چالیس ارب کی فائر وال لگا دی۔ دو سو صحافی باندر بنادیے۔ نیوز چینلز کو سرکس بنا دیا اور اخے فرق نہیں پڑتا۔ اربوں کے اشتہارات چلا دیے۔ درجنوں نئے چینل چلا دیے، ہزاروں لوگ بھرتی کرلیے ، فوج کے کپتانوں اور میجروں کو عائشہ سنبل اور پاپا کی پری بنا دیا اخے فرق نہیں پڑتا۔ پوری کور جتنی فوج آئی ایس پی آر میں بٹھا دی اور کہتے ہیں فرق نہیں پڑتا۔ رجیم چینج کے بعد پہلا چھاپا سوشل میڈیا ورکرز کے گھروں میں مارا ، آخری بندہ ابھی بھی سوشل میڈیا کے ورکر کا بھائی اٹھایا اور کہتے ہیں فرق نہیں پڑتا۔ جن جوتوں سے تمہیں اصلی والا فرق پڑتا ہے وہ بھی ہمیں معلوم ہے۔ وقت اس کا بھی آجائے گا۔ لیکن جو فرق ابھی تمہارے سروں پر پڑ رہا ہے وہ بھی اتنا پڑے گا اتنا پڑے گا کہ پاڑ کے رکھ دے گا۔ اخے فرق نہیں پڑتا۔

تحریک انصاف سے منسلک تین لوگ یوٹیوب پر تواتر سے ولاگ کرتے ہیں۔ شہباز گل نے دسمبر 2023 ، شہزاد اکبر نے جولائی 2023 اور قاسم سوری نے جنوری 2026 میں ولاگز شروع کیے۔ ان تینوں کے یوٹیوب شروع کرنے سے پہلے رجیم چینج ہوا۔ پنجاب حکومت ناجائز گرائی گئی۔ عمران خان پر قاتلانہ حملہ ہوا۔ ارشد شریف کی شہادت ہوئی۔ ریٹائر ہوجانے والے جرنیل کو آرمی چیف لگا دیا گیا۔ الیکشن ملتوی کردیے گئے۔ آرمی چیف کا سالا وزیر اعلی پنجاب لگا گیا۔ زمان پارک پر حملے ہوئے۔ ظل شاہ کی شہادت ہوئی۔ عمران خان پر گندے غلیظ کیسز بنا کر ان کا میڈیا ٹرائل شروع کردیا گیا۔ عمران خان کو احاطہ عدالت سے اغواء کیا گیا ، تحریک انصاف پر ریڈ لائن لگا دی گئی۔ گھروں میں گھس گھس کر بیڈرومز میں جا جا کر رہنماؤں سے پارٹی چھڑوائی گئی۔ انکی ننگی ویڈیوز لیک کی گئیں۔ ہزاروں لوگوں پر مقدمات بنائے گئے۔ یعنی تحریک انصاف کے لوگوں کے ولاگز شروع کرنے سے پہلے فوج یہ کرچکی تھی ۔ تحریک انصاف کو غدار تو فوج نے قرار دیا۔ تحریک انصاف کو توڑے کی کوشش تو فوج نے کی۔ تحریک انصاف پر گند تو چالیس نیوز چینلز اور دو سو صحافی پھینکتے رہے۔ یعنی آپ فوج کو کلین چٹ دے کر سارا ملبہ تحریک انصاف پر ڈال رہے ہیں؟ شہباز گل پر تشدد ہوا۔ شہزاد اکبر پر برطانیہ میں دو حملے ہوئے۔ قاسم سوری دربدر اوبر چلاتا رہا۔ آپ انہی کو ظالم قرار دے رہے ہیں؟ شہباز گل پر سب سے زیادہ تنقید کس نے؟ تحریک انصاف کے سوشل میڈیا نے۔ عادل راجہ پر سب سے زیادہ تنقید کس نے کی؟ تحریک انصاف نے۔ تھوڑی سی گنجائش ملی نہیں اور شروع ہوگئے کہ عمران خان کو اور تحریک انصاف کو سارا نقصان پہنچایا ہی باہر بیٹھے یوٹیوبرز نے ہے۔ حیا کو ہاتھ ماریں۔

تھوڑا سا احتجاج ، چند لوگوں پر گولیاں چل جانا ، کچھ جلاؤ گھیراؤ یہ خطرہ نہیں ہے۔ خطرہ وہ طویل اثرات ہیں جو پختونخواہ جیسےصوبے کو لاٹھی سے ہانکنے سے طویل مدت میں پیدا ہوں گے۔ جہاں پہلے ہی شدت پسندی ہے اور قوم پرستی زیادہ ہے اس کا اعتماد جمہوریت ، ووٹ اور الیکشن سے ختم کرنے پر ہوں گے۔ پاگل کتے نے پختونخواہ ک اور پاکستان کا مستقبل آگ میں دھکیل دیا ہے۔

