نتعلم .. نعمل .. نُعلم .. نصبر نشيد جديد من مجتهد واميرة عشان يعلم اولادنا عن ٤ امور ينجوهم في الدنيا والاخرة ❤️ شاركوها مع غيرهم واولادهم ومتنسوش ان الحمد لله تطبيق ال iOS بفضل الله عز وجل نزل والاشتراك فيه بيفتح الاشتراك في كل التطبيقات سواء ال iOS او ال Android او ال Web ربنا ينفع بنا وبكم ❤️

سورة العصر، السورة التي قال فيها الأمام الشافعي رحمه الله: لو ما أنزل الله حجة على خلقه إلا هذه السورة لكفتهم سورة لازم ابنك وبنتك يتعلموها ويحفظوها ويعملوا بما فيها لانها ضمت كل ما يحتاجه المرء للنجاة وعشان كده هي موضوع الحلقة التانية من سلسلة شرح الأصول الثلاثة للأطفال. علم ولادك العقيدة وخاصة في زمن الفتن وشاركها مع غيرك فتؤجر بنفسك وبهم ❤

الحمد لله الذي بنعمته الصالحات دورة ال Algorithms and Problem Solving نزلت وبفضل الله من أقوى الدورات اللي ممكن تشوفها بتتكلم في الموضوع وتقريبا مغطية كل حاجة حد محتاجها في الموضوع ده والجميل كمان ان عندك: - في نفس الدرس القدرة على التطبيق بدون ما تطلع من الدرس عشان عندك built-in editor - وكمان عندك AI Assistant لو اي حاجة وقفت معاك تسأله - وكمان عندك مختصر كتابي تقدر تراجع عليه بسرعة لو حاجة فاتتك او بتحب القراءة وفيها infographics - وكمان في اختبار تفاعلي ولله الحمد يمكن مفيش مثيل ليه في المنصات التعليمية اللهم لك الحمد انفقنا جهد كبير جدا عشان نطلعه بالشكل ده واللي بالكامل معتمد على ال visualization عشان تقدر تتعلم بسهولة وبكفاءة بفضل الله ومش بس كده الكورس كمان عملناه رخيص جدا بفضل الله وهسيبلك الرابط بتاعه في التعليقات.

رابط الكورس 👇 almdrasa.com/products/course… طريقة الاشتراك: 1- افتح الرابط واضغط «اشترك الآن» 2- كود الخصم ALGO30 هيتطبق لوحده، والسعر يبقى 209 جنيه بدل 299 (ومن برة مصر حوالي 20 دولار بدل 29) 3- اكتب إيميلك واختار طريقة الدفع: كارت بنكي (فيزا / ماستركارد / ميزة)، أو محفظة إلكترونية زي فودافون كاش، أو تحويل يدوي بإنستا باي أو فودافون كاش وتبعتلنا صورة التحويل 4- الوصول للكورس هيوصلك على إيميلك على طول، ومش محتاج تعمل حساب قبلها الكود شغال لحد 17 نوفمبر ولو عندك أي سؤال كلمنا واتساب: 01000240033

اللهم لك الحمد انتهينا من تصوير ومونتاج واحدة من اكبر الدورات في @Almdrasaltd، دورة Algorithms and Problem solving وبفضل الله اظنها واحدة من افضل الدورات في مادتها سواء في المحتوى العربي او الاجنبي بفضل الله. الدورة مغطية تقريبا كل حاجة في الخورزميات وحل المشكلات بطريقة مُبسطة وتصويرية جميلة بفضل الله عز وجل وان شاء الله تنزل خلال ايام وبكده يكون عندنا منهج كامل لأساسيات الحاسوب. ربنا ينفع بنا وبكم وانتظرونا لاننا بقدر الله قريبا هنبدأ في دورات ال Backend وهنغطي اشهر دورات الناس كانت طلباها مننا: - Database Engineering - Fundamentals of Backend Engineering الشباب كانت بتقولنا نعمل نفس دورات حسين ناصر ولك بالعربي وبقدر الله ربنا يوفقنا ونطلع حاجة فيها من الأحسان اللي متحتجش معاها اي حاجة عشان تفهم اي حاجة ليها علاقة بال Backend.

