Huleg

Саяхан болсон АНУ-ын Конгрессын завсрын сонгуульд Трампын Бүгд Найрамдах нам Сенат болон Төлөөлөгчдийн танхимын аль алинд нь ялагдал хүлээлээ. Сонгогчдод 5,000 ам.доллар амласан ч тэд нэг удаагийн мөнгөн урамшууллаас илүүтэйгээр өөрсдийн итгэл үнэмшил, улс орныхоо болон өөрсдийнхөө ирээдүйг чухалчилж саналаа өгсөн гэж дүгнэж болохоор байна. Трампын нам ялагдал хүлээсэн үндсэн таван шалтгаан: 1. Ираны дайн Трампын сонгуулийн амлалттай зөрчилдсөн. Гадаад дахь дайнуудыг дуусгана гэж амласан Трамп өөрөө Иранд шинэ дайн эхлүүлсэн нь сонгогчдын итгэлийг алдахад хүргэжээ. Уг дайнд АНУ-ын 20 гаруй цэргийн алба хаагч амиа алдаж, дайны зардал 47 тэрбум ам.доллар давсан байна. 2. Үнийн өсөлт, амьжиргааны өртөг нэмэгдсэнд сонгогчид Трампын бодлогыг буруутгасан. Инфляцын хариуцлагыг сонгогчид Трампад тохож байгааг зөвлөхүүд нь түүнд анхааруулж байсан ч худлаа мэдээлэл хэмээн үл тоож, засах арга хэмжээ аваагүй нь том алдаа болжээ. Ираны дайны улмаас шатахуун, тээвэр, бордооны үнэ огцом өсөж, иргэдийн амьжиргааны өртгийг нэмэгдүүлсэн байна. Түүнчлэн АНУ-ын Холбооны нөөцийн сангийн судлаачдын тооцоолсноор Трампын гаалийн тарифын бодлого хүнс, эрчим хүчийг хассан барааны үнийг 3.1 хувиар өсгөжээ. 3. Цагаачлалын бодлогоор олсон улс төрийн давуу талаа алдсан. АНУ-ын хилээр хууль бусаар нэвтрэх тохиолдол сүүлийн хэдэн арван жилийн хамгийн доод түвшинд хүрсэн ч хотуудад явуулсан өргөн хүрээтэй баривчилгаа, албадан гаргах ажиллагаа олон нийтийн эсэргүүцэлтэй тулгарчээ. Ялангуяа Миннесота мужид холбооны алба хаагчдын буудлагын улмаас АНУ-ын хоёр иргэн амиа алдсан нь цагаачлалын хатуу бодлогыг тойрсон маргааныг улам хурцатгасан байна. 4. Сонгуульд ялах чадвараас илүүтэйгээр өөрт нь үнэнч байдлыг чухалчилсан. Трамп Жоржиа, Өмнөд Каролина, Хойд Каролина, Техас зэрэг мужид ерөнхий сонгуульд ялах боломж өндөртэй гэж намынхан нь үзэж байсан нэр дэвшигчдийн оронд өөрт нь үнэнч хүмүүсийг нэр дэвшүүлжээ. Үүний үр дүнд Бүгд Найрамдах нам өрсөлдөх боломжтой байсан чухал тойргуудад ялагдал хүлээсэн байна. 5. Сонгогчдын санааг зовоож байсан асуудлууд Трампын анхаарлын төвд байсангүй. Иргэд амьжиргааны өртөг, үнийн өсөлт, засаг захиргаа болон Трампын гэр бүлтэй холбоотой авлигын талаарх мэдээлэлд анхаарлаа хандуулж байхад Трамп Цагаан ордны шинэ ёслолын танхим, Вашингтон хотын тохижилт зэрэг төслүүдэд ихээхэн цаг зарцуулж байжээ. Ийнхүү сонгогчдод тулгамдсан асуудал, нийгэмд тавигдаж буй зүй ёсны шаардлагыг Трамп үл тоомсорлон дураараа аашилж байсан нь сонгуулийн үр дүнд нөлөөлжээ. Монголчуудын хэлдгээр “Буруу замаар будаа тээвэл, буцахдаа шороо тээнэ” гэдгийг энэ сонгууль яруу тодоор харуулж байна.

