#TajiriLaKihaya Juzi nilimuona Baba Levo akimuomba msaada Waziri wa Kenya, Ali Hassan Joho. Kwa muda mrefu pia tumekuwa tukijadili namna Rais William Ruto alivyo msikivu, mpaka kufikia hatua ya kuandaa majadiliano ya wazi na vijana kupitia X. Ukiangalia kwa ujumla, kuna kitu Watanzania wengi tunatamani kujifunza kutoka Kenya: uhuru mpana wa wananchi, utawala wa sheria, kuheshimu Katiba, taasisi kuwa na nguvu, na viongozi kuwa tayari kusikiliza hata sauti zinazowakosoa. Na tunapozungumzia historia ya mageuzi ya kisiasa Kenya, hatuwezi kupuuza mchango wa Hayati Raila Odinga na wengine waliopigania mabadiliko hayo. Lakini kuna sehemu moja ya historia yao ambayo sisi Watanzania tunapaswa kuitazama kwa umakini sana. Kenya haikufika hapo kwa sababu Wakenya hawakuchukiana. Walifikia hapo kwa sababu, wakati fulani, viongozi wao walitambua kwamba chuki na kisasi haviwezi kujenga taifa. Baada ya uchaguzi wa 2007, Kenya ililipuka. Kulikuwa na ghasia kubwa, watu waliuawa, familia zikavunjika, wengine wakalazimika kuyakimbia makazi yao, na mgawanyiko wa kisiasa ukachukua sura ya kikabila. Na watu wengi waliokuwa pande tofauti za siasa walikuwa mahasimu wakubwa. Lakini mwisho wa siku walikaa mezani. Wakazungumza,Wakafanya compromises,Wakameza baadhi ya ego zao Na wakajaribu kuiokoa nchi kwanza. Mchakato huo ukasaidia kufungua ukurasa wa mageuzi makubwa yaliyofikia Katiba mpya ya Kenya ya 2010. Leo hii, ukiangalia siasa za Kenya, utaona watu waliokuwa mahasimu wakubwa miaka iliyopita wamewahi kukaa upande mmoja wa meza, kufanya kazi serikalini, bungeni au kushirikiana kwenye masuala ya kitaifa. Hii ndiyo point ambayo tunapaswa kuielewa Tanzania. Mpinzani wako wa leo si lazima awe adui yako wa milele. Siasa zinabadilika,Marafiki wanabadilika,Maadui wanabadilika. Lakini taifa linabaki. Ndiyo maana hata kwenye sheria, mahakama huangalia precedents,maamuzi ya nyuma ili kusaidia kuelewa na kuamua mambo yanayofanana. Kwa nini basi sisi tusifanye hivyo kwenye siasa? Kwa nini tusiiangalie Kenya kama case study? Si kwa sababu Kenya imekamilika. La hasha!Wao pia wana matatizo yao. Lakini wamepitia baadhi ya machungu tunayoyaona leo, na kuna mambo wamejifunza kwa gharama kubwa sana. Sisi hatupaswi kusubiri kulipa gharama ileile ili tujifunze. Na hapa ndipo ninapowaambia wanasiasa wetu wote: CCM, CHADEMA na vyama vingine. Serikali na upinzani. Viongozi na wanaharakati. Msiweke ego zenu juu ya mustakabali wa nchi. Msiweke chuki juu ya maridhiano. Na kwa CHADEMA hasa: Msikubali harakati ziwe mbadala wa siasa. Mwanaharakati anaweza kupaza sauti. Mwanasiasa anatakiwa pia kujua wakati wa kukaa mezani, kujadiliana na kutafuta suluhu. Kukaa mezani hakumaanishi umesaliti msimamo wako. Kufanya negotiation hakumaanishi umeshindwa. Compromise haimaanishi umeuza nchi. Wakati mwingine compromise ndiyo njia pekee ya kuokoa nchi. Na kwa Serikali: Kusikiliza upinzani si udhaifu. Kuruhusu ukosoaji si kushindwa. Kuheshimu Katiba si hisani. Kuheshimu haki za raia si zawadi kutoka