چور مچائے شور خیبر پختونخوا کے معدنی وسائل پر یہ بے بنیاد شور مچانے والے یہ حقیقت بھول جاتے ہیں کہ آئین کی اٹھارویں ترمیم کے بعد سے معدنیات کا شعبہ مکمل طور پر صوبائی حکومت کے اختیار میں ہے اور مئی 2013 سے لے کر اب تک مسلسل پاکستان تحریک انصاف ہی اقتدار میں رہی ہے۔ قیامِ پاکستان سے لے کر 2013 تک یعنی 66 سال میں صوبے بھر میں صرف 482 لائسنس جاری ہوئے تھے، لیکن پی ٹی آئی کے اس 13 سالہ دور میں یہ تعداد چھلانگ لگا کر 4,917 تک پہنچا دی گئی۔ اس کھلی بندر بانٹ میں صوبے کے قیمتی وسائل کو سیاسی من پسند افراد اور اقارب کو نوازنے کے لیے استعمال کیا گیا، جہاں چترال کے قیمتی معدنی پرمٹس اور وسائل علیمہ خان کے بیٹے شاریز خان اور ان کی اہلیہ کو دیے گئے، جبکہ دیگر رہنماؤں اور مراد سعید کے قریبی رشتہ داروں، چچازاد بھائیوں اور دوستوں کو بھی اندھا دھند پرمٹس بانٹ کر صوبائی وسائل کو ذاتی جاگیر بنایا گیا۔ بدانتظامی کا عالم یہ ہے کہ مانسہرہ کے شنکیاری گرینائٹ پراجیکٹ کے لیے چینی کمپنی چائنا جیو انجینئرنگ کارپوریشن (CGC) کے ساتھ اربوں روپے کا اہم معاہدہ صوبائی محکمہ معدنیات کی ناقص پالیسیوں اور نااہلی کے باعث منسوخ ہوا، جس کے منفی اثرات سے صوبے میں بین الاقوامی سرمایہ کاروں کا اعتماد مکمل طور پر تباہ ہو گیا اور کوئی بھی غیر ملکی کمپنی آگے نہ آئی۔ دوسری طرف کوہاٹ، شکردرہ، نوشہرہ اور دریائے سندھ پر ہزاروں ایکسکیویٹرز کے ذریعے 12 ارب روپے کی غیر قانونی گولڈ مائننگ کی گئی اور سالانہ 7.2 ارب روپے کی رائلٹی ڈبو دی گئی، جبکہ آڈٹ جنرل آف پاکستان اور نیب کی رپورٹس کے مطابق محکمہ معدنیات میں 16.94 ارب روپے کے غبن اور 4.31 ارب روپے کے نادہندگان کو تحفظ دینے کے ہوشربا انکشافات سامنے آ چکے ہیں۔ ​اب سوال یہ پیدا ہوتا ہے کہ جب تیرہ سال تک تمام انتظامی اختیارات، پالیسیاں اور لیزوں کا اجرا پی ٹی آئی کی حکومت کے کنٹرول میں رہا، تو اس کھلی لوٹ مار، اقربا پروری، چینی کمپنی کا معاہدہ ڈبونے اور 17 ارب روپے کی کرپشن کا ملبہ کس کے سر جاتا ہے؟ حقیقت یہ ہے کہ پاک فوج کے پاس پورے صوبے میں کوئی لیز موجود ہی نہیں ہے، سوائے شمالی وزیرستان کے محمد خیل کاپر پروجیکٹ کے، جو کہ کوئی غیر قانونی الاٹمنٹ نہیں بلکہ فاٹا انضمام سے قبل 2016 میں فاٹا ڈویلپمنٹ اتھارٹی نے کھلی بولی اور شفاف قانونی مراحل کے تحت فرنٹیئر ورکس آرگنائزیشن (FWO) کو دیا تھا اور جس کی آمدنی کا سب سے بڑا حصہ مقامی قبائل اور صوبائی خزانے کو ملتا ہے۔ الزام تراشی کرنے والے پہلے اپنی لوٹ مار کا حساب دیں اور پھر کسی پر انگلی اٹھائیں، کیونکہ پاک فوج نے اگر محمد خیل پراجیکٹ سنبھالا تو اس کے بدلے مقامی افراد کو حصہ دیا ، پہلے فاٹا ڈویلپمنٹ اتھارٹی اور بعد میں صوبائی حکومت کو حصہ دیا ، پاک فوج نے تو وزیر ستان کو امن دیا تاھ ، وزیرستان میں دو نئے کیڈٹ کالجز بنائے، تاریخی رزمک کیڈٹ کالج کو دوبارہ بحال کیا، متعدد آرمی پبلک اسکولز اور 683 عام اسکولز کی بنیاد رکھی اور علاقے کی تقدیر بدلنے کے لیے 700 کلومیٹر سے زائد جدید سڑکیں تعمیر کیں، جبکہ 13 سال اقتدار میں رہنے والوں نے فاٹا اور قبائلی عوام کو بربادی اور زبانی جمع خرچ کے سوا کچھ نہیں دیا۔ – at Islamabad, Pakistan

