Tilahun Tsige

ሀገር!

The Ethiopian Orthodox Tewahedo Church believers in the Arsi Zone of the Oromia region have been under persistent attack. Christians in this area have no protection from the government, making its security apparatus complicit in ongoing religiously motivated killings. ​These recurring attacks need immediate attention from the international community, as things are getting worse day by day. Media outlets, international human rights organizations, governments, and advocates should make this horrific situation one of their top priorities!

የኢትዮጵያ ኦርቶዶክስ ተዋህዶ ቤተክርስቲያን የበለጠ ለጥቃት ተጋላጭ በምትሆንባቸው እንደ አርሲ ባሉ የሽብርተኞች እና አክራሪዎች መፈልፈያ አካባቢዎች የሚፈፀሙ ጥቃቶች እንዲሁ በቀላሉ ሊቆሙ የሚችሉ አይደሉም። መንግሥት ራሱ ባመነው እንደዚሁም እንደ አሜሪካ ያሉ መንግሥታት በተጨባጭ የሚያውቁት በአርሲ እና በባሌ ከኢትዮጵያ አልፎ እስከ ሶማሊያ እና የመን የተዘረጋ የሽብር ኔትዎርክ አለ። የአልሸባብ እና አይኤስ አይኤስ አባላት ከኢትዮጵያ ወደ ሌሎች ሀገራት እንዳሻቸው ይወጣሉ፤ ከውጭ ወደ ኢትዮጵያም ይገባሉ። በመንግሥት የተያዙም ያልተያዙም አሉ። ተይዘው የተለቀቁም ይኖራሉ። አርሲ ተብሎ በሚጠራው የደም መሬት ክርስቲያኖች በግፍ ይገደላሉ። አንድ ሁለት ወራት ያልፋሉ። መልሰው ይገደላሉ። ወራት ያልፋሉ። ከእንደገና ይገደላሉ። ለማናውቀው ጊዜ ያክል ይህ አዙሪት ይቀጥላል። ምክንያቱም ጭፍጨፋውን ለማስቆም ኃላፊነት የተጣለበት መንግሥት መዋቅሩን በክርስቲያኖች ላይ ጥቃት ለሚያደርሱ አካላት ምቹ አድርጎታል። ራሱ መዋቅሩም ይሳተፍበታል። ለምን የሚለውን መደጋገም ስለሚሆን እንተወው። አድካሚ ነው። ዜጎች በሰላም ወጥተው እንዲገቡ የሚጠብቃቸው መንግሥት በሀገር ውስጥ እንደሌለ ሁሉም ያውቀዋል። በአርሲ እና መሰል ቦታዎች በክርስቲያኖች ላይ የሚፈፀመው ጥቃት ሊቆም የሚችለው ጉዳዩ ዓለምአቀፍ ትኩረት ሲያገኝ ነው። ልክ ለዓመታት የቀጠለው እና ኋላ አሜሪካን ጨምሮ የውጭውን ዓለም ትኩረት እንዳገኘው እንደ የናይጄሪያው "ቦርኖ" ግዛት ክርስቲያኖች ጥቃት። ለዚህ ደግሞ መልካም የሚባሉ አጋጣሚዎች አሉ። ከአፍሪካ እስከ መካከለኛው ምስራቅ ከአውሮፓ እስከ ሰሜን አሜሪካ ያሉ ትልልቅ የዓለም ሚዲያዎች የአርሲ ክርስቲያኖችን ግድያ ሽፋን እየሰጡት ይገኛሉ። በአርሲና አካባቢው የሚፈፀመው ጥቃት ከአንደኛው የዓለም ጫፍ እስከ ሌላኛው እየተሰማ ነው። ለዛውም ባልተለመደ ሁኔታ። ጉዳዩ ከዜና ሽፋን ባለፈ በተጨባጭ ተፅዕኖ የሚፈጥር እና ልዩ ትኩረት የሚያሻው እንዲሆን መስራት ያስፈልጋል። Globalized attention ማምጣት ያስፈልጋል። የዓለም ነባራዊ ሁኔታን ጨምሮ በርካታ አስቻይ መንገዶች አሉ። ይታሰብበት!

