Erasto S. Mlyuka

Uzinduzi wa Sera ya Elimu na Mafunzo ya Mwaka 2014. Mkurugenzi Mkuu wa Tume ya Taifa ya Sayansi na Teknolojia (COSTECH), Dkt. Amos Nungu (@nungujr ) akitoa ufafanuzi mbele ya Wageni waliotembelea Banda la COSTECH, Siku moja kabla ya Uzinduzi rasmi wa Sera ya Elimu na Mafunzo ya Mwaka 2014, Toleo la 2023. Tukio hilo linafanyika leo Tarehe 1 Februari 2025, Ukumbi wa Jakaya Kikwete Convention Centre - Jijini Dodoma.

Dar es Salaam, Desemba 4, 2024. Waziri wa Elimu, Sayansi, na Teknolojia, Prof. Adolf Mkenda amesisitiza dhamira ya serikali kuwekeza zaidi katika sekta ya Sayansi, Teknolojia, na Ubunifu (STU) ili kuwawezesha vijana wa Kitanzania kuona sekta hiyo kama fursa ya maendeleo yao na taifa kwa ujumla. Akihitimisha Kongamano la Tisa la Wanasayansi, Watafiti, na Wabunifu (#STICE2024) lililofanyika katika Ukumbi wa Mikutano wa Kimataifa wa Julius Nyerere, Prof. Mkenda alisema, "Serikali imeahidi kuendelea kuwekeza kwenye STU ili vijana wa Kitanzania waone kuwa sayansi ni fursa na wakimbilie huko na wachangie kusaidia maendeleo yao na ya taifa." Prof. Mkenda pia aliwataka wabunifu kuhakikisha kazi zao zinafika sokoni na kutatua changamoto za kijamii badala ya kurudia bunifu zilezile kila mwaka. "Tunataka kuona kazi za wabunifu zinafika sokoni na kutatua changamoto za jamii, na sio kila mwaka tunaona bunifu hizohizo. Ndiyo maana tumeanzisha Mfuko wa Samia ili mtaji isiwe sababu ya kukwamisha maendeleo," alieleza. Mfuko wa Samia, ambao umetangazwa rasmi, unalenga kusaidia wabunifu na wajasiriamali wa Tanzania kwa kuwapatia mtaji ili kuendeleza bunifu zao na kuzifanya ziweze kusaidia katika kuboresha maisha ya jamii na kukuza uchumi wa nchi. Kongamano hilo la siku tatu, lenye kaulimbiu "Matumizi ya Sayansi, Teknolojia na Ubunifu kwa Ustahimilivu wa tabianchi na Uchumi Shindani." limekuwa jukwaa muhimu kwa wataalamu wa sayansi, watafiti, na wabunifu kubadilishana mawazo na kutafuta suluhisho za changamoto zinazokumba jamii. Katika hotuba yake ya kufunga, Prof. Mkenda aliwasihi washiriki kutumia maarifa waliyopata katika kongamano hilo kwa vitendo. "Tunayo dhamana ya kuhakikisha kwamba sayansi na ubunifu havibaki tu kwenye maabara bali vinasaidia kubadilisha maisha ya Watanzania," alisema. Wito wa Prof. Mkenda umeongeza matumaini miongoni mwa watafiti,wabunifu, na wadau wa maendeleo, huku serikali ikitarajiwa kutoa msukumo zaidi katika kuhakikisha sayansi inakuwa mhimili wa maendeleo ya kijamii na kiuchumi nchini. #STICE2024 #MamaYupoKazini #Tanzanialnnovation

Exclusive interview #STICE2024 #MamaYupoKazini #TanzaniaInnovation

Director General of COSTECH Dr. Amos Nungu together with the @WFP_Africa Country Director Sarah Gordon-Gibson shake hands after signing a partnership agreement to support agriculture innovations in Tanzania during an MoU signing ceremony held on 11th June 2024 at COSTECH