حاصل مطالعہ یعنی اگر وہ پیسوں کا لالچ نہیں تھا ، کسی کی خوشامد بھی مطلوب نہیں تھی ، یہ اس قدر گھٹیا اور گرے ہوئے صحافی بھی نہیں کہ انہیں تیسرے چوتھے درجے کا ٹاوٹ قرار دیا جائے لیکن پھر وہ کیا وجہ تھی کہ مہر بخاری یہ کہتی پھریں کہ عمران خان کے لیے کمرہ تیار ہورہا ہے اور اسی انچ والا ٹی وی لایا جارہا ہے اور اسد طور کو نہایت سنجیدگی سے کہنا پڑا کہ فوج کے پاس عمران خان کی ایک ویڈیو ہے جس میں عمران خان ایک مرد کے ساتھ ،،، استغفار۔ دو وجوہات یا ممکنات ہوسکتی ہیں۔ ایک تو وہی فوج میں اتنے “ کرنل” ہیں کہ چالیس پچاس لوگوں کیساتھ ایک عدد “ کرنل “ پیدا کرنا کوئی مسئلہ نہیں جو نہایت سنجیدگی سے ان کا دوست ، جاننے والا ، یا سورس بن جائے۔ انہیں دو تین درست خبریں دے اور ان سے چوتھی مرضی کی کھچ مروا لے۔ یہ پراپگنڈہ ، ایسے غلط معلومات فیڈ کرنا فوج کا مضمون ہے یہ صدیوں ملٹری اکیڈیمیز میں پڑھایا جاتا ہے اور فوج کو اس میں مہارت حاصل ہے۔ اسی لیے آئے روز ، اپنے پرائے ، یعنی عمران خان کے ہمدرد اور ناقد دونوں طرح کے صحافی ایسی شرلیاں چھوڑتے رہتے ہیں جن کا کوئی سر پیر نہیں ہوتا۔ جو حالات سے بالکل مطابقت نہیں رکھتے۔ لیکن ایسی خبریں دینے والوں کی سنجیدگی قابل دید ہوتی ہے کیونکہ ان کا سورس حساس ادارے کی انتہائی اعلی سطح کی شخصیت ہوتا ہے جو انہیں پہلے ایک دو درست خبریں دے چکا ہوتا ہے۔ اس فہرست میں پاکستان کے کل صحافی ، کل یوٹیوبرز تمام کو شامل رکھیں۔ دوسری چیز بیماری ہے۔ ناقدین بڑے بڑے سلیبرٹیز تھے ، کیا ٹھاٹھ تھے انکے ، دہائیوں تک انکی تصاویر و تحاریر اخبارات میں چھپ کر ملک کے کونے کونے میں پہنچتی رہیں۔ پھر ان کا بوتھا شریف ٹی وی چینلز پر براجمان رہتا۔ سوشل میڈیا انکی جاگیر تھا۔ ہم نے یعنی یوتھیوں نے انہیں چٹکیوں میں اڑا دیا۔ اخبار رہے نہیں ، ٹی وی کوئی دیکھتا نہیں اور سوشل میڈیا پر بڑے سے بڑا جغادری بھی دھرکینوں بنا ہوتا ہے۔ تذلیل کا اور زوال کا یہ احساس ان کے اندر موجود ہے۔ ان میں سے جتنے اصول پرست لوگ بھی ہیں ان کے اندر عمران خان کی ، تحریک انصاف کی اور یوتھیوں کی نفرت بھری ہوئی ہے۔ کیونکہ عمران نے وہ کیا جس کی توقع انہیں اپنے نوازشریفوں اور بینظیروں سے تھی، تحریک انصاف نے وہ کیا جسے یہ تاعمر جھٹلاتے رہے اور یوتھیوں نے وہ کیا جس کا سامنا لانے کی انکے اندر تاب نہیں۔ اگرچہ کئی دفعہ یوتھیے زیادتی کرجاتے ہیں لیکن انکے اندر نفرت مسلم ہے۔ یہ جہاں تھوڑی سی گنجائش نظر آتی ہے اپنی اس شکست خوردہ ذہنیت کا اظہار ضرور کرتے ہیں۔ اچھی مثال لیں۔ وسعت اللہ خان جیسا شاندار آدمی چند ہفتے پہلے ڈیل کی خبروں کے بعد تحریک انصاف کو ویلکم بیک کررہا تھا۔ اب رہ گیا حاصل مطالعہ ، ہم کوئی نیوٹرل تجزیہ کار نہیں ، ہم کوئی صحافی نہیں ، ہم ایک سیاسی جماعت کے ہمدرد ہیں ، ایک سیاسی لیڈر کے ووٹرز ہیں۔ ہم چاہیں بھی تو یہ ٹیگ نہیں اتار سکتے۔ ہم حقیقی آزادی کے لیے لڑ رہے ہیں ، تحریک انصاف اور عمران خان کی حکومت یعنی ہم اپنے اقتدار کی جنگ لڑ رہے ہیں۔ ہمدرد یا ناقد ، یہ ہماری ضد ہیں۔ انکی ٹھنڈی ہواؤں سے پرہیز کریں ، انکے اندر کی خبروں سے بچیں اور انکی نفرت کے لیے تیار رہیں۔