serikalini,ni wajibu wa dola. MWACHIENI LISSU… Tunapaswa kujenga Tanzania ambayo hata mtu anayekupinga leo anaamini kwamba kesho, akibadilisha msimamo au akishinda uchaguzi, naye atalindwa na mfumo huohuo. Kwa sababu kama tunajenga mfumo wa kumlinda mshindi leo na kumuadhibu mshindwa, kesho mfumo huo unaweza kutugeukia sisi wenyewe. Tusijenge Tanzania ya kulipizana. Tujenge Tanzania ya taasisi. Tusisubiri mpaka taifa ligawanyike ndipo tuanze kutafuta maridhiano. Tusisubiri kizazi kijacho kiulize: “Mlikuwa mnaona haya yote yakija, kwa nini hamkukaa mezani mapema?” Tujifunze kutoka kwa majirani zetu. Kenya haikuwa perfect. Lakini walijifunza kutokana na makosa yao. Na Tanzania pia inaweza kujifunza bila kupitia maumivu yote waliyopitia wao. Mwisho wa siku, CCM inaweza kushinda uchaguzi. CHADEMA inaweza kushinda uchaguzi. Chama kingine kinaweza kushinda uchaguzi. Lakini hakuna chama kitakachoshinda kama Tanzania yenyewe itapoteza. 🇹🇿 TAIFA KWANZA✌️

#TajiriLaKihaya CHADEMA lazima tujifunze kutofautisha UANAHARAKATI na SIASA. Tukifika mahali tunawaacha wanaharakati watupangie chama chetu kifanye nini, nani awe kiongozi, chama kisimame wapi na kiamue mambo gani, tutakuwa tunakipeleka chama kwenye hatari ya kukiua kwa mikono yetu wenyewe. Mwanaharakati na mwanasiasa wanaweza kuwa na malengo yanayofanana, lakini majukumu yao si lazima yawe sawa. Mwanasiasa anawajibika kwa chama, wanachama, sera, wapiga kura na taasisi za chama. Anaingia kwenye uchaguzi, anatafuta ridhaa ya wananchi na anapaswa kufanya maamuzi yanayoweza kubeba chama kizima. Mwanaharakati, kwa upande mwingine, anaweza kuingia na kutoka kwenye ajenda mbalimbali bila kuwa na wajibu wa moja kwa moja kwa taasisi ya chama. Leo anaweza kuunga mkono CHADEMA kwa sababu anaona chama kinasimamia jambo analoamini; kesho anaweza kukosoa CHADEMA au kuunga mkono nguvu nyingine ikiwa anaona ajenda yake inahitaji kufanya hivyo. Na hilo si kosa. Huo ndiyo uanaharakati. Tatizo linaanza pale chama kinapoacha kujenga msimamo wake wa ndani na kuanza kuongozwa na presha kutoka nje. CHADEMA ni taasisi ya kisiasa. Ina wanachama, katiba, viongozi, vikao, sera na wajibu kwa mamilioni ya Watanzania. Hivyo, maamuzi yake makubwa lazima yatokane na wanachama na mifumo halali ya chama, si kelele za mitandaoni au presha ya watu ambao hawabebi mzigo wa taasisi hiyo. Na tuwe wa kweli,anayekukosoa si lazima awe adui yako, na anayekusifia si lazima awe rafiki yako. Wanaharakati wana nafasi muhimu sana katika demokrasia. Wanaweza kuibua matatizo, kuhoji mamlaka, kutetea haki na kusukuma mijadala ambayo wanasiasa wakati mwingine wanaogopa kuigusa. Chama makini kinapaswa kuwasikiliza. Lakini kuwasikiliza si sawa na kuongozwa nao. CHADEMA inapaswa kuwa na uwezo wa kuchukua hoja nzuri kutoka kwa wanaharakati, kuzipima kwa sera na misingi ya chama, kisha kufanya uamuzi unaolinda maslahi mapana ya Watanzania. Pia tunapaswa kuwa waangalifu na ushawishi wa nje. Dunia ya leo ina nguvu kubwa za kiuchumi, kisiasa na kiitikadi