Магадгүй ч биш, санхүүжүүлсэн учраас Монголбанк 850 гаран тэрбум төгрөгийн алдагдал хүлээсэн. Энэ бол 3 жилийн өмнөх алдагдлын хэмжээ, одоо хэвээрээ л байгаа болов уу!

Өнөөдөр Монгол улс 🇺🇳 НҮБ-ын гишүүн болсон өдөр. НҮБ-д элсэх өргөдлөө 1946 онд өгснөөс хойш 15 жилийн дараа 1961 оны 10-р сарын 27-нд Монгол улс НҮБ-д элсэн орсон. Тусгаар тогтнолоо дэлхийн улс орнуудаар хүлээн зөвшөөрүүлж чадсан үе, үеийн төр, нийгмийн зүтгэлтнүүддээ талархал илэрхийлье.🌹🌐🇺🇳

Намайг гүтгэж, доромжилж, элдэв нэвтрүүлэг бэлтгэн цацаж байсан сэтгүүлчид, тэдгээрийг түгээж байсан сайтуудыг мэдэж авлаа. Гүтгэлгүүдийг давтамж, цаг хугацаа, санхүүжилттэй нь уялдуулан харахад учир нь аяндаа тодордог юм байна. Цаад захиалагчид нь ч хөөрхий дөө, ичиж үхмээр дамшигууд! Цаг нь ирэхээр бүх зүйл ил болдог ажээ. Одоо хэдэн лайвчны санхүүжилтийн эх үүсвэр, захиалагчид нь ил болох нь ч цаг хугацааны л асуудал болжээ. Үйлийн үр хаалга андуурдаггүй гэдэг дээ…

2026 оны Эдийн засгийн Нобелийн шагналыг АНУ-ын эдийн засагч Роберт Холл, Майкл Вудфорд нар хүртлээ. Тэдний судалгааны гол ач холбогдол нь инфляци, ажилгүйдэл, эдийн засгийн өсөлт зэрэг макро эдийн засгийн үзүүлэлтүүдийг зөвхөн “том тоонууд”-аар бус, өрх гэр, компани, ажилтан, хэрэглэгчид хэрхэн шийдвэр гаргадагтай холбон тайлбарласанд оршино. Энгийнээр хэлбэл, төв банк бодлогын хүүгээ өөрчлөхөд зөвхөн банкны зээлийн хүү өөрчлөгдөөд зогсохгүй, хүмүүсийн хэрэглээ, хадгаламж, компаниудын хөрөнгө оруулалт, цалин, үнэ тогтоох шийдвэрт нөлөөлдөг. Эдгээр сая сая жижиг шийдвэр нийлж байж нийт эдийн засгийн хөдөлгөөнийг бий болгодог. Холл, Вудфорд нарын судалгаа нь төв банк инфляцийг тогтворжуулахын тулд ямар механизмаар эдийн засагт нөлөөлдөг талаар орчин үеийн эдийн засгийн онолын чухал суурийг бий болгосон. Өнөөдөр дэлхийн төв банкууд инфляци, бодлогын хүү, эдийн засгийн өсөлтийн хооронд тэнцвэр олохыг хичээж байгаа энэ үед тэдний судалгааны ач холбогдол улам тод харагдаж байна. Эдийн засгийг ойлгохын тулд зөвхөн ДНБ, инфляци, төсөв гэх мэт том үзүүлэлтүүдийг харах хангалтгүй. Хүмүүс, компаниуд ямар хүлээлттэй, ямар шийдвэр гаргаж байгааг ойлгох нь макро эдийн засгийг ойлгох гол түлхүүр юм.