کتا جی ! شروع شروع میں بنگالیوں نے بھی فوج کو گالیاں ہی نکالی تھیں پتھراؤ ہی کیا تھا۔ بلوچستان میں بھی گالیاں ہی پڑتی تھیں اور پتھراؤ ہی ہوتا تھا۔ کتا جی گولی تو بہت بعد میں چلتی ہے۔ گولی تک تو آپ ٹھہرتے ہی نہیں۔ کتا جی یہ نئی کھڑکی کھلنے پر مبارکباد قبول کیجیے۔

ڈاکٹر معید پیرزادہ کی ویور شپ لاکھ ڈیڑھ اوسط رہتی ہے۔ ولاگز میں ناغہ بھی کرتے ہیں۔ مجھے نہیں لگتا انہیں ماہانہ تین چار ہزار ڈالرز سے زیادہ یوٹیوب سے ملتے ہوں۔ دو تین چار لوگوں کی ٹیم کو ہزار پندرہ سو دیکر انہیں یہی کوئی دو تین ہزار بچتا ہوگا۔ اگر ڈاکٹر صاحب صرف جمعہ اور ہفتہ کی رات کو جی ایم سی کے بڑے والے ٹرک پر اوبر چلائیں تو ماہانہ چار ہزار ڈالرز سے زیادہ کما سکتے ہیں۔ کسی کیساتھ پارٹنر شپ پر دو تین لاکھ ڈالرز لگا کر چھوٹا موٹا سٹور کھول لیں تو آٹھ دس ہزار ڈالرز مہینہ وہ دے سکتا ہے۔ اب یہی ڈاکٹر معید پیرزادہ پاکستان میں جب شو کرتے تھے تو یقیننا یہ پندرہ بیس پچیس لاکھ والے پیکج پر ہوتے ہوں گے۔ اگر آج بھی پاکستان میں مفاہمت وغیرہ کرکے کوئی شو شروع کرلیں تو کوئی بھی چینل آبپارہ کی مس کال پر انہیں پچاس لاکھ کے پیکج پر رکھ لے گا۔ چھوٹے چھوٹے یوٹیوب چینلز کو فوج بیانیہ بنانے کا ماہانہ ستر اسی لاکھ دے رہی ہے۔ ان میں سے ایک چینل کی ماہانہ ویور شپ آج تک دس لاکھ بھی نہیں ہوئی۔ یعنی اگر ان کا مقصد پیسے یا ڈالرز کمانا ہو تو انکے پاس بہت زیادہ پیسے کمانے کا بہت آسان سا رستہ موجود ہے۔ لیکن وہ یہ رستہ نہیں لے رہے۔ اس کی بجائے وہ جس رستے پر چل رہے ہیں اس میں ان پر تیزاب کے حملے بھی ہوتے ہیں ، انکو مکے بھی کھانے پڑتے ہیں ، انکے گھروں میں پر اسرار آگ بھی لگتی ہے ، انکو کردار کشی کا سامنا بھی کرنا پڑتا ہے اور کسی سکول کالج بیکری والے میڈیا مالک سیٹھ کے نوکر کے طعنے بھی سننے پڑتے ہیں۔ کل ملا کر دس یوٹیوبرز ہوں گے جو تین چار ہزار ڈالرز ماہانہ یا اس سے زیادہ کما رہے ہیں۔ ڈاکٹر شہباز گل اور عمران ریاض صرف دو لوگ ہوں گے جنکو دس بیس تیس ہزار ڈالرز ماہانہ ملتے ہوں گے۔ جتنے پیسے انکے کل بنتے ہیں یہ لاکھ ڈیڑھ لاکھ ڈالرز بھی کرلیں دو لاکھ ڈالرز بھی کرلیں تو چھ کروڑ روپے بنتے ہیں۔ اتنے پیسے ایک دوسرے درجے کے نیوز چینل کو فوج کھلا رہی ہے۔ شرم کرنی ہے کریں نہیں کرنی نہ کریں۔ آپ ایک تو ایک بہت پسماندہ سے ملک میں بیٹھے ہوئے ہیں۔ پھر ایسی تنقید کرتے ہوئے آپ اتنی دور سے مزید چھوٹے سے دکھائی دیتے ہیں۔