ጃዋር መሐመድ እስከ ቅርብ ጊዜ ድረስ አሁን በኢትዮጵያና ኤርትራ መካከል ያለውን ግጭት ካዋለዱት ሂደቶች ቢያንስ በአንዱ ተሳታፊ ነበር። ጃዋር አብሮ ከተሳተፈባቸው እና አሁን ያለውን ውጥረት ካዋለዱት ሂደቶች መካከል አንደኛው ከጥቂት ወራት በፊት "የማኅበራዊ ሚዲያ ትዕይንተ ሕዝብ" የተባለው ስብስብ ያካሄደው ስብሰባ አንዱ ነው። ይህ ስብስብ ለስሙ "በኢትዮጵያ የተቃውሞ ጎራ ያሉ ኃይሎችን ያቀፈ" ቢባልም ፕሮጀክቱ ግን የሻዕቢያ እና የህወሓት እንደነበር የቅርብ ጊዜ ትዝታ ነው። በስብስቡ ውስጥ ኢሳያስ አፈወርቂን ጨምሮ ከሻዕቢያ ጋር ቀጥተኛ ግንኙነት ያላቸው፣ እንደዚሁም ከሀገር ውስጥ እስከ ውጭ ሀገር የሚኖሩ በድብቅ እና በይፋ ወደ አስመራ የሚመላለሱ ሰዎች ሲዘውሩት የነበረ ስብስብ ነው። ጃዋር እነማን ከጀርባ እንዳሉ እንደዚሁም የዚህ እንቅስቃሴ Ultimate ግቡ (በሻዕቢያ እገዛ መንግሥትን መገልበጥ) እንደሆነ እያወቀ ነበር የዚህ እንቅስቃሴ አካል የሆነው። ፅምዶ (ትብብር ለኅልውና) የተባለው የሻዕቢያ የእጅ ስራም የዚሁ እንቅስቃሴ ተቀጥላ ነው። ጃዋር በኦሮሞ ነፃነት ሠራዊት በኩል ፅምዶን የማዋለወድ ሂደት አማካሪም ነበር። እንደ አሁኑ ይፋዊ በሆነ መልኩ ባይሆንም የኤርትራ ወታደሮች የኢትዮጵያን ድንበር አቋርጠው ከወታደራዊ ድጋፍ እስከቀጥተኛ የውጊያ ተሳትፎ ማድረግ ከጀመሩ ቆይተዋል። የኢትዮጵያ መንግሥትም ጉዳዩን ወደተባበሩት መንግሥታት ድርጅት እስከመውሰድ ደርሶ ነበር። ጃዋርም ይሄንኑ ጠንቅቆ ያውቃል። እያወቀ ግን የሂደቱ ተሳታፊ ነበር። ጃዋር OMNን ይመራ በነበረበት ጊዜ ሚዲያው አስመራ ድረስ ተጉዞ ኢሳያስ አፈወርቂን ቃለምልልስ ያደረገበትን ጨምሮ የድሮ ታሪኩን እንተወውና፣ በ2018 ዓ.ም ውስጥ ብቻ ጃዋር መሐመድ ራሱ "ለሀገረ መንግሥቱ ስጋት ናቸው" በሚላቸው እንቅስቃሴዎች ቀጥተኛ ተሳታፊ ነበር። እነዚህ እንቅስቃሴዎች ናቸው እንግዲህ ሄደው ሄደው ዛሬ ያለንበትን ሁኔታ ያዋለዱት። ታዲያ በምን ሞራሉ ነው እርሱ ሌሎችን "ከፀረ ኢትዮጵያውያን ጋር ተጣመሩ" ብሎ ለመክሰስ የቻለው? የዚሁ አካል አልነበርክምዴ ኦቦ @Jawar_Mohammed? ተው እንጅ። ትንሽ አረጋጋው እንጅ! 😆 ከዚሁ ጋር በተያያዘ፣ ማንኛውም ኢትዮጵያዊ ሀገሩን ከውጭ ኃይሎች ወረራ የመጠበቅ፣ የሀገሩ ብሔራዊ ጥቅሞችም ሳይሸራረፉ እንዲከበሩ ለማድረግ የዜግነት ግዴታውን መወጣት አለበት ብዬ አምናለሁ። ኢትዮጵያዊ ነኝ የሚል ሰውም (Irrespective of what government is leading the country) በሁለት ነገሮች የማይዛነፍ አቋም ሊኖረው ይገባል የሚል ፅኑ ዕምነት አለኝ። በዓባይ ወንዝ ጉዳይ እና በኢትዮጵያ ታሪካዊ የባሕር በር ጥያቄ ዙሪያ። እነዚህ ሁለት ጉዳዮች በኢትዮጵያ ታሪክ የውጭ ግንኙነት ማጠንጠኛ ሆነው ያገለገሉ ናቸው። ይቀጥላሉም። ጃዋር ከሰሞኑ የሀገረ-መንግሥቱ ጠበቃ ሆኖ ከመምጣቱ ጋር ችግር የለብኝም። ከመርህ አንፃር ገዥ የሆኑ ሃሳቦችንም ሲያነሳ ተመልክቻለሁ። በዚህ ተቃውሞ የለኝም። ነገር ግን በደምና አጥነት የተፃፈውን የኢትዮጵያን ታሪክ በማንቋሸሽ የፖለቲካ ስብዕናውን ሲገነባ የኖረ ሰው ንስሐ ሊገባ ይገባል እንጅ ሌሎችን የመክሰስ እንጥፍጣፊ ሞራል የለውም።

Making sense of what's unfolding in the North! ...... Though it is still unclear what the real purpose of the war is, the entire northern part of Ethiopia is once again unraveling due to war. 