تحریک انصاف امانت ہے اک ایسے شخص کی جس کی ساری زندگی پاکستان کیلئے گزری۔ وہ جیل کے اندر سے اپنی قوم کو دیکھ رہا ہے جس کیلئے اس نے اپنی زندگی اور اپنی خوشیاں قربان کیں۔ تحریک انصاف اس قوم کا اپنے ملک سے محبت کا دوسرا نام ہے۔ اس نام کو زندہ رکھنا ہے تابندہ رکھنا ہے۔ تحریک کے ہر اک کارکن اور ہر رہنما کو یہ سوچنا ہوگا کہ وہ کیوں اس تحریک میں ہے۔ کسی ذاتی مقصد کیلئے نہیں ہم اس تحریک کا حصہ بنے صرف پاکستان کی خاطر تاکہ یہاں انصاف کا نظام قائم ہو بس ! میرے لیئے تحریک انصاف پاکستان کو جناح کا پاکستان بنانے کیلئے اک سیاسی جدوجہد کا نام ہے۔ جہاں انصاف ہو خودداری ہو اور میریٹ ہو۔ وہ خواب جو ہمارے بزرگ اپنی آنکھوں میں بسائے ہم سے دور ہوئے ہم نے ان خوابوں کی تعبیر بننا ہے۔ ہم نے بغض سے الزام سے دشنام سے کینہ سے لالچ سے سازش سے غیبت ظلم اور کرپشن سے اس تحریک کو پاک رکھنا ہے۔ عمران خان کی خاطر کم از کم ان کے جیل سے باہر آنے تک آئیے انصاف کی اس تحریک کی حفاظت کیجئے۔ نقطہ نظر کا اختلاف دشمنی نہیں ہوتا۔ احترام کیساتھ اپنا مطمہ نظر مدلل انداز میں بیان کرنا ہی اصل سیاسی کارکن کا خاصہ ہوتا ہے۔ اتفاق و اتحاد ایمان کے بعد ہماری سب سے بڑی طاقت ہے۔ مجھے یقین ہے عمران خان کے ہاتھ کا لگایا ہوا انصاف کا یہ پودا پھلے گا پھولے گا اور قوم کو اس ۳۰ سالہ جدوجہد کا ثمر ایک مضبوط طاقتور اور اسلامی فلاحی ریاست کی صورت میں ملے گا۔ انشاءاللّٰہ اس کے لیئے استقامت صبر حوصلہ اور سیاسی بصیرت سے کام لینا ہوگا۔ حوصلے بلند رکھیے جلد ہمارا لیڈر ہمارے بیچ ہوگا اور ہم دوبارہ اس ملک و قوم کی ترقی کا بیڑا اُٹھائیں گے۔ انشاءاللّٰہ تب تک ۔۔۔۔۔۔۔گھبرانا نہیں ہے ! نصر من اللّٰہ و فتح قریب