الله عز وجل هيسألك عن عقيدة اولادك واللي بذلته عشان تُسقيهم العقيدة الصحيحة خاصة في زمن الفتن اللي احنا فيه دلوقتي واللي كثرت فيه الشُبهات واللي بيتعرض ليها الطفل في كل مكان وبكل طريقه وعشان كده قررنا بتوفيق من الله عز وجل تقديم سلسلة جديدة. شرح الأصول الثلاثة للأطفال، سلسلة جديدة عشان نعلم اولادنا العقيدة بأسلوب بسيط وسهل ويحببهم في اكبر حاجة هتنفعهم في حياتهم خاصة في الزمن اللي احنا عايشين فيه. السلسلة بقدر الله هتكون ٢٥ درس تبسيط لسلسلة شرح الأصول الثلاثة للشيخ عبد الرزاق البدر حفظه الله وباذن الله كل حلقة هينزل معاها نشيد للأطفال عشان نسهل عليهم الفهم والحفظ. ربنا ينفع بنا وبكم وانشروا ليعم النفع لأطفال المسلمين وبقدر الله الحلقة هتنضاف لليوتيوب غدا وللتطبيق بالألعاب بتاعتها ♥️ ملحوظة: الأخوة ربنا يبارك فيهم وزادهم حرصًا اللي بيتكلموا في رسم ذوات الأرواح والطمس وغيره فربنا يبارك فيهم المادة للأطفال وهي من باب صنع الألعاب ليهم كما كان للسيدة عائشة رضي الله عنها بنات وحصان واللهم لك الحمد استفتينا أهل العلم في المسألة وقالوا بالجواز على ما هي عليه للأطفال بل جزاهم الله خيرا يُشاركوا الحلقات بأنفسهم ❤

اللهم لك الحمد معداش ٢٤ ساعة الا وفضل الله عز وجل على مشروعنا الجديد مجتهد وأميرة - Mujtahid & Amira لا يسعنا شكره من اللي شايفينه 👁️ أكثر من 124,000 مشاهدة لخبر الإطلاق على فيسبوك ولينكدإن وإكس 👍 720 متابع على صفحة فيسبوك ▶️ 1,015 مشترك في قناة يوتيوب 🏠 116 عائلة سجّلت في الموقع 🎬 وأكثر من 3,000 مشاهدة لحلقاتنا على يوتيوب كل رقم من دول وراه أب أو أم بيدوّروا لأطفالهم على حاجة آمنة على الشاشة، بالعربي، بتعليمات اسلامنا، ومن غير إعلانات ولا موسيقى. وده بالظبط الحلم اللي الواحد صبر عشانه ده كله. انا نفسي ال ١٢٤ الف دول كانوا يبقوا مشتركين في القناة والموقع عشان بقدر الله عز وجل نقدر نكمل بالله ثم بيكم لاننا بقدر الله ناويين نعمل سلاسل مفيش ليها مثيل في المحتوى العربي وبنفس الاحترافية والكفاءة اللي شوفتوها في القناة والموقع وان شاء الله قريبا جدا اولى حلقات واناشيد: الشرح المبسط للأصول الثلاثة للأطفال ادعمونا وشاركوا البوست وخلوا كل حد تعرفوه يشترك في القناة عشان نقفل فيها الاعلانات وكمان يشترك في الموقع عشان نقدر نكمل نفع الله بنا وبكم. قناة اليوتيوب youtube.com/@MujtahidAndAmir… الموقع mujtahidamira.com/

انا من اكبر مُحبي ال DSA لاني كنت بشرحها بلغة ال C في الجامعة سواء في سكاشن او محاضرات بل كان دكتور "محمد ابوالهدى" ربنا يبارك فيه ساعات يطلعني اشرح للدفعة كلها وهو موجود وعشان كده قررت بقدر الله اعمل كورس ال Algorithms بنفسي بعد انا Mohammed Hussein و Ahmed Ali عملوا عظمة في شرح ال Data structures في المدرسة - Almdrasa بفضل الله عز وجل وحابب اوريكم واحدة من فيديوهات الشرح واللي بانتهاء الكورس ده بقدر الله هيكون عندنا واحدة من افضل مكتبات شرح اساسيات البرمجة من خلال ما يقرب من ١٤ دورة بفضل الله عز وجل. هتقولي يا هندسة ايش ياخد الريح من البلاط؟ هنعمل بيها ايه في عصر ال AI؟ هقولك انا بدرس الحاجات ديه دلوقتي مش عشان هتستخدمها بنفسك في الشغل (خالص) وانما تعلم الحاجات ديه بيوسع مدارك جدا جدا وبيعلمك طريقة تفكير في حياتك بشكل عام فانت دلوقتي بتتعلم مش عشان "هتنفعك في شغلك" يعني هتطبقها بأيدك في شغلك ولكنها مُفيدة ليك كمبرمج حابب يفهم التفاصيل ويتعلم عنها وتكون سبب في تحسين اداءه وفهمه للأشياء فيكون اكثر احترافية في تسير "المراكب السايرة". أرجو المشاركة ليعم النفع والفائدة نفع الله بنا وبكم 🌷