👉Tigray! .... The TPLF's breakaway faction, consisting of Tigray Peace Force (TPF) and Simret Party led by Getachew Reda and Tsadikan G/Tinsay is emerging in and taking control of Tigray, unless the TPLF regains momentum very soon. This group is perceived as loyal to Abiy Ahmed, having been backed by the federal government both militarily and politically. A new political group with a military wing is likely to persist in Tigray even if the TPLF-led ruling elite demises. Getachew heads the political and diplomatic wing, while Tsadikan leads the military wing. TPLF-led Tigray nationalism has entered a slow-decline dynamic. Time will tell how this development will shape the Tigray-Amhara relationship, including long-standing territorial disputes. 👉​Eritrea! ...... Eritrea's role in the ongoing conflict stems from two main factors: its spoiler role in the Pretoria Peace Agreement process and Abiy Ahmed’s quest for direct sea access, demonstrated by the signing of the failed Memorandum of Understanding with Somaliland and followed by Ethiopia's historical claim of Assab. Moreover, despite its continuous denials, the Ethiopian government has accused Eritrea of covertly supporting armed groups in Ethiopia, reviving a historical pattern of backing Ethiopian opposition groups dating back to the "no-peace, no-war" period. Ethiopia's accusations materialized when Eritrean troops reportedly crossed the Ethiopian border in support of the TPLF, though the ENDF successfully pushed them back. Despite this, a full-scale war remains unlikely unless Ethiopia's Red Sea ambitions accelerate the situation in real time, though other driving factors could still apply. This raises a critical question: Would marching on Assab or Asmara be the right way to advance Ethiopia's Red Sea ambitions if a full-scale war becomes inevitable? And what would be the fate of the regime in Asmara? A web of complex consequences would inevitably follow. 👉Implications for the Horn of Africa! ..... The fragile Horn of Africa region is already enduring a prolonged proxy war in Sudan, one of the deadliest globally in recent times. If tensions between Ethiopia and Eritrea escalate into a full-scale war, the entire region risks becoming a battleground for competing regional powers, leaving states of the Horn of Africa entirely stripped of control.

