கொரோனா காலத்தில் பொழுதுபோக்காக அனைவரும் பார்த்த Web Series-களை, சித்தரஞ்சன் சாலை மூர்த்தி தற்போது வீட்டில் பொழுதுபோக்காகப் பார்த்து வருகிறார். நாள் முழுவதும் வீட்டிலேயே இருப்பதால் அவருக்கும் போரடிக்கும்ல! பல ஆங்கில Web Series-களுக்கு திமுகவின் ஆட்சி இலட்சணம்தான் Inspiration என்று சொன்னால் அது மிகையாகாது. Narcos, Money Heist, Scam போன்ற Web Series-களுக்கான தொடக்கப்புள்ளியே திமுகவின் வரலாறுதான்! சர்க்கரை ஊழலில் தொடங்கி, இன்று நடிப்பு அரக்கனின் பள்ளிக்கூட ஊழல் வரை, திமுகவின் ஊழல் வரலாறு உலகப்புகழ் பெற்றதென Sweet Uncle credit stealing செய்து பெருமிதம் கொள்வார். மேலும், விரைவில் வெளியாகவுள்ள 2G Files, Cable Chronicles, Toilet Scam, Extortion Game Web Series-களில் திமுக வரலாறுகளில் சில content-களாக இடம்பெற உள்ளன. அவற்றையெல்லாம் உங்கள் Watchlist-இல் Add செய்துகொண்டு கண்டு மகிழுங்கள், Sweet Uncle!

தன் ரசிகர் மன்றத்தின் முன்னாள் தலைவர் திரு.அன்பில் மகேஷ், தமிழகக் கல்வித்துறை அமைச்சராக இருந்தபோது தரமான ஊழல் செய்ததை மெச்சி வரவேற்று அறிக்கை அளித்துள்ளார் சர்க்கஸ் ஷோவின் நகைச்சுவையில்கூட எடுபடாத உலகப்புகழ் காமெடி நடிகர் உதயநிதி. திரு.அன்பில் மகேஷ், கொள்ளைக் கூட்டமான தி.மு.க.விற்கு கோபுரப் புகழ் சேர்த்திருப்பதால் குதூகலம் அடைந்ததால், த.வெ.க. மீது தரம் தாழ்ந்து பாய்ந்திருக்கிறார். ‘தொட்டுப் பார், தூக்கிப் பார்’ என்று வெற்று வாய்ச் சவடால் விட்ட உளறல் திலகம் இப்போது சட்டம் தன் கடமையைச் செய்திருப்பதப் பார்த்து முக்காடிட்டு மூக்குச் சிந்தி அழுதிருக்கிறார். தாத்தா-தந்தை-மகன் மற்றும் அதற்குப் பிறகும் என நான்கு தலைமுறை நட்பு எனச் சிலாகிக்கும் நண்பேண்டா காமெடிச் சித்திரக்காரர், ‘சட்டப்படி எதிர்கொள்வார் சகோதரர்’ என்று தன் நண்பரின் ஊழலுக்காக நா தழுதழுக்கிறார். தன் கெழுதகை நண்பருக்காக கிலுகிலுப்பை வேறு ஆட்டுகிறார். டம்மிப் புகழ்பெற்ற காமெடி கதாநாயகனான கதறல் திலகத்தின் கண்டன அறிக்கையை காமெடி அறிக்கையாகவே மக்கள் பார்க்கின்றனர். ஊழல் செய்துவிட்டு உதார் விட்டால் மக்கள் உரிய பாடத்தைப் புகட்டாமல் இருக்க மாட்டார்கள் என்பதை இந்த உதறல் திலகம் எப்போதுதான் உணரப் போகிறாரோ?. தந்தையும் மகனும் தங்கள் குடும்ப நண்பர் ஊழலே செய்யவில்லை என்றோ செய்யவும் மாட்டார் என்றோ ஓர் உறுதியான உத்தரவாதத்தை ஒருவரியில்கூட தரவில்லையே ஏன்? ஏன்? ஏன்?