حمود المويهي retweeted
وقّف الليل عقرب ساعة البِندول
والمتيم نفد صبره من بْعاده
للأرق في عيون اللي العشق مدلول
طال صمته ، وهمه طال ، وسْهاده
بيّن .. وبين طرفٍ بالسهر مكحول
جمرةٍ من جحيم النار ، وقّاده
في رجالله .. وثم ، والموعد المأمول
بيني ، وبين من خذلانها عاده
من يوصّل سلامٍ بالوفا مشغول
ويبلغ اخت العنود ان الغلا عادِه
باقيٍ ، لو على الهجر استدار الحول
واقفت بفالها ماهي بنشّاده
قالوا عْقوب قال بسدرة الغرمول
ياعسى فوقها الامزان هَدّاده
وبْشنقها يسيل السيل .. قلت اقول
من صميمٍ كثير الوجْد مافاده
جعل دار الحبيبه نافع الهملول
نوض برقه يسابق صوت رعّاده
لين تِحيي عشوب الخايع المسيول
ديمةٍ تاخذ إلها اسبوع ، وزّياده
وجْد روحي على شوفة هذاك الزول
مثل وجْد الغريب اللي عن بْلاده
مغترب .. مامعه حيله ، ولا له حول
وجْد روحي قريبٍ من تِوجّاده
ليتني كنت أعرْف الغيب ، والمجهول
كان يمدي غلاك أعرف وش أبعاده
ولاصرتي عن يديني بعيدة نول
يا شفوف الخفوق ، وغاية مْراده
سِعد من تِصبح عْيونه بهاك الزول
وان رقد طيّب الله فال مرقاده
بين عنقٍ طويل ، وناعمٍ مفلول
يتمرجح سوات الطفل بمهاده
غير سود العيون اللي لها مفعول
عين حرٍ شلع من كفّ هَدّاده
تلّ سبقه ، وروّح عقب شاف الجول
وضاع يامن يبشّرني بمعواده
ساطي الرمش تحت الحاجب المسلول
واعنا القلب لا جِرّد من غْماده
كم صويب شكى جرحه ، وكم مقتول
قاطعٍ مايبيله سَنْ ، وحّداده
وان لفى مسمعي منّك حرير القول
يرجع القلب ، ويتّكي على شداده
كل هرجٍ ربى في شفّتك معسول
يِبري الجرح لبطى فوقه ضماده
وهرج غيرك ولوْ يْقصّره مملول
لو تذلّل لي ، وكثّر توِدّاده
أنثري ليل شعرٍ بالندى مبلول
أسودٍ ماخذ مْن قلوب حِسّاده
النسايم لها قصة مع المجدول
لانقضتيه جتْ تنساب منقاده
أفهقي سود خصلاته عن المنتول
وينظم الليل لك نجماته قلاده
مثل نظم الجواهر ، والدُرر ، واللول
في سلوك الذهب بكفوف نضّاده
أرفلي بالحرير اللي كسا مفتول
عود موزٍ ستير الثوب مافاده
ثوبٍ احمر من خيوط الشفق مغزول
دمّ عفريةٍ يادوب منصاده
المطرز يلوق بْقدّك المعزول
بس طالع عليك يجنن الساده
أضحكي لي بوجةٍ بالرضا مغسول
ضحكتةٍ تنتزع من صدري فْواده
وإنزلي في حمى صدرٍ مهو مدهول
لا مها قد رعت قفره ، ولا غاده
قبْل أعرفك ، وفيه المسلمين أنزول
مثل عدٍ عليه البدو ، ورّاده
وبعد شدّت ضْعونك مامعاي حْلول
بدو .. والبدو نزّاله ، وشدّاده
فيك مامن عوض بالارض عرض ، وطول
حتى لو قالوا النسوان ولّاده
من ما قيل في مدح
الشيخ حمد بن خليفه آل ثاني
عزيتنا .. حتى الشجر في خريفـه
خضرا غصونه ما يبس ليّن العود
رحمك الله يا بو مشعل
واسكنك فسيح جناته
#حمد_بن_خليفة
حمود المويهي retweeted
ياللي تعيد الذاكره معك مافات
وانا على مابي من الحزن اداري
أكثر مايرهق فالشعور .. البدايات