ህወሓት የፕሪቶሪያውን፣ ዐቢይ አህመድ የጅዳውን ስምምነት ቀደዱ! …………… ከአሥር ወራት በፊት በኅዳር 2018 ዓ.ም የውጭ ጉዳይ ሚንስትሩ ዶክተር ጌዲዮን ጢሞቲዎስ "ያልተፃፈው የኢሳያስ አፈወርቂ አስተምህሮ" እና "የናቅፋ በሽታ" ሲሉ የሰየሟቸውን ሁለት ምክንያቶች ጨምሮ በጥቅሉ አምስት መሰረታዊ ችግሮች የኢትዮጵያ እና ኤርትራ ግንኙነት "ወደለዬለት ውጥረት" እንዲሸጋገር አድርገዋል ሲሉ መደመጣቸው ይታወሳል። የውጭ ጉዳይ ሚንስትሩ ይሄንን ንግግር ያደረጉት በአዲስ አበባ ዩኒቨርስቲ ሲሆን፣ ጉዳዩ የዓለም አቀፍ ትኩረትን የሳበ እና በርካቶች አስተያየታቸውን የሰጡበት አጀንዳ ነበር። ጌዲዮን የሁለቱን ሀገራት ወቅታዊ ግንኙነት ቃል በቃል "Chronic Tension" በማለት ነበር የገለፁት። ከሰባት ወራት በፊት ማለትም ባሳለፍነው የካቲት ወር 2018 ዓ.ም International Crisis Group ሁለት ተከታታይ ጥናታዊ ፅሁፎችን አውጥቶ ነበር። በቅድሚያ "Seven Peace and Security Priorities for Africa in 2026" የሚል ፅሁፍ ያወጣ ሲሆን፣ የኢትዮጵያ እና ኤርትራ ጉዳይ ከሰባቱ የአፍሪካ አሳሳቢ የፀጥታ ጉዳዮች አንደኛው እንደሆነ የሚያትት ነበር። ከሳምንት በኋላ ሁለተኛው እና የሁለቱን ሀገራት እንደዚሁም የፌደራል መንግሥቱን እና የህወሓትን ውጥረት አስመልክቶ "Ethiopia, Eritrea and Tigray: A Powder Keg in the Horn of Africa" የሚል ረዥም ፅሁፍ አወጣ። ተቋሙ የሁለቱን ሀገራት ግንኙነት “በአፍሪካ ቀንድ በማንኛውም ቅፅበት ሊፈነዳ የሚችል የባሩድ በርሜል” ሲል ነበር የገለፀው። የእነ ደብረፅዮንን ህወሓት ጨምሮ "ለኢትዮጵያ ታጣቂ ቡድኖች ድጋፍ ታደርጋለች" የሚል ክስ በኤርትራ ላይ መቅረቡ፣ በምላሹ የኢትዮጵያ መንግሥት ለኤርትራ የተቃዋሚ ቡድኖች እና ከህወሓት ለተገነጠለው ሌላኛው ታጣቂ ቡድን ድጋፍ ያደርጋል መባሉ፣ ከሱማሌላንድ በኋላ ወደ ቀይ ባሕር የዞረው የኢትዮጵያ የባሕር በር ፍላጎት፣ የአፍሪካ ቀንድ ቀጠናዊ ውጥረት እና የኃያላኑ ጅኦ-ፖለቲካዊ ፍላጎቶች እንደ ተጨማሪ ገፊ ምክንያት ሆነው ሲመጡ፣ የሁለቱ ሀገራት ጉዳይ በርግጥም በአፍሪካ ቀንድ በማንኛውም ሰዓት ሊፈነዳ የሚችል ፈንጂ ተብሎ የሚገለፅ ነው። የኢትዮጵያ መንግሥት በአስመራ የሚገኘውን ኤምባሲ ለመዝጋት መወሰኑ የዚሁ ማሳያ ተደርጎ የሚወሰድ ነው። ከአንድ ሳምንት በፊት ህወሓት የፕሪቶሪያውን ስምምነት ቀድጃለሁ፣ ጦርነትም አውጃለሁ ብላለች። ዐቢይ አህመድ ደግሞ በመስከረም 2011 ዓ.ም ኢትዮጵያ እና ኤርትራ ግንኙነታቸውን መልሰው ያደሱበትን የጅዳውን ስምምነት በዛሬው ዕለት በይፋ ቀድደውታል። እስራኤል፣ የተባበሩት አረብ ኢመሬቶች፣ ሳዑዲ አረቢያ፣ ግብፅ፣ ኳታር፣ ኢራን እና መሰል ሀገራት "Physical Border" የሌላቸው የአፍሪካ ቀንድ ሀገራት እስኪመስሉ ድረስ በቀጠናው ላይ ከፍተኛ ተፅዕኖ ያላቸው ሀገራት ሆነዋል። የኢትዮጵያና የኤርትራ ውጥረት ወደ ጦርነት የሚያመራ ከሆነ እነዚህ ሀገራት ጎራ ለይተው ጎራዴ ለመምዘዝም ዝግጁ ናቸው።

Mesqel! The Ethiopian Orthodox Tewahdo Church commemorating the discovery of the True Cross!

