Massamba intore

AMASHUSHO: Umunyamabanga Mukuru w’Umuryango Mpuzamahanga w’Ibihugu bikoresha Igifaransa (OIF), Louise Mushikiwabo, yashimye abahanzi nyarwanda barimo Masaamba Intore, Lionel Sentore na Daniel Ngarukiye, nyuma yo kwitabira igitaramo bakoreye i Paris mu Bufaransa, avuga ko bamuhaye ibyishimo n’imbaraga mbere y’urugendo rwe rugana muri Cambodia. Mu butumwa yanyujije ku rubuga rwa X, yavuze ko nubwo amaze iminsi ahugiye mu mirimo ye, bitamubuza gukomeza kuzirikana Abanyarwanda baba mu mahanga. Yakomeje avuga ko Abanyarwanda baba i Paris ari bo bamutumiye muri icyo gitaramo, akacyitabira mbere yo kwerekeza muri Cambodia, aho azitabira inama y’Abakuru b’Ibihugu na za Guverinoma bigize OIF. Iyo nama izaba mu gihe hateganyijwe n’amatora y’Umunyamabanga Mukuru mushya w’uyu muryango, uzayobora manda y’imyaka ine iri imbere. Mushikiwabo yashimiye abamutumiye n’abahanzi bataramiye abitabiriye icyo gitaramo, avuga ko cyamuhaye akanyamuneza mbere y’inshingano yari amutegereje. Yashimangiye ko igitaramo cyaranzwe n’ibyishimo, ashimira by’umwihariko Masaamba Intore n’abahungu be Lionel Sentore na Daniel Ngarukiye, agaragaza ko bazi gutaramira abantu. #inyarwandanews

AMASHUSHO: Umusizi @juniorrumaga n’umuhanzi @MassambaIntore bari mu karere ka Rusizi aho baje kwifatanya n’abaturage bo muri ako karere kwizihiza umunsi mukuru w’Umuganura. #inyarwanda #umuganura2026 #temberaurwanda