الفقد واحد ، باختلاف الطواري
بيني وبينك لو تحول المسافات
لا زلت في حدب الضلوع مْتواري
ذي خطوتك راحت وذي خطوتك جات
لا تحسب إن مالك على القلب اثاري
حمود المويهي retweeted
قِدْ ضاع في غبْ الوساع المساويد
قلبٍ عجز ياصل لـ يابس ضفافك
من عقْب ماهو يقطع البيد .. والبيد
جفافها ماكنّه الّا جفافك
والله لو انّ الراحه فْـ راحة الايد
ماشفتني قدامك ، ولا خلافك
لكن وش اسوّي بقلبٍ مقيريد
يغليك ، وانت لـ دمّ الاجواد سافك
متعلّقٍ بين النحر ، واتلع الجيد
ولا طرا في باله انّه يعافك
تزعل ، وتنضب لا زعلت المواريد
على حبيبٍ يرتجيك ، ويخافك
وعلى رضى قلبك تفزّ الجراهيد
وان لاح برّاق الحيا من رهافك
يميل عودك ، واتّدلّى عناقيد
ثمرْك .. وآحنّ لـ مواسم قطافك
لا صدفةٍ جابتْك .. ولا مواعيد
يبدو لي ان هذا هو آخر مطافك
يا سِعد عينٍ تلمحك في ضحى العيد
ترفل بنفنوفٍ توشّى عفافك
يا موقّف الدنيا ، واهلها على حيد
مافيه احد قدْ مرّ جنبك ، وطافك
محسود من شافك من بعيد لـ بعيد
وشلون عاد اللي من قريب شافك !
انت الصباح اللي يصبّح معاديه
والخالد اللي بالمواقيف خالـد ..
سمو ولي العهد
#الشيخ_صباح_خالد_الحمد
حمود المويهي retweeted
حبيبي يوم تجرحني تراك اقديت
ومن قال انّك المخطي فـ انا خصمه
عسى يغفر لك الله حتى لو اخطيت
ماغير الانبياء اللي لهم عصمه
فدتك النفس لو سويت ماسويت
بنفسٍ بعْد صدّك شبْه منفصمه
سنين احاول اتخطّاك بس ازريت
فراقك كان وقعه للظهر قصمه
عرفت من البشر فـ غيابك ، وحبيت
لكن انت الوحيد اللي ترك بصمه
انا لا مستمر .. ولا وقفت ولا تهّب انسام
لا هذا هو الزمان ولا المكان ! ولا زمكاني
لو ان العمر يرجع والا انا اسافر لقبل العام
اببقى هذا انا ؟ والا انا بكون انا ثاني !؟
الجفا هادم اللذه عمار القصيد
كل مقفي تقفى خطوته .. قافيه
عندنا وقت نبدا مع بعض من جديد ؟
ما احس السنين اللي مضت كافيه !
يامن تمرون حوله لا وصلتو صاحبي قولو له
وان م قلتو له بيوصله كلامي والكويت صغيره
والله اني لي قلب قبلك ما خبرت انه يحن ويوله
لو تشوف انه تنكر لك وخطواته معاك قصيره !
ما سمح قلبي من الحب يا سمح الجناب
هذا انا للحين هاوي وقلبي مهتوي
قوسك الباري من الله وسهمك يوم صاب
ماقدرت انجو بنفسي وانا باسي قوي
لو تعذبني فداياك .. يا عذب العذاب
انا مالي غير اقاسي واصارع وانكوي
كل عام اطوي المراحل مثل طي الكتاب
وانت مرحلتك لها كم عيت تنطوي ؟!
حمود المويهي retweeted
الصمت طوّل وقلّة منه الأنفاس
وشيصير بالواحد اذا الصمت طوّل
أشياء متأكده .. وأشياء وسواس
مرات أعدّي .. ومرّات أتهوّل
حالم ، ولكن بعد ما حاشني ياس
وأبطى فالأعماق وأسرف فالتغوّل
إحساسي إني وحيد ، وحولي الناس
ظنيت فتره بسيطه ويتحوّل
لكن بعد كل يوم .. يزيد الإحساس
الحين كل شي صار أصعب من أوّل