zinazojaribu kuathiri mijadala katika nchi mbalimbali. Hii si sababu ya kumshuku kila mwanaharakati kuwa anatumiwa na mtu fulani,lakini ni sababu ya chama kuwa na uwezo wa kuchambua kila ajenda na kujiuliza: Nani anafaidika? Ajenda hii inamlinda nani? Inaendana na misingi yetu? Na mwisho wake ni nini kwa Tanzania? Hatupaswi pia kuingia kwenye siasa za kuamini kwamba kila anayekuja na fedha, taasisi, NGO au ajenda kutoka nje ana nia mbaya. Lakini vivyo hivyo, hatupaswi kuwa wajinga kiasi cha kuamini kwamba kila ushawishi wa nje hauna maslahi nyuma yake. CHADEMA inahitaji uhuru wa kimkakati. Tusijenge chama kinachotegemea personalities za mitandaoni, influencers au wanaharakati maarufu. Watu huja na kuondoka, lakini taasisi inabaki. Leo mtu anaweza kuwa karibu sana na CHADEMA kwa sababu anaona chama kina nguvu. Kesho akabadili msimamo. Kesho kutwa akahamia chama kingine. Hiyo ni sehemu ya uhuru wake. Lakini chama hakiwezi kubadili misingi yake kila mtu maarufu anapobadili msimamo. Chama lazima kiwe na dira yake. Tunataka CHADEMA iwe chama cha wanachama, sera, taasisi na misingi, si chama kinachoendeshwa na trend za X. MWITO WANGU KWA CHADEMA Sasa ni wakati wa kuchukua hatua, si kubishana tu mitandaoni. Kwanza, chama kiimarishe vikao na mifumo yake ya ndani ili maamuzi muhimu yafanywe kwa mujibu wa katiba, kanuni na misingi ya chama. Pili, CHADEMA ijenge utamaduni wa uwajibikaji na hoja, si utamaduni wa kufuata umaarufu wa mtu. Hakuna mwanachama, kiongozi, mwanaharakati au influencer anayepaswa kuwa juu ya taasisi. Tatu, viongozi wa chama wakumbuke kwamba nguvu yao ya msingi haitoki kwa wanaharakati, influencers wala watu maarufu mtandaoni. Nguvu ya chama inatoka kwa wanachama na wananchi wanaokipa ridhaa.

#TajiriLaKihaya Ufaham kwamba JAMBAZI wakitaka kukuvamia NYUMBANI kwako - watakuvamia tu… wakihitaji Milion zao watakuja tu kuzifata! Ila Tukijenga Nyumba , tunaweka milango, tunaweka Geti kubwa kwenye fence,Tunazungusha Ukuta… ikibidi tunaajiri na Masai kabisaaa hata kama Hana silaha… Ni kweli Mungu Anatulinda ila hatumuachii bila kufanya chochote- Vivyo hivyo Kwa wake zetu- Ni kweli kwamba mwanamke kama ni kahaba au Hakuheshimu na Akiamua kucheat kwenye ndoa atacheat tu! Ila Tunamtengenezea mazingira ya kumlinda na kumuepusha na vishawishi vya nje- Kwanza kabisaa ni kabla Haujao- unachagua Mke atakae Kua Mama Bora kwa watoto wako na Mlezi wa familia- awe BIKRA, ukishindwa basi Asiwe SINGLE MOTHER, na atoke kwenye familia nzuri- awe kalelewa na maadili mazuri- ikiwezekana na wazazi wake wawili Haswa BABA. Pili,Hakikisha anakua House wife- hata kama ni msomi- kazini kuna vishawishi vingi saana- unam Expose mke wako na threats nyingi saana kule kazini… Mke kazi yake kuu ni KUZAA KWA UCHUNGU na kulea familia… Mwanaume KATAFUTE RIZKI KWA JASHO… Mwanaume ukishakubali kwenda kinyume na maandiko na kufata Mila za kizungu za 50-50 tayari Ushapotea na Ndoa imeshakushinda! Wanaume tuyakubali majukumu na tuwalinde wake zetu kwa wivu mkubwa mno!