من الناس اللي ديما بتأكد يكونوا جنبي في اي شركة بروحها هي الناس اللي بتتميز ب "Growth Mentality" بغض النظر عن شطارتهم لان في ناس بتبقى متفوقة جدا في حاجة ولما يعفو عليها الزمن تلاقيه متمسك بيها جدا وبيدافع عنها لحد اما يموت معاها ومن الناس اللي ربنا رزقها بالمميزات ديه @mohamed_abusrea واللي اللهم بارك بيجمع بين التفوق في مجاله وكمان ال Growth Mentality واللي خلته: - متمسكش بكونه Staff frontend engineer ويندثر مع المجال ويبدأ يدور السوق رايح فين ويروح معاه ويتحرك ناحية ال Design Engineering - دائما على اطلاع بالجديد فعارف كل التولز اللي بتنزل وبيمسك منها حاجات ويتفوق فيها جدا فاللي بياخد من غيره اسبوع بياخد منه هو اقل من يوم - دائم التجربة فمش بس بيمشي عنيه على اكس والسوشال ميديا ويقعد يقرأ اللي الناس بتكتبه او تجاربهم وانما بيجرب بأيده والتجربة ليست كالمشاهدة فبيقدر يستخدم الادوات الصح في المكان الصح - مبيخافش يجرب حاجة كانت قبل كده مصدر قلق او توتر ليه زي ال Backend او ال Devops وخاصة في الوقت اللي احنا عايشين فيه اللهم لك الحمد @peaktify هي تالت شركة اشتغل فيها واتأكد ان Mohamed Abusrea يكون جزء منها عشان بخبرته بقدر الله وعقلية النمو بتاعته يقدر يكبرها ويكون جزء من اللي يحط شركة زي Peaktify بقدر الله في المكان اللي تستحقه، المكان اللي انا و Maged Alsabri متأملينه من الله عز وجل انها تكون من اكبر شركات ال AI المتخصصة في ال Agentic Business Solution Implementation. نسأل الله عز وجل التوفيق والسداد

الحمد لله الذي بنعمته تتم الصالحات، اكبر تاني Bounty ليا في حياتي والمرة ديه من Intel. من الحاجات اللي ديما بقول للناس عليها انك مفروض تكون مبرمج موسوعي يعني ليك في ال DevOps، ليك في ال Cloud، ليك في ال System design، ليك في ال Cybersecurity، ليك في ال AI and Data science حتى لو المعرفة ديه مش متخصصة وخاصة في الوقت اللي احنا فيه ده. لو متعرفش اي حاجة عن ال CyberSecurity فاللهم لك الحمد احنا عملنا اعادة بناء لمنصة @Almdrasaltd بالكامل وديه حاجة بقدر الله هتكلم فيها في بوست مُختلف والمهندس Taher Mohammad ليه هناك واحدة من افضل الدورات اللي تدخلك في عالم ال Cybersecurity عالم مليء بتشغيل الدماغ وخاصة في عصر ال agents وال uncensored models 😈 فلو هنصحك ببداية فانصحك بدورة المهندس طاهر ربنا ينفع بنا وبكم ❤️

لو قدامك Model مكتوب عليه 8B وواحد 70B، هل التاني أذكى؟ وهل السبعين مليار دول معلومات محفوظة جواه؟ الإجابة على الاتنين: لأ. في الفيديو ده بنبدأ بـ Model فيه 3 Parameters بس، ونوصل منه لمعنى الرقم الكبير. أرجو المشاركة ليعم النفع والفائدة نفع الله بنا وبكم 🌷

لو بعت نفس الرسالة للـ AI مرة بالعربي ومرة بالإنجليزي، عدد الـ Tokens هيطلع مختلف. ليه؟ في الحلقة دي هتفهم الـ Tokenizer بيقسم النص إزاي، وليه عدد الكلمات لوحده مش بيقولك التكلفة ولا حدود الـ Context. أرجو المشاركة ليعم النفع والفائدة نفع الله بنا وبكم 🌷

اللهم انصر عبادك الموحدين وأذلَّ الشرك والمشركين، ودمر أعداءك أعداء الدين، واجعل بلادنا آمنةً مطمئنة وسائر بلاد المسلمين والحمد لله على نصرك المُبين