የአዲስ ዓመት የተኩስ አቁም እንዲደረግ ስለ መጠዬቅ። ……! በኢትዮጵያ ሀገራችን በተለይም በመላው አማራ ክልል እና በኦሮሚያ ክልል አንዳንድ የተለያዩ አካባቢዎች ከፍተኛ የሰብዓዊ እና ቁሳዊ ውድመቶችን በማስከተል ላይ የሚገኙ፣ ማኅበራዊ እና ኢኮኖሚያዊ መስተጓጐል የፈጠሩ ጦርነቶች በመካሄድ ላይ ይገኛሉ። ወቅቱ በመላው ኢትዮጵያውያን በጉጉት የሚጠበቀው የአዲስ ዓመት በዓል ዋዜማ ከመሆኑ አንፃር፣ ጦርነት እየተካሄደ በሚገኝባቸው የሀገሪቷ የተለያዩ ክፍሎች የሚኖረው ሕዝብ ከጥይት ድምፅ ነፃ በሆነ ሁኔታ በዓሉን እንዲያከብር፣ "የአዲስ ዓመት የተኩስ አቁም እንዲደረግ" ስል ቀናኢ አስተያየት መስጠት እፈልጋለሁ። ታላላቅ በዓላት በሚከበሩበት ጊዜ የተኩስ አቁም ማድረግ የተለመደ ነው። ለምሳሌ ሩሲያ እና ዩክሬን በሚያደርጉት አውዳሚ ጦርነት ለገና፣ ለስቅለትና ለፋሲካ በዓላት ወቅት ሀገራቱ የተኩስ አቁም ያደርጋሉ። በተናጠልም ሆነ በጋራ። በመካከለኛው ምሥራቅ ታጣቂ ቡድኖች እና መንግሥታት ለአረፋ እና ለኢድ አል ፈጥር በተመሳሳይ የተኩስ አቁም ሲያደርጉ ይስተዋላል። በኢትዮጵያም የፊታችን አርብ ለሚከበረው እና የበዓሉ ድባብ ለጥቂት ቀናት በሚቀጥለው የ2019 ዓመተ-ምህረት አዲስ ዓመት የተኩስ አቁም ቢደረግ መልካም ነው ብዬ አምናለሁ። በዚህም ዜጎች ቢያንስ የጥይት ድምፅ እና የባሩድ ሽታ የሌለበት አውደ ዓመትን ለማክበር ዕድል ያገኛሉ። በተለይ እንደ ፋኖ ያሉ የታጠቁ ኃይሎች ለሦስት ቀናት ያህል የተናጠል የተኩስ አቁም ቢያውጁ፤ አንደኛ የሞራል ብልጫ ይወስዳሉ። ሁለተኛ በኢትዮጵያ የሚገኙ የተለያዩ ኢምባሲዎች እና ሌሎች የዓለምአቀፉ ማኅበረሰብ አባላት መሰል ውሳኔዎችን በበጎ ጎኑ ይመለከቷቸዋል። የእንኳን አደረሳችሁ መልዕክት ሲያተላልፉም ጎን ለጎን ውሳኔውን ሊያደንቁ ይችላሉ። መልካም የአዲስ ዓመት ለመላው ኢትዮጵያውያን!