فہیم بھائی، ذرا یہ بتائیں کہ تیراہ میں آخر کون سا ملٹری آپریشن ہو رہا ہے؟ یہ ایک حقیقت ہے کہ تیراہ کے لوگ روایتی طور پر ہر سال سردیوں میں نیچے میدانی علاقوں کا رخ کرتے ہیں اور موسم تبدیل ہوتے ہی واپس اپنے گھروں کو جا چکے ہیں۔ وہاں کوئی بڑا ملٹری آپریشن نہیں ہو رہا، بلکہ صرف انٹیلی جنس کی بنیاد پر مخصوص اور ٹارگٹڈ کارروائیاں کی جا رہی ہیں۔ جہاں تک جنوری 2026 کے متاثرین کی بات ہے، تو ذرا بتائیں کہ انہیں بے گھر کس نے کیا تھا؟ اپنے گریبان میں جھانکیں اور اپنی صوبائی حکومت سے پوچھیں جس نے پی ڈی ایم اے (PDMA) کو 4 ارب روپے جاری کیے تھے۔ ذرا قوم کے سامنے حساب پیش کریں کہ وہ 4 ارب روپے کہاں غائب ہوئے؟ سچ تو یہ ہے کہ متاثرین کے نام پر آنے والا سارا فنڈ صوبائی حکومت اور اس کے حواری خود ہضم کر گئے۔ اور شرمناک حقیقت یہ ہے کہ جب ہماری سیکیورٹی فورسز انٹیلی جنس کی بنیاد پر خوارج اور دہشت گردوں کو جہنم واصل کرتی ہیں، تو آپ ہی کی پسندیدہ پارٹی کے لوگ ان ہلاک دہشت گردوں کی لاشیں اٹھا کر فوج کے خلاف زہریلا بیانیہ بنانے اور پوائنٹ اسکورنگ کرنے پہنچ جاتے ہیں۔ میرے بھائی! پولیس کے بجٹ کا آپ کو علم ہے؟ اس سال بھی 128 ارب روپے وفاق کی طرف سے آئے ہیں، لیکن آپ کی صوبائی حکومت کا اپنا عملی حصہ نہ ہونے کے برابر ہے۔ نہ پولیس کے لیے جدید اسباب اور اعلیٰ اسلحہ خریدا جا رہا ہے، نہ جدید بکتر بند گاڑیاں (APCs) لی جا رہی ہیں، نہ نئے تھانے بن رہے ہیں اور نہ ہی سی ٹی ڈی کو جدید تکنیکی خطوط پر استوار کیا جا رہا ہے۔ پولیس کے بہادر جوانوں کو رات کے اندھیرے میں سیکیورٹی چیلنجز کا مقابلہ کرنے کے لیے نائٹ ویژن کیمرے تک فراہم نہیں کیے گئے۔ 2017 کے جس پولیس ایکٹ کی آپ بڑی تعریفیں کرتے تھے، اب عملاً اسی پولیس کو ایک سیاسی ٹائیگر فورس بنانے کی کوشش کی جا رہی ہے۔ آپ ڈرون کارروائیوں کا روگ روتے ہیں، لیکن سچ تو یہ ہے کہ دہشت گردانہ ڈرون حملے اور تشدد آمیز کارروائیاں تو خود آپ کے پارٹی کے مسلح ونگ کر رہے ہیں جو معصوم شہریوں اور سیکیورٹی فورسز کو نشانہ بناتے ہیں۔ جن سوالات کے جواب آپ دوسروں سے مانگ رہے ہیں، ان کا اصلی حساب تو پچھلے 13 سال سے اس صوبے پر مسلط آپ کی اپنی حکومت کے پاس ہے۔ آپ ذرا اپنی حکومت کو کہیں کہ ہر ضلع میں زبانی جمع خرچ کے بجائے فوری طور پر سیف سٹی پروجیکٹس کا آغاز کرے، پولیس کو روایتی بیانات دینے کے بجائے جدید ترین اسلحہ اور حفاظتی سامان فراہم کرے، فاٹا انضمام کے اصل مسودے کے تحت ہر ضلع میں 3,000 پولیس اہلکار بھرتی کرے، اور وزیر اعلیٰ کم از کم اپنے ضلع میں بنیادی تھانے قائم کر کے نئی شفاف بھرتیوں کا پروسیس شروع کریں۔ – at Rawalpindi, Pakistan