يعني إيه Inference وTokens وContext؟ وإيه اللي بيحصل لما تبعت رسالة للـ AI؟ شباب كتير طلبوا مني أشرح المصطلحات اللي بستخدمها وأنا بتكلم عن الـ AI، فقررت أعمل سلسلة فيديوهات نشرح فيها المفاهيم دي واحدة واحدة، بأمثلة واضحة وعملية. الهدف إننا نفهم الأدوات اللي بقينا بنستخدمها كل يوم: بتشتغل إزاي، نقدر نتوقع منها إيه، وإيه حدودها. وده أول فيديو في السلسلة، بنتكلم فيه عن الـ Inference Pipeline: من أول ما تضغط Send، لحد ما الرد يظهر قدامك. أتمنى تستفيدوا منه، وتشاركوه مع أي حد مهتم يفهم الـ AI بشكل أعمق. نفع الله بنا وبكم ❤️

من الحاجات اللي كان نفسي اعملها في @Almdrasaltd ان ربنا يكرمنا ونقدر نعمل ترجمة نصية مُصاحبة أو transcript لكل الدورات بطريقة احترافية عشان اخواتنا من الصم البُكم وضعاف السمع او اللي بيحبوا يذاكروا عن طريق القراءة يقدروا انهم يتعلموا من المحتوى بدون أي اشكال والنهاردة بفضل الله تم الانتهاء من اكتر من الفين فيديو في المدرسة عشان تكون المنصة مناسبة ليهم ربنا يبارك فيهم ويُعافي المسلمين من كل شر. حابب اشكر كل واحد من رعاة المدرسة اللي بعد ربنا عز وجل ديما سبب في اننا بنتحرك في المدرسة بخُطى ثابتة بفضل الله عز وجل وبنقدر نوفر المحتوى لكل شخص محتاجه سواء بجزء من مبلغ الدورات او بالتقسيط او حتى مجانا بجودة هي بفضل الله من افضل الموجود في المحتوى العربي والعالم العربي واللي بتخدم اكتر من ٧٠ الف مشترك ولله الفضل والمنة. اللهم لك الحمد قريبا كمان هنكمل مسار اساسيات علوم الحاسوب بأخر كورس فيه هو الخورزميات وحل المشكلات عشان يكون بفضل الله عندنا واحدة من اقوى مسارات الاساسيات في الوطن العربي 14 دورة واللي فيها: أساسيات البرمجة باستخدام البايثون (دورتين) أساسيات الذكاء الأصطناعي Git and Github دورة أساسيات لغة جافا ال Data Structures (٣ دورات) الخوارزميات وحل المشكلات OOP Design Patterns Database Fundamentals Linux Fundamentals CyberSecurity Fundamentals ربنا ينفع بنا وبكم ويوفقنا واياكم لكل خير ويتقبل منا صالح الأعمال ❤️

شباب كتير بتسأل ليه بنعمل finetuning عشان يكون عندكم الموديلات الخاصة بينا في Peaktify؟ وفي الحقيقة في الأساس هي للسبب اللي موجود في الصورة تحت ده وده نفس السبب اللي بيخليني اقول للشباب ديما خليك على اطلاع واستخدام للنماذج مفتوحة المصدر وديما تجرب حاجات غير ال frontier models لأنك ممكن تصحى في يوم تلاقيك مش قادر تدفع تمن الخدمة اللي خلوك مُدمن ليها دلوقتي. تيبو واللي هو مهندس في OpenAI بيقول ان اشتراك ال ٢٠٠ دولار اللي هو اعلى اشتراك استخدامه هيُساوي نص الاستخدام اللي كان بيحصل قبل كده وده لو انت مش عارف بسبب ما يُسمى ال subsidization يعني انت مشترك ب ٢٠٠ دولار ولكن الاستخدام الفعلي ليك ممكن يوصل ل ٧ الاف دولار فدلوقتي ومع كثرة الطلب هيبدأوا يعلوا السعر ولو انت مش واخد بالك ومش محدود بال frontier models فساعتها ممكن متقدرش تتحمل تكلفة الاستخدام عشان كده لازم ديما تجرب وعشان كده احنا بنعمل الموديلات بتاعتنا عشان محدش يقدر يلوي دراعنا او يخلينا نغلي الخدمة بتاعتنا على العملاء بتوعنا لان الموديلات بتاعتنا مبنية على موديلات مفتوحة المصدر والتكلفة بتاعتها قليلة جدا مقارنة بالمعامل الكبيرة. فنصيحتي ليك ايها المُبرمج الجميل انك تبدأ تجرب حاجات زي: GLM DeepSeek Qwen جربها واتعلم ازاي توفر في التوكينز وازاي تخلي العقل المُدبر ممكن يكون واحد من المعامل الكبيرة ديه واللي بينفذ هو واحد من الرُخاص دول لاننا في زمن المهارات فيه اختلفت عن زمان فلو انت مش بتطور من نفسك فهتلاقي نفسك اتداس عليك ومحدش خد باله. والله الموفق والمُستعان