وسؤال يوم القيامة لان هو ايه غرضنا من الحياة ديه اصلا؟ في اعتقادي هو البحث عن سعادة القلب بعبادة الله في كل حاجة بنعملها والسعادة ديه هي الحاجة الوحيدة اللي لا تأتي الا بالإنشغال بمرضاة الله عز وجل. اخيرا، انا بيصعب عليا الناس اللي فاكرة ان الخير في الغرب (وخلاص) من غير ما تعرف ان مفيش مجتمع من غير قناعات وان مفيش حاجة من غير تنازلات وانك لو مقبلتش بدينك هتقبل يا بالحاد يا بمركسية يا علمانية يا شيوعية ولكن لازم هيكون ليك حاجة في حياتك بيقوم عليها كل حاجة تانية انت بتعملها سواء انت اخترت ان ده يكون دين الأسلام او ربنا عز وجل استبدلك وشوفت الخير في غيره واللي لا يعني انك لن تنال نصيبك من الدنيا لان الله عز وجل عدل. لو كل همك في حياتك العملية انك تثبت لنفسك وغيرك انك جامد فده هم لا يستحق السعي لان نهايته مش هتخليك سعيد واعرف ان كل الناس لازم تقدم تنازلات فأشرف ليك انك لما تقدم تنازل من شهوة عاجلة او متعة زائدة انك تقدمها لدينك. اللهم استعملنا ولا تستبدلنا واغننا برضاك ❤️