I want to ask Major @dawit_giorgis a simple and direct question. If an alliance with the TPLF is made a precondition for protecting fundamental interests of the Amhara people, when will the TPLF withdraw its forces from the occupied territories of the Raya province of the Amhara region?

ጎትታችሁ እንዳመጣችሁት ኃላፊነቱንም ውሰዱ! ……… ጃዋር መሐመድ በኢትዮጵያ የተቃውሞ ጎራ ያሉ (የታጠቁና ያልታጠቁ) ኃይሎች ጥምረት "ያለ እኛ ይሁንታ የትም አይደርስም" የሚል ፖለቲካዊ አንድምታ ያለው ሃሳብ የአፋብኑን ቃል አቀባይ አስረስ ማረን ጠቅሶ ፅፏል። ቁምነገሩም ራስን ጎልፍ ክለብ የማግኘት ያለማግኘት ጉዳይ አይደለም። ጃዋር ከአንድ ዓመት ወዲህ ባለው ጊዜ በአማራ ፖለቲካ እጁን የማስገባት ዕድል ተፈጥሮለት ነበር። በተለይ መሬት ላይ ካሉት እና ከውጭ ተወካይ "የአፋብኃ" ሰዎች ጋር ይደዋወልም ሃሳብ ይለዋወጥም ነበር። ኧረ እንደ አቅጣጫ ጠቋሚም ሆኖ ነበር። አቦይ ስብሃት ነጋ ባርኮ ያስጀመረው የፅምዶ የመጀመሪያው የአደባባይ ዲጅታል ውይይት የተካሄደውም መሰል የጓዳ ወጎችን ተከትሎ ነው። ኦቦ ጃዋር ወደ አማራ ፖለቲካ እጁን እንዲያስገባ የፈቀዱለት ሰዎች የዬለት ለቅሶ የሆነው "የሰሊጥ ነጋዴ" ፍረጃን ከአንድ ወር በፊት አብሯቸው ሲዘበዝብ ነበር። ረዳት ፕሮፌሰር ተጀመረን ከስር አድርጎ ኮሎኔል ደመቀን እና የጎንደርን ልሂቅ ሲሳደብ "አበጀህ" ተብሎም ነበር። አሁን ላይ ጃዋር "የጅኒዎች ማህበር" በሆነው ፅምዶ በኩል ወደ አፋብን እየጎተቱ ባስገቡት ሰዎች ላይ መልሶ እየተኮሰ ነው። "እኔ በአማራ ፖለቲካ ገብቼ አቦካለሁ፤ እናንተ ግን በኦሮሞ ፖለቲካ ድርሽ ማለት አትችሉም (Submissive ናችሁ)" የሚል ነው መነሻው። "ፅምዶ" የሚሉት የጅኒዎች ማህበር ለአማራ ይዞ የሚመጣው ፖለቲካዊ ትርጉም ይህ ነውና። ጃዋር አስረስን ሲሳደብ የሰሊጥ ነጋዴ እያለ የጎንደርን ልሂቅ ሲፈርጅ "አበጀህ" እንዳሉት አይነት ምላሽ መስጠት አስፈላጊ አይደለም። እንዲህ ያለውን የመንጋ ባህል ፖለቲካዊ ምንፍቅናን (Political Heretics) መለያው ላደርገው ቡድን እንተወዋለን። ባይሆን ግን "ጃዋር ሰደበን" የምትሉ ወገኖች ራሳችሁ እንዳመጣችሁት ራሳችሁ ኃላፊነቱን ውሰዱ ማለቱ ተገቢ ነው።