Эпштейний баримтад харилцан холбоотойгоор хамгийн олон удаа дурдагдсан Х.Баттулгын зөвлөх, “Либерти Партнерс” ХХК-ийг үүсгэн байгуулагч Ч.Ганбат (194 удаа), мөн “Женко” Х.Баттулга (81 удаа)-тай холбоотой дараах асуудлуудыг сонсголын үеэр зайлшгүй асууж, тодруулах шаардлагатай гэж үзэж байна. 1. 2017 оны Монгол улсын Ерөнхийлөгчийн сонгуульд манай хуулийг зөрчөн гадаадын иргэн, байгууллага оролцсон оролцоог тодруулах, 2017 оны 7-р сарын 8-нд Ч.Ганбат Баттулга сонгуульд ялсныг мэдээлээд Epstein-д “Таны дэмжлэгт баярлаж байна” буюу “Thank you for your support” үйлдлийг хуулийн байгууллага, нэн ялангуяа Тагнуулын Ерөнхий газарт шилжүүлж, хэрэг үүсгэн шалгаж үр дүнг УИХ, СЕХ болон олон нийтэд танилцуулах 2. EFTA00677752, EFTA01041151 / EFTA01041143 зэрэг дугаартай баримтад дурдагдсан Монголыг оффшор бүс болгох Женкогийн саналын талаар тодруулах 3. EFTA00677752–EFTA00677761, EFTA00716972 болон EFTA00708613 дугаартай баримтад дурдагдсан Epstein-ийн танил эмэгтэйг Монголд ажиллуулах санал ажил хэрэг болсон эсэх, ялангуяа Монголд болон Монголын гадаад дахь төрийн болон ААН-үүдийн төлөөлөгчийн газар, байгуулагуудад ажиллуулах шийдвэр гарсан эсэхийг тодруулах 4. Ганбат Epstein-тэй 2019 оны 1-р сард Epstein-ийн Нью-Йорк дахь 9 East 71st Street гэрт биечлэн уулзахдаа юу ярьсныг тодруулах

2026 оны Физикийн салбарын Нобелийн шагналыг физикч Фрэнсис Халзен хүртлээ. Тэрээр сансар огторгуйгаас ирдэг, илрүүлэхэд туйлын хэцүү өндөр энергитэй нейтрино хэмээх бөөмсийг судлахад голлох үүрэг гүйцэтгэсэн эрдэмтэн юм. Нейтрино нь бодистой бараг харилцан үйлчилдэггүй учраас заримдаа “сүнс бөөм” гэж нэрлэгддэг. Гэсэн хэдий ч эдгээр бөөм нь дэлбэрч буй одод, алс холын галактикууд зэрэг сансар огторгуйн хамгийн хүчтэй үзэгдлүүдийн талаарх үнэт мэдээллийг бидэнд авчирдаг. Өөрөөр хэлбэл, эрдэмтэд орчлон ертөнцийг зөвхөн гэрлээр ажиглахаас гадна нейтриноор “харах” шинэ боломжтой болсон гэсэн үг. Энэхүү нээлт нь орчлон ертөнцийн үүсэл, мөн сансар огторгуйн хамгийн хүчтэй, нууцлаг үзэгдлүүдийг танин мэдэх цоо шинэ аргыг хүн төрөлхтөнд нээж өгчээ. Фрэнсис Халзен 82 настай бөгөөд АНУ-ын Висконсин–Мэдисоны их сургуульд (University of Wisconsin–Madison) ажилладаг.

Бензиний үнийг хүчээр барих тусам урт дараалал, дэмий алдсан цаг хугацаа, шагийн наймаа, хомсдол, чанаргүй эсвэл хольцтой бензин, авлигын орон зай улам нэмэгддэг. Эцсийн дүндээ энэ бүхний өртгийг хэрэглэгч өөрөө хэд нугалан төлдөг.

Бараа, бүтээгдэхүүний очер, хомсдолыг Дамдинням битгий хэл СССР улс дийлээгүй. Олон төрлийн санал санаачлага гаргаж байсан хэдий ч үр дүн гараагүй. Эцэст нь чөлөөт үнэ л очерийг алга болгосон доо. Оношоо зөв тавьж, зөв шийдэл гаргах нь эдийн засгийн бодлогын гол цөм. Бодлого буруу бол буруу замаар явж, буцахдаа шороо зөөдөг.