خیبر پختونخوا کے پہاڑ سونے، ماربل، کوئلے اور دیگر قیمتی معدنیات کے علاوہ تیل و گیس جیسے اہم وسائل سے مالامال ہیں، لیکن اصل کامیابی صرف ان ذخائر کی مالیت بتانے میں نہیں بلکہ یہ دیکھنے میں ہے کہ ان سے صوبے کو کتنی صنعت اور روزگار ملا، مقامی لوگوں کے حقوق کس حد تک محفوظ ہوئے اور قدرتی وسائل پر لڑائیوں یا بدامنی میں کتنی انسانی جانیں ضائع ہوئیں۔ مئی 2016 میں جب کراچی میں پختون صنعت کاروں نے ماربل کارخانے بند ہونے اور خیبر پختونخوا سے زیارت وائٹ ماربل کی سپلائی معطل ہونے کی شکایت کی تو اس وقت کے گورنر خیبر پختونخوا اقبال ظفر جھگڑا نے مسئلہ حل کرنے کی یقین دہانی کرائی، لیکن واپسی پر بریفنگ لینے پر معلوم ہوا کہ یہ محض تجارت کا مسئلہ نہیں بلکہ اس کے پیچھے برسوں سے جاری قبائلی تنازعات، ملکیت کے جھگڑے اور خونریزی کی ایک تلخ داستان ہے۔ مہمند میں ماربل کی کانوں کی ملکیت اور درہ آدم خیل میں کوئلے کی کانوں پر قبائلی تصادم نے نسل در نسل خاندانی دشمنیوں کو جنم دیا، جبکہ معدنی، ڈیمز اور تیل و گیس کے وسائل تلاش کرنے والی غیر ملکی کمپنیوں کے انجینئرز اور ماہرین کو بھی ہدف بنایا گیا۔ پولینڈ کی کمپنی (Geofizyka Krakow) کے انجینئر پیٹر اسٹانچک کو اٹک کے علاقے جنڈ سے اغوا کر کے درہ آدم خیل میں ذبح کیا گیا اور ان کے سکیورٹی گارڈ و ڈرائیورز سمیت تین پاکستانی ساتھی مارے گئے، ہنگری کی کمپنی MOL کے قافلے پر لاچی (کوہاٹ) میں حملہ کر کے انجینئر اور ڈرائیور کو اغوا کیا گیا اور ایف سی اہلکاروں سمیت چھ افراد جاں بحق ہوئے، گومل زام ڈیم پر دو چینی انجینئرز کے اغوا کے بعد ایک کو ذبح کر دیا گیا، داسو ڈیم منصوبے کے قافلے پر خودکش حملے میں چینی باشندے اور پاکستانی ڈرائیور جاں بحق ہوئے، جبکہ چینی کمپنی PJP کے ملازمین سمیت مقامی گیس و آئل سروے عملے کو بھی متعدد بار اغوا و تشدد کا نشانہ بنایا گیا۔ ​اگر معدنیات اور توانائی کے وسائل نکالنا اتنا ہی آسان ہوتا تو مقامی لوگ اپنی ہی زمین پر جانیں نہ گنواتے۔ جب تک ملکیت، لیز، مقامی رضامندی، امن و امان اور آمدن کی مساوی تقسیم پر اتفاق نہ ہو، سرمایہ کاری رک جاتی ہے اور دشمنیاں بڑھتی ہیں۔ اعدادوشمار بتاتے ہیں کہ صرف مہمند اور درہ ادام خیل میں سینکڑوں افراد جاں بحق ہوئے، ، نوشہرہ کے جبی نظام پور میں کوہاٹ کے شکر درہ میں میں بھی کئی افرادکو مارا گیا ، 2010 میں 18ویں ترمیم کے بعد معدنیات کا شعبہ صوبوں کو منتقل ہوا اور 2018 میں فاٹا کے انضمام کے بعد قبائلی اضلاع بھی صوبائی نظام میں شامل ہو گئے۔ یہ صوبے کے لیے جدید کان کنی، شفافیت اور تنازعات کے حل کا ایک بڑا موقع تھا۔ ​اگرچہ 2017 میں مہمند ماربل سٹی کو سی پیک کے صنعتی زون میں شامل کیا گیا، مگر اس منصوبے پر پی ٹی ائی حکومت نے کام نہیں کیا ، صوبے میں معدنیات کے شعبے کو سب سے بڑا نقصان غیر مؤثر پالیسیوں اور ناقص انتظام سے پہنچا، جہاں بڑی لیزیں منسوخ کر کے معدنی علاقوں کو چھوٹے ٹکڑوں میں بانٹ دیا گیا اور شفاف مسابقت کے بجائے سیاسی من پسند افراد کو نوازنے کے الزامات سامنے آئے، جس سے صنعتی سرمایہ کاری متاثر ہوئی اور غیر قانونی کان کنی کو فروغ ملا۔ خیبر پختونخوا اسمبلی کی معدنیات سے متعلق قائمہ کمیٹی کو پیش کی گئی رپورٹ کے مطابق صوبے کی تقریباً 4,917 لیزوں میں سے صرف 2,000 فعال ہیں جبکہ 765 منسوخ کی جا چکی ہیں، جس کی بڑی وجہ بدامنی اور قانونی پیچیدگیاں بتائی جاتی ہیں۔ ​اس تمام تر انتظامی ناکامی، بدامنی اور سیاسی بیانیوں کی زد میں جہاں ایک طرف بیرونی سرمایہ کاری اور نجی شعبہ متاثر ہوا، وہاں دوسری طرف عسکری اداروں کے خلاف معدنیات پر قبضے کا بیانیہ بھی گردش میں لایا گیا۔ تاہم سرکاری اور آئینی ریکارڈ کی حقائق پر مبنی چھان بین کی جائے تو تصویر کا ایک دوسرا رخ سامنے آتا ہے۔ پاک فوج 2003ء سے قبائلی اضلاع میں موجود ہے، مگر ان 23 سالوں میں نہ تو عسکری اداروں نے فاٹا ڈویلپمنٹ اتھارٹی کو کسی دوسری الاٹمنٹ کی درخواست دی اور نہ ہی صوبائی محکمہ معدنیات میں کوئی ایسی درخواست جمع کرائی۔ خیبر پختونخوا کے کل منرل لائسنسوں میں سے 4,916 نجی اور سیاسی افراد کے پاس ہیں، جبکہ عسکری ادارے (FWO) کے پاس پورے صوبے میں صرف 1 واحد لائسنس ہے جو 2016 میں کھلی بولی اور تمام طے شدہ قانونی مراحل کے بعد الاٹ ہوا تھا۔ یہ واحد منصوبہ "محمد خیل کاپر پروجیکٹ" (بویا، شمالی وزیرستان) تھا، جس پر سوشل میڈیا پر 9 لاکھ ٹن کاپر کا غیر مصدقہ ادعا کیا گیا، لیکن اس تلخ حقیقت سے انحراف ممکن نہیں کہ جو کمپنیاں گیس، تیل، ڈیمز یا انفراسٹرکچر بنانے آئیں انہیں دہشت گردی کا نشانہ بنایا گیا، اور دوسری جانب انتظامی ناکامیوں اور سیاسی نعرے بازی نے صوبے کی معاشی ترقی کو روکے رکھا۔ ان تمام حقائق سے یہ بات واضح ہوتی ہے 1/2 – at Rawalpindi, Pakistan