ልክ የዛሬ አራት ዓመት የአዲስ አበባ ከተማ እና የኦሮሚያ ክልል የአስተዳደር ወሰኖቻቸውን ለይተው ማካለላቸውን ከንቲባ አዳነች አቤቤ እና አቶ ሽመልስ አብዲሳ በይፋ ለሕዝብ አሳውቀዋል። ይህ ራሱ መንግሥት የሰራው የድንበር ማካለል ስራ ነው። ዛሬ ላይ በአቶ ሽመልስ አብዲሳ የሚመራው ቡድን በብሔራዊ ምክክሩ ላይ "አዲስ አበባን የኦሮሚያ እናደርጋለን" እያለ ነው። ይሄንን እያሉ ያሉት የገዥው ፓርቲ የበላይ አካላት አዲስ አበባ እና ኦሮሚያ ድንበራቸውን እንዲለዩ አድርገናል ካሉን ገና አራት ዓመቱ ነው። በብሔራዊ ምክክሩ ላይ እየተሳተፋችሁ ያላችሁ እና አዲስ አበባ "የመላው ኢትዮጵያውያን" መሆኗን አቋም ይዛችሁ እየተከራከራችሁ ያላችሁ ወገኖች፣ ይሄንን ራሱ ገዥው ቡድን ያሳለፈውን የአስተዳደራዊ ወሰን የመለዬት ውሳኔ እንዲያስታውሰው ጭምር አድርጉ። አይደለም "አዲስ አበባ የመላው ኢትዮጵያውያን ናት" የሚሉ ወገኖች ይቅርና "አዲስ አበባ ኬኛ" እያሉ የሚገኙ አካላት እንኳን ከተማዋ እና ኦሮሚያ ክልል ግልፅ የወሰን መስመር እንዲኖራቸው በሕግ ደንግገዋል።

አሰብ ላይ "የኢትዮጵያን ሠንደቅ ዓላማ አውለበልባለሁ!" ያለ ስርዓት አዲስ አበባን በገዳ ስርዓት ብቻ ለማስተዳደር "ሕጋዊ እውቅና ይሰጠኝ" እያለ ነው። በእጃችን ያለችውን አዲስ አበባ "የሁሉም ኢትዮጵያውያን እናድርግ" ሲባል አሻፈረኝ ያለ ቡድን፤ በታሪክ የኢትዮጵያ የነበረንና አሁን ላይ በሌላ መንግሥት እጅ ያለን የባሕር በር ለማስመለስ ሁሉንም ኢትዮጵያውያን ማነቃነቅ የሚችልበት ተጨባጭ አመክንዮ የለም። በነገራችን ላይ በአገራዊ ምክክር ሂደቱ እየተሳተፉ እና በአዲስ አበባ ጉዳይ ከኦህዴድ ጋር የማይታረቅ ልዩነት እያሳዩ ከሚገኙ አካላት መካከል፤ ከመንግሥት ጋር በጋራ ለመስራት የተስማሙ፣ በመንግሥት ሹመት የተሰጣቸው፣ የሠላምና የፓርቲ ፖለቲካ ትግል አማራጭን እንደ መርህ የሚከተሉ፣ እንደዚሁም የብሔራዊ አጀንዳዎችን ከፖለቲካዊ ልዩነቶች እናስቀድማለን የሚሉት ወገኖች ከፊት ተሰላፊ ናቸው። ከመንግሥት ጋር በተለያዩ ጉዳዮች አብረው ሲሰሩ ከቆዩት ከእነዚህ ወገኖች ጋር ለመስማማት ያልቻለው የገዥው ስርዓት "መንግሥትን በኃይል መገልበጥ አለብን" ከሚሉ ወገኖች ጋር በጠረጴዛ ዙሪያ ቢቀመጥ ምን ሊሆን እንደሚችል አስቡት። በዚሁ አጋጣሚ በአዲስ አበባ ጉዳይ ፅኑ አቋም የያዛችሁና አማካዩን መንገድ የሙጥኝ ያላችሁ የምክክሩ ተሳታፊዎች፣ እንደዚሁም ጉዳዩ ዋነኛ የሚዲያ አጀንዳ እንዲሆን አበክራችሁ ለሰራችሁ ወገኖች ታላቅ አክብሮት አለኝ። የያዛችሁትን አቋም እስከመጨረሻው እንደምታስቀጥሉበትም ተስፋ አደርጋለሁ።